فيات Petra 2003

[mikology]

مساء الخير يا رجاله احلى منتدى
من غير ما اطول عليهكم - انا ناوى اشترى عربيه مستعمله على قدى كده
رحت لمعرض ناس حبايبنا لاقيت عربيه اسمها فيات بترا موديل 2003 عامله 160 الف كيلو - اول يد راجل دكتور
هى مش رشه غير الجنبين بس
تكييف شغال كويس و موتور 1600 شغال كويس و لسه بردو هاشوفه بكره الصبح فى الحر تانى و اشوف التكييف هايعمل معاه ايه .
بس فانا مكنتش اعرف الموديل ده قبل كده او محتكتش بحد معاه العربيه دى - عاوز اعرف العربيه دى حلوة ولا بلاش منها كمبدأ
تانى حاجة - قطع غيارها - العربيه نفسها حماله قاسيه ولا مدلعه - كده يعنى
ارجو الرد ضرورى عشان لو كده هاخلص فيها بكره هى معروضه عليا ب 34 الف
وشكرا مقدما يا جدعان

[yaskhl]

مبروك مقدما
العربية دى كانوا بيسموها الصخرة وهى تقريبا نفس قطع غيار السيينا والابواب الخارجيه كمان عدا الفوانيس وباقى الاجزاء الخارجية.
مميزاتها قوية جدا وخاصة فى السفر ثابتة وواسعة من جوه والشنطة بتاعتها كبيرة وأنا فى رأيى اجمل من السيينا.
عيوبها موديلها نزل 3 أو 4 سنين فقط وقطع غيارها موش رخيصة وممكن حاجات فيها ماتكونش مشتركة مع السيينا ومتلاقيهاش. ماتقارنش التكييف بتاعها بالكورى لانه زى باقى الفيات.
تقيلة جدا فى البيع لان مافيش عربية بإمكانياتها وموديلها بتتباع بالسعر ده.
عموما أهى تجربة ليك ولو حبيت تبيعها مستقبلا أعتقد ان انت موش هاتخسر كتير بس تصبر برضه كتير

مع الشكر

[mikology]

اولا شكرا جدا لردك
ثانيا قطع غيارها غاليه قد ايه يعنى كده ادينى مثال واحد بس وانا هافهم الموضوع
ثالثا سعرها كده غالى ولا كويس ولا كتير عليها بحالتها دى
هى محتاجه حبه رطوش بس و تبقى جديده

[mikology]

معلش - سؤال تانى
التكييف - انا مع واحد صحبى نيسان 2005 اليابانى و بصراحه تكييفها جامد جدا
نقدر نقول تكييف الفيات بالنسبه لليابانى يبقى كام % ؟

[mikology]

محدش هنا ولا ايه

[mikology]

يا اللى هنا

[yaskhl]

ممكن تدخل قسم الفيات وتدور على أسعار قطع غيار السيينا 1600 وتقريبا هى نف اسعار البترا.
اما بالنسبة لتكييف البترا فهو تقريبا من 60-70% من تكييف العربيات اليابانى