هما المصرية للسيارات معندهمش تليفون ؟

[Terrible_DaRsH]

فى اعلان معمول فى جرنال الوسيط يا جماعة فى اخر صفحة .

المصريه للسيارات عاملة عروض تقسيط و اسعار ..

قرات الورقة 100 مرة و ملقتش لهم تليفون . كاتبين العناوين بس .

هما معندهمش خدمة عملاء عن طريق التليفون ولا ايه ..!

لو حد يعرف رقمهم يا جماعة يا ريت يكتبه .

اصل انا مش هروح المعادى علشان اسال كام سؤال و ارجع تانى ..

شكرا

[medo60]

هما ليهم بس مش عارف أجيبه
فيه حل سهل أوي
اتصل ب 140وأسأل الدليل عن رقمهم
وأنا ححاول أدور تاني

[medo60]

طيب قول اسئلتك وأعضاء المنتدي يفتوك فيها

[Terrible_DaRsH]

انا كنت عايز اسال عن اقساط كام عربية كدا ..

و كمان طريقة التقسيط و الفوائد و الاجرائات و اللازم .

[volcano12]

مره فى اسكندريه هنا كلمتهم عن طريق 140 و واحده ردت عليا و قلتلها لو سمحت عايز أسأل على العربيه الفلانيه النترا 2009 ...الكلام ده من 3-4 شهور كده
راحت رده عليا قالتلى موجوده
قلتلها لو سمحت عايز أعرف تفاصيل عنها
راحت قالتلى حاضر ححولك على حد و راحت حطانى على الوايتنج

و اعدت استنى استنى استنى لحد ما صوت الويتنج قطع و بعدين السكه قطعت.....

... رحت متكلم تانى بقت بترفع السماعه و تحطها .... كذا مره ... طبعا أخوكم اتنرفز قوى منهم فضلت وراها بس عشان أكلمها أهزأها و تولع المصريه هى و سننها....

راحت رده عليا أيوه
و و هزأتها شويه
راحت بقى قالت أتهرب... قالت ان مش هى اللى ردت عليا (و أنا ميزت صوتها طبعا) و قالتلى بعديها عشان تخلص منى مافيش اسفسار بالتليفون
بس بقى سمعت الكلمه ده و فتحت :) و سيبانى و بتاع و بعد كده ارزع السكه ف وشها....

نصيحه بلاش تكلمهم.. و على فكره أنا كنت جاد فى الشراء!!!!

[Terrible_DaRsH]

ما هو علشان كده عايز اكلمهم .

لانهم بيبقوا كاتبين ارقام فى الجرايد و بمجرد انك تروح تزورهم فى معارضهم تسمع كلام تانى خــــــالص ..

فحرام اروح اهزق حد هناك وانا عارف انهم كدابين .

علشان كده بسال على رقم التليفون اتاكد قبل ما اروح .

[A.Saad]

اتاكد انهم كدابين
مرة عماوا اعلان تقسيط 4 %
انا كن هناك بتفرج - دى الميزة الللى عندهم اتفرج براحتك - وسالت
ده نظام على بعض موديلات 2008 زى السيتروين - بيكاسو والرينو - سينك
تدجفع 60 % والباقى على سنة او سنتين - مش فاكر -

[bmw323]

أنتا تأمر يادرش بس كدة
المعادى كورنيش المعادى بجوار مستشفى النيل بدراوى
25265271 - 25265272 - 25265270

[kingtefa]

على فكرة المصرية دول اكبر نصابين

[aliabutaleb]

يا درش إذا كان فيه ناس بتروح لغاية عندهم في معارضهم ومش بتاخد منهم ولا حق ولا باطل يبقى هايفيدوك في التليفون؟
مظنش
انا مش ناسي لما رحت لهم أسأل على عربية زيرو أشتريها كاش قعدوا يقنعوني أشتري تقسيط أحسن :)

[meemo the beast]

أنا مش عارف المصرية دي بتبيع ازاي معقولة احنا عندنا هذا الكم من المغفلين اللي بيروحوا يشتروا منهم ده مفيش لا مصداقية و لا سعر كويس و لا عروض مغرية و كلامهم كله ملاوعة غش
يا جماعة احترسوا من المصرية

[Terrible_DaRsH]

أنتا تأمر يادرش بس كدة
المعادى كورنيش المعادى بجوار مستشفى النيل بدراوى
25265271 - 25265272 - 25265270

حبيب قلبي يا احمد والله ..
شكرا يا معلم ..

متشكر ليكم يا جماعة على رايكم .. بس لو حد يعرف شركة لها مصداقية و عروض افضل يقول .

اصل حاليا من خلال العروض اللى موجودة مفيش غير المصرية دى ..

[merosss]

انا رحت المصرية الى فى المعادى وكانوا اسوء ما يمكن مع انى كنت هشترى كاش قلت عايز اتفرج على الالنترا دى وكانت واقفة قدامى واحد منهم قالى ثوانى وهنجيب المفتاح وسابنى ومشى رحت انا لقيت العربية مفتوحة اساسا رحت قاعد فيها وعمال اتفرج ولا حد قالى انتا بتعمل اية و سبتهم وخرجت من غير ما حد يعبرنى

[Terrible_DaRsH]

طب امال هما فاتحين ليه بقي ؟؟؟

الناس دى مجانين ولا ايه يا جماعة .. ده احلى حاجة فى الشركات دى انهم بياكلوا دماغ الزبون و يثبتوه صح .. ايه اللى بيعملوه ده .

[bmw323]

حبيب قلبي يا احمد والله ..
شكرا يا معلم ..

متشكر ليكم يا جماعة على رايكم .. بس لو حد يعرف شركة لها مصداقية و عروض افضل يقول .

اصل حاليا من خلال العروض اللى موجودة مفيش غير المصرية دى ..

ياباشا انتا تأمر
لو بتدور على عروض كويسة تبقى تبص على الأهرام السيارات أو أخبار السيارات
وأقل اسعار انا قرأتها عند(أوتو سمير ريان)