عاوز اخد رايكم فى فيرنا 2006 شوفتها

[dr.hany]

انا اتفرجت على فيرنا 2006 ودى الحاجات اللى شوفتها فيها

العربية فابريكه جوه واغلب اجزاء من بره

العداد عامل 200 الف كم

الصالون ياخد 6 من 10

التكيف والسنتر مش شغال


طالب نهائى 44 الف


ايه رايكم

[BLACKVERNA]

اعتقد ان 200 الف كتير شويه

دور على حاجه ماشية قليل

[analyzer]

هى 1500 سى سى ولا 1600
وهى كامله ولا هاف
حاله الموتور والعافشه والشاسيه اخبارهم ايه

[dr.hany]

هى 1500 وهاف وحالة الشاسيه تمام بس فيه تعريق زيت خفيف على وش الموتور

هى 1500 سى سى ولا 1600
وهى كامله ولا هاف
حاله الموتور والعافشه والشاسيه اخبارهم ايه

[Ghost2]

خليك في المضمون يا مان اهم حاجه تركب العربية وانت راضي عنها مش مجرد راكب عربية وخلاص
دور مره واتنين وتلاته ومسيرك تلاقي حاجه حولة إن شاء الله

[mxz911]

لا العربيه كده ماشيه كتير اوى 200 الف ف 3 سنين ليه !!!!!!!!!!!!!!!!!!!!!!!!

انا رأى بلاش دى وزودلك كام الف وهات نفس العربيه وهيكون عدادها ربع ده مثلا يعنى 50 الف كيلو مثلا

[sasam6]

يانهار ابيض 200الف لييييييييييييييييييييييييييييييييييييييه كان بيروح فين بيها
وممكن كمان كانت بتأجر عشان تعمل الرقم ده
وابعد عن اى عربية بتاجر.....وغير كده 44الفسعر كتيييييييييييير جدا عليها

[salahlanser]

نصيحة منى ابعد عن العربية الفيرنا لانها عربية خفيفة جدا وموتورها اقوى من العربية
وخفيفة جدا انا بركب عربيات كتير وعن تجربة ان ال 128 احسن منها بكتير واولا عاملة كيلو متر كبير جدا

[BLACKVERNA]

وعن تجربة ان ال 128 احسن منها بكتير

لا تعليق

[amr_elrashidy]

نصيحة منى ابعد عن العربية الفيرنا لانها عربية خفيفة جدا وموتورها اقوى من العربية
وخفيفة جدا انا بركب عربيات كتير وعن تجربة ان ال 128 احسن منها بكتير واولا عاملة كيلو متر كبير جدا

خفيفة و فهمناها ...ال 128 احسن منها دى اعتقد لازم تفسرهالنا

[ahmad--ezzat]

انا اتفرجت على فيرنا 2006 ودى الحاجات اللى شوفتها فيها

العربية فابريكه جوه واغلب اجزاء من بره

العداد عامل 200 الف كم

الصالون ياخد 6 من 10

التكيف والسنتر مش شغال


طالب نهائى 44 الف


ايه رايكم

اعوذ بالله من الشيطان الرجيم
دى بلوة مش عربية

[أشرف فتحى]

نصيحة منى ابعد عن العربية الفيرنا لانها عربية خفيفة جدا وموتورها اقوى من العربية
وخفيفة جدا انا بركب عربيات كتير وعن تجربة ان ال 128 احسن منها بكتير واولا عاملة كيلو متر كبير جدا

ممكن توضحلنا وجهه نظرك !!!!
لانى ركبت 128 وركبت فيرنا ومش قادر افهم كلامك!!!!

