هاااام جدا:!!تحذير!! ماحدش يشترى عربيه مستعمله من حد مايعرفوش

[evoo90]

هااااااااااااااااااااااااااااااااااااااااااااااااا ااااااااااااااااااااااااااااااام

ياريت ماحدش يشترى عربيه من حد مايعرفوش خالص
امبارح حصلت كارثه لواحد صاحبى من مدينه 15 مايو
القصه كالاتى:
واحد صاحبى راح مع والده امبارح الهرم عشان يشتروا عربيه من واحد كان عامل اعلان عنها. وكانوا واخدين ميكانيكى عشان يشوفلهم العربيه. الراجل ابن ال...... اللى المفروض يبيعلهم العربيه طلع نصاب وحرامى وقاتل
ماحدش يستغرب ده اللى حصل ... طلع مسدس وضرب التلاته حسبى الله ونعم الوكيل
زميلى خد طلقه فى دراعه وجرحت القفص الصدرى
وابوه خد طلقه فى دراعه وفى بطنه
الراجل ياعينى عمال من امبارح يعمل فى عمليات ويشيلوا فى حاجات ويحطوا حاجات لا اله الا الله
اما الميكانيكى ربنا يكون فى عون اهله اللى ماسكتوش وراحوا يكسروا المستشفى الله يرحمه خد رصاصه فى سدره وفى رقبته ....
بجد المنظر فى المستشفى الاب وابنه صعب جدا وكل اللى يروح لازم يعيط بس والد صاحبى نقلوه كذا مستشفى عشان العمليات
بجد مش قادر اقول غير حسبى الله ونعم الوكيل
ياريت ياجماعه ماحدش يشترى من حد مايعرفوش
خدوا بالكوا الناس مابقاش عندها ضمير
لا حول ولا قوه الا بالله
بالله عليكوا ادعيلهم بالشفاء وربنا يسترها علينا

تصادق مع الذئاب ... على أن يكون فأسك مستعداً
كون فرداً في جماعة الأسود خير لك من أن تكون قائداً للنعام

[kliken]

ربنا يشفيهم و يهون على اهلهم و يرحم المتوفى و يصبر اهله يا رب
ما بقاش فى امان خلاص ربنا يسترها علينا جميعا يا رب

[KHALED AYMAN]

ايه ده !!!!
الكلام ده حصل ؟؟
يا نهار ابيض فى الوان !!!!
طيب ليه عمل معاهم كده !!!
استفاد ايه البنى آدم ده ؟؟
لا حول ولا قوه الا بالله

[NaviGator_13]

هو ايه اللى بيحصل !!!!!

[evoo90]

البلد اتحولت لغابه ياتدوس ياتداس والراجل ده عمل كده عشان الطمع (لو لابن ادم وادى من الذهب لتمنى ان يكون له واديان ولا يملأ فاه الا التراب)!!!!!!!

[himatros]

مش مصدق الكلام المكتوب والله ايه ده هي وصلت للدرجادي

[icehearted girl]

اي دا

ياربي

لا إله إلا الله ربنا يشفيهم ويخفف عنهم ويصبر أهلهم وينتقم من الحيوان دا

[أبومعاذ]

يعني هما اختلفوا و عشان كدا حصل كدا؟؟؟؟؟؟؟؟

[faroukahafeez]

لا حول ولا قوة الا بالله

ربنا يشيفهم ويصبر اهل المتوفى

بس ممكن نفهم الراجل ده ضربهم بالنار ليه هما كانوا معاهم فلوس وعايز يخدها ولا اية ؟

[icehearted girl]

i think so

اعتقد انهم كانوا جيبين ولو جزء من المبلغ معاهم ربط كلام مثلا

الله اعلم


فعلا عليه العضو ومنه العوض

دا لو نزل اعلان مغري في السعر شوية هيلاقي الف ضحية

ومش عربية بس

ممكن يكون اعلان شقة فمكان بعيدويتقتلوا فيها ومحدش يدري بيهم

ربنا يلطف بينا في الايام اللي عايشنها دي

انا لسه مش مستوعبة القصة بصراحة

[egyptianmafia]

أولاً إستحالة يقون الرجل عمل كده لازم يكون فيه حاجة حصلت تخليه يعمل كده

وبعدين أنا لو عاوز اشتري عربية هدور في الوسيط أو في جرنال الأهرام فطبعاً مش هاكون عارف الرجل

ثالثاً أنا مش مصدق القصة ده

حاسس إنو جزء من فيلم علقت موت ههه!

[evoo90]

الراجل ده خد شنطه الفلوس وقعد يتوه ويثبت فيهم
صاحبى اصلا موسوس وهو زى ماتقولوا كده بلطجى شويه وعارف كل انواع الناس وحس ان الراجل بيستكردهم فقعد يقفلها فى وشه قام الراجل لما لقى مافيش فايده ثبتهم بالسلاح وخد الشنطه وكان هيجرى قام صاحبى ده جرى عليه وخطف الشنطه منه وهو بيجرى الراجل ضربه جت فى دراعه وحكت فى القفص الصدرى من الجنب طبعا الواد ماوقفش وجرى ولما ابوه والميكانيكى هايمسكوه ضربهم عشان ينفد بجلده طبعا كان ساحبهم فى حته مقطوعه شويه وكان بليل صاحبى جرى وركب تاكس وراح المستشفى واول ما دخل اغمى عليه على طول
وابوه دخل فيلا والناس اللى فيها ربنا يكرمهم ويحسن خاتمتهم خدوه ودوه المستشفى
والميكانيكى لا حول له ولا قوه روحه اتسلمت الى الله
ان شاء الله الموضوع ده مش هيتسكت عليه وهيوصل للتليفزيون
طب انتوا ماتعرفوش اللى بيحصل عندنا عند فى التبين نفسها
على طول خناقات وضرب نار وموت وتقطيع واسلحه بيضا لكن مافيش حاجه بتوصل للأعلام الا القليل حسبى الله ونعم الوكيل

[evoo90]

i think so

اعتقد انهم كانوا جيبين ولو جزء من المبلغ معاهم ربط كلام مثلا

الله اعلم

هما كانوا متفقين مع الراجل ومقابلينه قبل كده والمره دى كانوا جايبين المبلغ كله

[pharonicking]

القصة مش منطقية ومعرفناش سبب اللى اتقال دة ايه ؟
شكلها اشتغالة"

[evoo90]

والله اللى عايز يصدق يصدق
انا بحذر وبس ولا عايز اعمل فيلم واعرضه على التليفزيون ولا هستفيد حاجه من حد
ودى لينك من احد الزملاء برده حوار نصب

http://www.nilemotors.net/Nile/showthread.php?t=70465