إعـــــــلان

**أبو إياد** · 18-04-2009, 05:57 AM

انا فهمت ان من كلامك انك عاوز تأجرها لمكتب
بالنسبه لان العربيه 2007 وعامله 37000
هى مناسبه للايجار كحاله , وباردوا متوقفه على الشكل العام للعربيه من الخارج ونظافته الصالون .
عموما هو فى الوقت الحالى عندك اختيارين .
هو انك تاجر العربيه لمده 6 اشهر وده هايكون سعرها مش هايقل عن 3000ج شهريا
او انك تاجرها لمده سنه وسعرها هايكون من 2250 الى 2500 بالكتير

وعموما فى الوقت الحالى انت سيد الموقف علشان قرب الموسم بالنسبه للايجار ولو طلبت عقد لمده سنه هايتوافق عليها

بالنسبه لضمان الحفاظ على العربيه طبعا صعب . لكن هانحط فى الاعتبار انها تجاره وفيها مكسب وفيها خساره .

انت هاتبدأ مشروع لمده سته شهور

رأس المال = 75000 سعر العربيه تقريبا

الايراد ـــــ> 3000 * 6 = 18000 جنيه

الخسائر ـــــ> 2000 ج تقريبا ( تظبيط حاله السياره )

اهلاك = 4000 ج هايقلوا من راس المال ( سعر السياره)

اجمالى المصاريف 2000 + 4000 = 6000 جنيه

صافى الربح ـــــــــــــ> 18000 - 6000 = 12000 ج مكسب

بمعنى ان ـــــــ> 75000 + 12000 = 87000 جنيه

بالنسبه بقا لنقطة انك إزاى تضمن إن العربية هيتحافظ عليها و مش هتتبهدل

هو المكان اللى هاتتواجد فيه العربيه والاشخاص اللى هاتتعامل معاها

لازم تتكلم مع الناس اللى اتعاملوا مع المكان ده من قبلك علشان تعرف اسلوبهم واسلوب التعامل معاهم
وتحاول تعرف ايه طبيعه شغلهم
فى مكاتب مابتتعاملش الا مع شركات وده 90% بيكون يسائق من المكتب والعربيه بتفضل بسائق واحد ياعنى مافيش تغيير رجل عليها وده شىء جميل وغالبا السائق بيحافظ على عربيته من صيانه ومظهر علشان ينجح شغله

وفى مكاتب بتأجر العربيات لافراد بدون سائق وده بيكون سلبى على العربيه

وفى مكاتب بتتعامل مع افراد بسائق وده النوع اللى بيحافظ على سمعته وعلى عربياته

بالنسبه للتعاقد بيكون عقد متفق عليه موجود لدى المكتب مطبوع باسم المكتب وبينص على جميع الاتفاقات
ولازم تتطلع على السجل التجارى والبطاقه الضريبيه
واحذر مع المكاتب حديثه التواجد
ياعنى يكون مكتب معروف وله اسمه ودى سهل انك تعرفها عن طريق الاعلانات الموجوده فى بعض المجلات
ياعنى عنده ميزانيه للدعايه بشكل دائم وبيحاول يعمل اسم مش هدفه الربح وبس

وحضرتك لازم تكون مأمن على العربيه وباردوا تكون عامل حسابك على الـ2000ج بتوع الخسائر اللى اتكلمنا عنها

وارجو انى اكون افدتك

**أبو إياد** · 18-04-2009, 11:31 AM

ممكن حضرتك تكون هتأجرها لشخص بطريقه مباشره
او لشركه دون اللجؤ لوسيط (مكتب ايجار)
وطبعا الكلام بيختلف تماما فى اى من الحالتين

**أبو إياد** · 18-04-2009, 11:47 AM

المشاركة الأصلية كتبت بواسطة Terrible_DaRsH مشاهدة المشاركة

ممكن اسعار تاجير العربيات باليوم (24 ساعة) ..

و على اختلاف الانواع اللى انت تعرفها .

على فكره انا ضد ايجار عربيه لمده يوم واحد بس الا اذا كنت بتتعامل مع مكتب وعميل بشكل دائم
عموما لو العربيه بالسائق دى مافيهاش اى مشاكل ولا ادنى مسئوليه
لو من غير سائق يبقا انت هاتخضع للقوانين الخاصه لكا مكتب هاتتعامل معاه
شروط المكاتب لليوم الواحد اليوم = 12 ساعه
السعر هايكون اعلى سعر
لانوس او فيرنا او افيو = 150 جنيه وما بعد 100كم = 00.50 قرش للكيلو