[mxz911]

وخفيفة جدا انا بركب عربيات كتير وعن تجربة ان ال 128 احسن منها بكتير واولا عاملة كيلو متر كبير جدا

يمكن يا جماعه الراجل بيتكلم على الحضاره والاصاله بتاعت ال 128 .. :b4_282:

[salahlanser]

يا جماعة انا عاوز اقول ان الفيرنا مليانة عيوب كتير .مرة مهندس زميلى اشتراها زيرو وكان واقف فى الشارع وعدى علية واحد سألة العربية دى زيرو قالة ايوة سألة عن اخبارها معاه قالة ماشية رجع قاله العربية بترمى يمين لوحدها (بتحدف)قالة اة والله فى الاخر عرفة بنفسة انه مهندس فى التوكيل وان دة عيب فى العربية اول ما بتمشى عمرنا ما سمعنا كدة فى الاوبل والانسر والعربيات التانية.وانا اما بتكلم عن حاجة ناتج عن تجربة العربية نفسها.العربية دة حلوة للى عاوز يركب والسلام يعنى عربية رخيصة وتكييف وكدة انما اللى غاوى عربيات او (ركيب) يقتنع تماما انها مش حلوة. حاجة اخيرة عاوز تتفرج عليها من جوة انزل الحرفيين شوف اى واحدة بتتجدد وشوف شكلها من تحت التابلوة والفتيس هاتقتنع بكلامى وان ال128 احسن منها

[أشرف فتحى]

يا جماعة انا عاوز اقول ان الفيرنا مليانة عيوب كتير .مرة مهندس زميلى اشتراها زيرو وكان واقف فى الشارع وعدى علية واحد سألة العربية دى زيرو قالة ايوة سألة عن اخبارها معاه قالة ماشية رجع قاله العربية بترمى يمين لوحدها (بتحدف)قالة اة والله فى الاخر عرفة بنفسة انه مهندس فى التوكيل وان دة عيب فى العربية اول ما بتمشى عمرنا ما سمعنا كدة فى الاوبل والانسر والعربيات التانية.وانا اما بتكلم عن حاجة ناتج عن تجربة العربية نفسها.العربية دة حلوة للى عاوز يركب والسلام يعنى عربية رخيصة وتكييف وكدة انما اللى غاوى عربيات او (ركيب) يقتنع تماما انها مش حلوة. حاجة اخيرة عاوز تتفرج عليها من جوة انزل الحرفيين شوف اى واحدة بتتجدد وشوف شكلها من تحت التابلوة والفتيس هاتقتنع بكلامى وان ال128 احسن منها

يا فندم حضرتك قولت وجهه نظرك بس ما جاوبتش على سؤال مهم حضرتك خبرتك دى مبنيه على اساس انك كان معاك فيرنا ولا من خلال صاحبك اللى عدى عليك وواحد قله انا مهندس فى التوكيل وقلله على عيب التصنيع اللى محدش شايفه من الناس اللى معاها العربيه؟
ياريت توضح العيوب اللى العربيه مليانه بيها؟
ياريت توضح مميزات ال128 عن الفيرنا؟
ياريت تقولنا الفيرنا قعدت معاك قد ايه؟
ولو بعتها بعتها ليه؟
يا ترى حضرتك جبت ايه دلوقتى؟
على فكره انا مش ركييبب زى ما حضرتك قلت بس على الاقل بتكلم عن خبره انا ركبت 128 و اكسيل وسوبارو ولانوس ومؤخرا فيرنا واحب اوضح لحضرتك ان الفيرنا ليست كامله وانها ليست افضل السيارات على الاطلاق ولكن ليست عربيه رخيصه والسلام وفيها تكييف على حد تعبيرك!!!!!

كلامى مش هجوم شخصى على شخص حضرتك ولكن برضه هو رأى شخصى مبنى على تجربه عمليه!!!
الغرض مش الدفاع عن عربيه انا راكبها ولكن كلامك فيه تجريح لملاك العربيه ولو حضرتك متقصدش حصل خير !!!
ولو تقصد اننا كلنا (ملاك الفيرنا ) راكبين عربيه والسلام لكن مش فاهمين احنا معانا ايه فشكرا ياسيدى وده رأيك الشخصى وانت حر فيه !!!!