ممكن معلومات عن 127 توب

[blue_1177]

السلام عليكم
لو سمحتم عاوز اعرف معلومات عن فيات 127 توب ايطالى
انا شفت العربيه دى 2باب كنت عاوز اعرف فى منها 4 باب ولا لا وبالنسبه لقطع الغيار متوفره ولا لا
ولو العربيه حالتها كويسه يبقى تمنها كام ولو فى حد عنده عربيه زيها ممكن صور ليها
وشكرا

[aymansaad]

فى منها 4ابواب وقطع غيارها متوفرة

[blue_1177]

فى منها 4ابواب وقطع غيارها متوفرة

طيب هى عربيه مش متعبه يعنى مش كل شويه عاوزه ميكانيكى
وكمان سعرها فى حدود كام

[ehabomar1987]

العربية 127 التوب لحد مو 1979 او 1980
هى قطع غيارها رخيصة و متوفره
بالنسبة لسعرها 7,000 الى 9,000 على حسب الحالة غير شطرتك انت بقى
بالنسبة للمكانيكية هى اكيد بتحتاج اى عربية حتى لو زيرو لو مهتمش بيها هتتعبك

[blue_1177]

العربية 127 التوب لحد مو 1979 او 1980
هى قطع غيارها رخيصة و متوفره
بالنسبة لسعرها 7,000 الى 9,000 على حسب الحالة غير شطرتك انت بقى
بالنسبة للمكانيكية هى اكيد بتحتاج اى عربية حتى لو زيرو لو مهتمش بيها هتتعبك

هى دى موديل 79 و80 ؟ وفى منها 4 باب ؟

[YaSSerwIN]

دة موديل السبعينات

[m000dy]

باشا انا معايا واحده زيها وهى موديل 74 وفى منها لحد موديل 76 بس ال 76 شنطتها كلها بتفتح زى الفيورا
العربيه قطع غيارها ارخص قطع غيار فى مصر وبكل تاكيد ومثال كده
تسل الفرامل الصينى ب 15 وتركى ب 20 والاصلى ب 40 وتمامه فى العربيه سنتين
واير دبرياج ب 12 جنيه
الفوانيس بس غليت بعد ماكانت ب 10 جنيه الواحد كاااااااااامل بقى ب 22 جنيه
انا بغير اتنين كل 3 او 4 شهور عشان يبينوا وش العربيه
عمرتها سهله جدا وانا معمر شهر 4 السنه اللى فات والحمد لله بابوووور فى السكه
اما السخونه فانا كنت بعانى منها لحد ماغيرت الردياتير بواحد تانى حديد بس مفكوك من ربع عربيه اختها استيراد ومكتوب عليه اوردونيز بس اوعى وشك من يومها بسافر بيها صد رد ولا الهوا
وبسافر بيها مرتين لتلاته فى الاسبوع قاهره وشرق التفريعه والعاشر من رمضان
استهلاكها فى البنزين تحفه بجد 8 لتر من السويس للقاهره راجع مع الهوا و 12 لتر رايح فى وش الهوا
التوب الايطالى حاجته ارخص من الالمانى بكتييييير ومتوفره عنه والتوب اوسع من الفيورا والله
فى منها اربعه باب طبعا بس انا بشوف الاتنين باب اروش واى شغل بيبان عليها
انا حاططلها جنوط المانى بتخليها زى الزلطه على سرعة 100 بس مخللى اخرها 110 - 120
اى شغلانه فيها عندى مصنعيتها 5 جنيه للكربائى وكبيرها اوى 20 جنيه للميكانيكى ده اما يكون فاككها كلها
عفشتها مش غاليه خااااااالص انا جايب مساعد شمال استيراد ب 60 جنيه بعد فصال من 90 للواحد
طرمبة ميه جديده ب 45 جنيه
ابلتين وكوندينسر ب 15
بوجيهات ب 25
اى سير فيها ب 8 جنيه
سير الكاتينه جنزير مابيتغيرش من عمر العربيه وتمنه 80 جنيه بالترس بتاعه وتنساه 20 سنه كمان
شوف بس انت عاوز تسال على ايه تانى وانا اجاوبك وعنيا لحضرتك