نوبيرا او جين2 او اوبترا = 180 جنيه والكيلو 00.50 قرش

لانسر بومه كورولا الشكل القديم واجا نيسان صنى او النترا الشكل الجديد = 200 ج والكيلو من 00.50 قرش الى واحد جنيه حسب المكتب

لانسر الشكل الجديد او تويوتا الشكل الجديد = 225 الى 250 جنيه والكيلو 100 قرش

وطبعا هاتوقع على الاقل وصلين امانه غير عقد الايجار غير كروكى السياره

لو بالسائق هاتضيف على الاسعار تقريبا من 25 الى 30 جنيه
ومش هاتوقع على حاجه ولا هاتشيل هم ركنه العربيه

**HAMZAWY** · 18-04-2009, 09:28 PM

طب هل ممكن اجيب عربية بالتقسيط واشتغل عليها ويكون ده شغلى وهل فى الحالة دى حعرف اعيش من وراها انا واسرتى بعد سداد القسط وترشح عربيات ايه للموضوع ده

**أبو إياد** · 19-04-2009, 03:32 PM

المشاركة الأصلية كتبت بواسطة mhamza3 مشاهدة المشاركة

طب هل ممكن اجيب عربية بالتقسيط واشتغل عليها ويكون ده شغلى وهل فى الحالة دى حعرف اعيش من وراها انا واسرتى بعد سداد القسط وترشح عربيات ايه للموضوع ده

لو حضرتك جيبت عربيه علشان انت تشتغل عليها يبقا لازم يكون ليك عملاء مش عن طريق مكتب انما عن طريق علاقلاتك . فهل حضرتك هاتقدر تشغلها عن طريق علاقاتك ؟

تانى حاجه مافيش مكتب بيقبل عربيه بسائقها
ولو حضرتك هاتجيب العربيه قسط يبقا مكسبك انك تسدد ما عليها وصعب تكسب من وراها

هو الحل المناسب فى الحاله دى حضرتك تجيب عربيه بالمقدم وتديها مكتب وتتفق على ايجار شهرى ليك

**أبو إياد** · 22-04-2009, 01:24 PM

المشاركة الأصلية كتبت بواسطة Terrible_DaRsH مشاهدة المشاركة

شكرا محمد .

بس الاسعار دى عالية شويتين .

والله الفلوس مش مهم
المهم المكتب اللى تتعامل معاه

**أبو إياد** · 20-05-2009, 03:31 PM

الصيف دخل ياجماعه وموسم الايجارات اشتغل
اى استفسار انا جاهز باذن الله

**sherifowahba** · 20-05-2009, 03:39 PM

استاذ محمد انا لي سؤالين :
1 انت عندك مكتب ايجار سيارات
2 اية الاجراءات لما تأجر عربية لشخص خليجي لان الضمانات معاة مهما كانت ملهاش لزمة
فاية رايك في الموضوع دة وشكرا مقدما

**أبو إياد** · 20-05-2009, 04:14 PM

المشاركة الأصلية كتبت بواسطة sherifowahba مشاهدة المشاركة

استاذ محمد انا لي سؤالين :
1 انت عندك مكتب ايجار سيارات
2 اية الاجراءات لما تأجر عربية لشخص خليجي لان الضمانات معاة مهما كانت ملهاش لزمة
فاية رايك في الموضوع دة وشكرا مقدما

انا تحت امرك

1 انت عندك مكتب ايجار سيارات

انا كان عندى مكتبين لايجار السيارات بس بصراحه بعد وفاة والدى رحمة الله عليه غيرت حياتى كلها والمكاتب اتقفلت والعربيات اللى كانت عندى اتباعت واللى رجع لاصحابها واشتغلت فى القطاع العام والحمد لله على كده

2 اية الاجراءات لما تأجر عربية لشخص خليجي لان الضمانات معاة مهما كانت ملهاش لزمة

اولا انا لما كنت باجر لشخص مش مصرى كنت باخر العربيه للى عندهم شقق تمليك فى مصر
او انى احتفظ بجواز السفر

ثانيا فى حاجه اسمها يوميه دى بتتعمل لقسم الشرطه اللى المكتب تابع ليه وبيكون فيها بينات المستأجر وبيانات السياره ومده الايجار وده علشان احفظ حقى لقدر الله فى حاله وجود اى مشاكل

ثالثا انا ماكنتش بادى العربيه الا لناس انا اعرفهم وبتعامل معاهم من سنين

Comment

Comment

Comment

Comment

Comment

إعـــــــلان

.

أى سؤال ؟.. أى استفسار ؟.. عن ايجار سياره .

أى سؤال ؟.. أى استفسار ؟.. عن ايجار سياره .

Comment

Comment

Comment

Comment

Comment

Comment

Comment

Comment

Comment