عاجل جدا...........

[shakor]

ارجو المساعده فى تقييم سعر 128موديل1975بحاله جيدة جدا وصاحبها صارف عليها ع الاخر عشان هو ميكانيكى خدت عفشجى وميكانيكى معاى وقالوا كويسه جدا ومتتسابش ومش هتصرف عليها غير البنزين ولمدة سنه -مومتورها كويس والكراسى جلد ولا بارومه ولا صدا والابواب استيراد كل حاجه بمعنى الكلمه وجنوط وكاوتش توبلس...........بس عيبها هو الموديل قديم وقالوا كمان المهم هو الحاله مش الموديل الحاله تمام جدا........وصاحبها مش رادى ينزل جنيه وحلف ع المصحف ان صارف عليها 17الف.....شوروى على هل السعر دة كويس ولا العربيه مش لوقطه اوى ذى ما عايزين يفهمونى....بالعلم ان الميكانيكى والعفشجى ثقه....متتاخروش ف الرد ...............

[shakor]

ع فكرها سعرها هو 15الف جنيه ومش رادى ينزل جنيه واحد..والرخصه بتاعتها منتهيه ومن زهفه ورافه وضيقته من بتوع المرور رافض يجددها ..قالى لو خدتها روح انت جددها .هوتبع مرور السيدة عاشه وانا مرور عبود - تفتكروا هيباء فيه مشكله فى الفحص او تجديد رخصه العربيه وارخصها منين من السيدة عاشه ولا من عبود ..............

[shakor]

اين خبراء المنتدى؟؟؟؟؟؟؟؟؟؟؟؟

فين الردود يا جماعه هوالموضوع صعب قوى كدة؟؟

[mohamed9999]

انت كاتب الموضوع الساعه 3 صباحا و عاوز الناس ترد عليك الساعه 7 الصبح ازااااااى ؟؟؟؟؟اصبر شويه

[m_elsabah]

سيبك منها للأسباب التالية
1 - موديل قديم جدآ حتى ولو كانت حالتها أكثر من ممتازة
2 - السعر كتيير عليها وأنت مالكشي دعوة صاحبها صارف عليها كام . المهم سعرها يعمل كام دلوقتي
3 - واضح جدآ إن صاحبها بيطلع عينه في الترخيص وده بسبب إن العربية موديلها قديم جدآ . فيبقي أنت هتنزل مكانه في الترخيص وبهدلته
أنا شايف إنك تسيبك منها خاااااااااااااالص وهي مش لقطة ولا حاجه
والرأي الأخير ليك أنت وشكرآ .

[ahmed_esmail]

لالا اوعى تجبها
دى سبعينات خلاص انتهت صلاحيتها
دور ع موديل 85
من 13 الف الى 15 الف افضلك
انما دى اخرها 10 الاف ولا مليم زيادة

[m_elsabah]

ده إعلان أنا لسه شايفه على مصراوي
سيارة 128 موديل سنة 1990 حالتها ممتازة بها جنوط سبور وكاسي اكواليزر وسماعات وبطارية جديدة وكاوتش تيوبليس جديد والماتور حالته ممتازة نهائي 15000
جنيه مصري
التليفون
0122803073

لو تحب تتصل وأبقى قولنا عملت إية ؟

[jisso82]

طبعا العربيات القديمة عموما نادرا لما بتلاقى عربية حالتها حلوة كدة و الحالة أهم من الموديل أنا موافقك بس ده لما تبقى بتقارن مثلا عربيتين فرق بينهم فى الموديل تلات أو أربع سنين ولا حتى خمسة و فرق الحالة قوى للعربية الأقل فى الموديل لكن السبعينات دى صعبة قوى. العربيات القديمة بتصرف باستمرار مهما كانت حالتها كويسة و ماحدش يقدر يقوللك إنها مش هتصرف غير بنزين لمدة سنة ده الجديد ما تضمنش فيه الجملة دى ده طبعا لأن قطع الغيار مهما كانت حالتها فاستهلاكها متوقف على حاجات كتير أوى بخلاف كفاءة العربية نفسها زى أسلوب السواقة مثلا و القديم فجأة وبدون مقدمات بتلاقى قطعة غيار عمرها الافتراضى انتهى حتى لو مااستعملتش + إنها لو راكب لها قطعة مش بتاعتها أساسا توليف زى ما كل الميكانيكية الشاطرين بتوعنا بيعملوا لما بتركب فى حاجة مش بتاعتها مش بتعيش نفس عمرها المفترض
و كمان فى نفس حدود المبلغ أعتقد إن خياراتك أعلى و أكتر بكتير من إنك تضطر تشترى قديم أوى كده

[Eng_A_Fahmy]

دي كمان سنة ولا اتنين و ممكن يتبرع بيها افيدله عشان هتبقى هي احسن من تمنها, يا راجل 15000 مين, موديل 75 يعني 35 سنة في السوق و على الطريق, يعني خلاص مكانها في المتحف, ابعد احسن حتى لو تمنها نزل ل10000