ارجو المساعده لعضو جديد

[cheetos_892005]

لو سمحتم يا جماعه عايز مساعده في تسعير سيارتي عشان بفكر ابيع كمان شهر او ا شهرين و اجيب زيرو
هي fiat 131 موديل 1984 اخر ال 131 موتور 1600cl الالماني ا كامه (استهلاك بنزين جيد جداالموتور بحاله ممتازه
العربيه اولا استعمال ولدي وهو راجل كبير يعني مفيش شد و قرص و الكلام من ده
تغيير زيوت(زيوت شل و موبيل و اسو فقط) و صيانه دوريه كل فتره ابل ما تعطل
مدخلهاش بنزين 80 ولا مره
مكيفه و التكيف شغال بكفاءه جيده
فرش جلد في قماش فخم من عند سبير كار
كاوتش بريدج ستون( تيل) مش جديد و مش قديم بحاله جيده جدا
2 مساعدين امام جداد و خلفي سلام
كل قطع غيارها اصلي مدخلهاش ولا تركي ولا صيني ولا مصري الحمد لله
الفتيس جديد وناعم جدا
عفشه سليمه بالكامل لا تحتاج مصاريف
طقم السيور كله جديد (كاتينه و دينامو و تكيف)
التابلوه والكونسول بحاله جيده (يعيبه بعض الشروخ المعهوده)
عدا
ات كلها شغاله
رشه بره اكيد
جوه رشه نضافه واي سمكري هياخد بالو من انها مجرد نضافه منو لله السمكري المتخلف اللي عمل كده
كاسيت سوني + 2 سماعه بيونير جداد
مش محتاجه مصاريف خالص
((معلش انا يمكن مش عارف اعمل الاعلان قوي بس انا والله يشهد قلت كل اللي في العربيه بكل امانه))
ارجو المساعده في التسعير :k32:

[tabeb]

ايه اللي انا شايفه ده؟
نويت تبييع وتسيب الرابطة؟
انت ناوي تبيع وبشمهندس حسام ايه الموضوع يا جماعة؟
علي فكرة انتم اختارتم اسوأ توقيت عشان تبيعوا السوق مش اد كده
نصيحة نزل اعلان هنا وفيه صور من بره وجوه وتمسكك بالسعر اللي يناسب حالة عربيتك لانها ما شاء الله حسب وصفك كويسة ومكيفة كمان

[cheetos_892005]

ايه اللي انا شايفه ده؟
نويت تبييع وتسيب الرابطة؟
انت ناوي تبيع وبشمهندس حسام ايه الموضوع يا جماعة؟
علي فكرة انتم اختارتم اسوأ توقيت عشان تبيعوا السوق مش اد كده
نصيحة نزل اعلان هنا وفيه صور من بره وجوه وتمسكك بالسعر اللي يناسب حالة عربيتك لانها ما شاء الله حسب وصفك كويسة ومكيفة كمان

معلش بقا يا دكتور هنعمال ايه الزيرو بردو ليه شده و كمان انا شاب و كده بس انا معاكو في الرابطه مهما حصل و هساعد ان شاء الله
بس علي عيني والله بيعها في الوقت ده بس هعمل ايه المؤشرات بتدل ان الاسعار بتقل اكتر و اكتر مع الزمن
كان بيجلنا فيها و الله مبالغ جمد من سنه و نص كده وولدي عشان ميحرجش حد كان بيطلب فيها اسعار تعجيزيه لدرجه ان والله واحد جالنا بالفلوس بالليل و صحانا من النوم
بس للاسف ساعتها مكنش معانا فلوس نكمل و نجيب احدث وولدي كان متبت فيها اوي
حضرتك مقلتش حوالي كده تجيب كام؟
و شكرا للمشاركه

[tabeb]

بص سعر السوق ممكن يوصل ل 22-23
بس انت ممكن يجيلك فيها 25 لو صبرت شوية
علي العموم ربنا يوفقك في بيعها
نويت تجيب ايه؟

[cheetos_892005]

ايه يا جماعه فين الردود مع انا اعرف ان ال 131 مطلوبه بردو وليها سوق ولا ايه؟؟

[lada2010]