[ehabomar1987]

العربية اللى فى الصورة ديه موديل السبعينات ذى ما yasserwin قاللك كده
و اسعار قطع غيارها ارخص حاجة ذى ما m000dy قاللك
و لو ناوى عليها يبقى ربنا يوفقك ان شاء الله

[blue_1177]

باشا انا معايا واحده زيها وهى موديل 74 وفى منها لحد موديل 76 بس ال 76 شنطتها كلها بتفتح زى الفيورا
العربيه قطع غيارها ارخص قطع غيار فى مصر وبكل تاكيد ومثال كده
تسل الفرامل الصينى ب 15 وتركى ب 20 والاصلى ب 40 وتمامه فى العربيه سنتين
واير دبرياج ب 12 جنيه
الفوانيس بس غليت بعد ماكانت ب 10 جنيه الواحد كاااااااااامل بقى ب 22 جنيه
انا بغير اتنين كل 3 او 4 شهور عشان يبينوا وش العربيه
عمرتها سهله جدا وانا معمر شهر 4 السنه اللى فات والحمد لله بابوووور فى السكه
اما السخونه فانا كنت بعانى منها لحد ماغيرت الردياتير بواحد تانى حديد بس مفكوك من ربع عربيه اختها استيراد ومكتوب عليه اوردونيز بس اوعى وشك من يومها بسافر بيها صد رد ولا الهوا
وبسافر بيها مرتين لتلاته فى الاسبوع قاهره وشرق التفريعه والعاشر من رمضان
استهلاكها فى البنزين تحفه بجد 8 لتر من السويس للقاهره راجع مع الهوا و 12 لتر رايح فى وش الهوا
التوب الايطالى حاجته ارخص من الالمانى بكتييييير ومتوفره عنه والتوب اوسع من الفيورا والله
فى منها اربعه باب طبعا بس انا بشوف الاتنين باب اروش واى شغل بيبان عليها
انا حاططلها جنوط المانى بتخليها زى الزلطه على سرعة 100 بس مخللى اخرها 110 - 120
اى شغلانه فيها عندى مصنعيتها 5 جنيه للكربائى وكبيرها اوى 20 جنيه للميكانيكى ده اما يكون فاككها كلها
عفشتها مش غاليه خااااااالص انا جايب مساعد شمال استيراد ب 60 جنيه بعد فصال من 90 للواحد
طرمبة ميه جديده ب 45 جنيه
ابلتين وكوندينسر ب 15
بوجيهات ب 25
اى سير فيها ب 8 جنيه
سير الكاتينه جنزير مابيتغيرش من عمر العربيه وتمنه 80 جنيه بالترس بتاعه وتنساه 20 سنه كمان
شوف بس انت عاوز تسال على ايه تانى وانا اجاوبك وعنيا لحضرتك

شكرا يامان ايه الشغل الجامد دا
بس كنت عاوز اعرف ال 4 باب منها نفس الشكل اللى انا حاطه دا اصل الشكل دا بيعجبنى
والعربيه دى تمنها فى حدود كام ويتصرف عليها كام كاوتش عريض وجنوط وكده ؟

[m000dy]