لاسف 131 حلوة بس الناس لاتحب القديم دلوقتى يعنى ممكن بالحالة دا 18 وبالعافية لان البيجو 504 بتجيب 19 الف الحالة النظيفة

[mo2men2010nn]

ياعم ربنا معاك في بيعها بس هو فعلا السوق نايم اصلا
ربنا معاك

[mo2men2010nn]

[frame="9 10"]
بص ياباشا انا جاهز وممكن اشترى بس قبل مقولك سعرى انا والله مش بخفس بي سعرها ولابقلل من قيمتها
بس هو دة المبلغ اللى جاهز معايا انا جاهز بي
16000
ولو موافق انا هاخلص معاك
[/frame]

[ozy2026]

لاسف 131 حلوة بس الناس لاتحب القديم دلوقتى يعنى ممكن بالحالة دا 18 وبالعافية لان البيجو 504 بتجيب 19 الف الحالة النظيفة

كلام مظبوط السوق فعلا نايم
واعتقد هى سعرها دلوقتى من 14 ل 16 حسب الحاله والكماليات اللى فيها والموديل
لأن التاكسيات اللى بتقلب ملاكى خلوا اسعار المستعمل القديم تبقى فى الأرض

[cheetos_892005]

اولا طبعا انا متشكر اوي لكل الردود والناس اللي مردتش بردو
انا معاكو ان السوق نايم بس بالاسعار اللي هيا 16 وكد يبقي انا كده خسرت العربيه جامد
لان 16 دول محتاج عليهم معجزه عشان اجيب حاجه زيرو
شكلي كده هخليها و امري لله اهي تنفع بردو في اي وقت
والف شكر للجميع

[mo2men2010nn]

[frame="8 10"]
ياباشا والله دة سعر السوق وانا معاك انك هتخسر فيها وانا والله معاك لحد
17000ولوكدة بردو انا جاهز اخلص ومعاك
[/frame]

[turbocharger]

[frame="8 10"]
ياباشا والله دة سعر السوق وانا معاك انك هتخسر فيها وانا والله معاك لحد
17000ولوكدة بردو انا جاهز اخلص ومعاك
[/frame]

مفيش الكلام دة ياباشا 17 اية هى العربية لو بالحالة دى فعلا توصل ل 25 متنساش انها ألمانى بردوا

[cheetos_892005]

مفيش الكلام دة ياباشا 17 اية هى العربية لو بالحالة دى فعلا توصل ل 25 متنساش انها ألمانى بردوا

والله انا مش عارف ارد اقول ايه عشان مش عايز ازعل حد مني دانا لو فكيتها حته حته هجيب اكتر من 17 الف
يا جماعه انا شديتها من فتره كده ب 5 الاف جنيه وا كتر
انت هتركب عربيه في رايي الشخصي احسن من ال 504 واحسن موديل و موتور في ال 131
واكيد احسن من 323 و 127 وعائله الفيات القديمه في كل حاجه
عموما كده كده انا بفكر ااجل البيع وخلاص اهي نفعاني لحد ما ربنا يكرم او يجيي سعر كويس
والف شكر علي كل الردود

[mexmarine]

انا ليا واحد صاحبى باع واحد كانت حالتها معقوله زجاج كهرباء لكن التكييف مش شغال بـ 20 ألف فى اسكندريه

[cheetos_892005]

انا ليا واحد صاحبى باع واحد كانت حالتها معقوله زجاج كهرباء لكن التكييف مش شغال بـ 20 ألف فى اسكندريه

شكرا لرد حضرتك
مش عارف ليه هنا الناس بيعملوا فيها تجار و ناصحين قوي و منتهزين فرص واحد قليل الخبره او مزنوق في فلوس
محدش بيشتري بسلامه نيه كده كله عايز يوقع السعر وخلاص حتي لو مش في دماغه يشتري



عموما انا اسعار المعروضعه خلتني اصرف نظر عن الموضوع دلوقتي الا لو جالي سعر لقطه بقي زي ما الكل بيعمل كده

و الفلوس اللي كانت جيالي اعمل بيها حاجه احسن من العربيات
ارجو محدش يزعل من كلامي عشان ديه حقيقه 99% من الناس