شوف ياباشا
اولا فى اربعه باب نفس الشكل ده
والعربيه بيبقى تمنها من اول 9 الواقعه وبتوثل لحد 11 الف
بالنسبة للكاوتش العريض والجنط فده تمنه زى اى حد بيركب جنوط وكاوتش بس السؤال بقى ايه اللى يركب وايه اكبر مقاس
بص ياسيدى الجنوط اللى ابعادها المانى وصينى يركب عندك هوا
العربيه دى الاستوك بتاعها او الاستاندر كاوتش 13 \135
ممكن من غير تعديلات توصل بيها ل 145 وانا مركب 155 دلوقت والاول كنت مركب 175 بس كنت مركبلها صدادات عشان الكاوتش مايحكش فى الرفرف بس رجعت لل 155 عشان الكاوتش الكبير فككلى العفشه ده غير انى ماكنتش لاقى كاوتش واطى على مقاس 13 فكان معلى العربيه
باى حال التعديل مش صعب بس هاتروح لسمكرى مويس يوسعللك للكاوتش بس خللى بالك حط مبلغ شهرى للعفشه بقى عشان هاتفك منك كل خطوتين
بس ربك والحق جنط عريض وهبط وشيل الاكصدامات واوعى وشك بس خللى بالك عشان لما هاتشيل الاكصدامات المرور هايشتغلك امن ومتانه
انا كنت جايب اكصداماتها الاصلية النيكل من قلب بورسعيد جداد بكسيهم ب 950 جنيه بس بجد منطقين العربيه
ومن جوه ركبلك جوز كراسى ريكارو صينى ب 800 جنيه وممكن تلاقيهم استعمال نضيف ب 400 انا كنت هاجيب اتنين بس لغيت الفكره اما نويت اغير وكمان كنت هاجيب مفصلات ومساعدين ب 500 جنيه وعليهم 150 ولا 200 تركيب وهارفع البيبان لفوق وكان هايبقى شكلها تحفه خصوصا انها اتنين باب بس
الخلاصه ان العربيه بجد بتقبل ترويش بشكل غريب وطبعا موديل سبعينا فمش هاتستحرم تدقدق فيها خصوصا ان الدقدقه فيها بتعدلها مش بتبهدلها
والمكنه بتاعتها 900 او تقدر تقول 1000 واما بتتظبط وتحطلها 90 مش هاتسمع لها حس بجد لان مكنتها صغيره اصلا بس بالرغم من كده 4 سلندر ومواتير الفيات من المواتير الجيده اللى عزمها كويس من زمان
بس انت هاتها وانا معاك ان شاء الله هادللك على اللى انت عاوز تعمله بس للاسف ماعرفش حد معين يكون كويس يعمل الشغل ده لكن الحرفيين مليانه باى حال من الاحوال وهاتلاقى ناس شغاله فى الفيات والتوب كمان بس
وماتفلفش الاكسسوارات اللى هاتعدلها هاتبقى اغلى من قطع غيار العربيه هههههههههه
اى خدعه يافندم

[blue_1177]

شكرا على المعلومات الجامده دى وان شاء الله لو نويت اجبها اكيد هاقولك
وكان ليا طلب لو فى صوره لعربيتك ممكن اشوفها ؟

[bNile]

العربية دى محترمة جدا و أحسن من النصر و الفيورا بشكل واضح و خاصة بالنسبة للشاسيهات بتاعتها أحسن بكتير ونادرا لمل تفتح.
الى أنت باعت صورتها موديلات من 71 - 76 و فى منها أربعة باب بس قليل.
فى بردو توب من 77 - 81 شكل أحدث و في منها أربعة باب بس برضو قليل و الموديلات الأربعة باب الى من 77-81 بتعمل من 13 لحد 16 حسب الحالة.
بس أهم حاجة تدور على واحدة نضيفة حتى لو أغلى شوية من سعرها علشان دية عربيات عمرها أكتر من 25 سنة فأهم حاجة الحالة علشان تركب و أنت مستريح و متضيعش وقتك فى أصلاحها و سيبك من الى يقولك هاتها رخيصة و شدها لأنك على متشدها هتكون زهأت منها و من مشاكلها .
ممكن تدور فى الوسيط www.ewaseet.com أو كونتكت كارز www.contactcars.com أو www.car100100.com و ربنا يوفقك.

[samora]

لو عايز اجيب عربية في حدود 16 000 جنيه اجيب ايه؟؟ انا بقارن بين 128 وبين 127 توب يا ريت حد يقولي

[YaSSerwIN]

خليك فى ال 127 أحسن

[bNile]

أنا رأيى 127 توب هتكون أحسن لأنك بالسعر دة هتجيب واحدة بحالة كويسة و تكون أربعة أبواب لكن لو 128 هتكون حالتها متوسطة. خصوصا أن 127 توب الشاسية بتاعها هيكون أحسن بكتير بس تكشف عليها طبعا