استفسار عاجل جدا عن السويفت؟

[m_faiz]

لو سمحتوا يا جماعه فيه عربيه سوزوكي سويفت معروضه عليا ومواصفاتها رشه خوارج وفبريكه دواخل موديل 95 بدون تكيف وبها سنتر وانذار والحاله العامه جيد جدا وهي معروضه عليا ب27 الف فكنت عاوز اعرف هل السعر ده مناسب ليها ولا لا وياريت حد يرد عليا بسرعه ويقولي تساوي كااام من وجهه نظره لاني هارد علي صاحبها بكره.
وشكرا وجزاكم الله خيرا

[Mar80]

ممكن تدخل على سوزوكي و اسال اللى انت عايزه وها يردوا عليك ان شاء الله بس انا اعتقد ان السعر معقول و الله اعلم

[M.FOUAD]

السعر غالي شوية من غير تكييف تعمل 24 الف

[ahmedhilmy]

غالية اتكلم معاه شوية

[faron525]

عربية حلوة ونعمة جدا وموتورها والات الجر رائعة ولكن .........
1- قطع غيرها غالية جدا
2- الصاج بتاعها ضعيف جدا
وربنا يوفقك

[morsi]

السوزوكى عربية حلوة جدا خاصة فى استهلاك البنزين بس بلاش تشترى عربية مافيهاش تكييف.نصيحة أخوية

[M.FOUAD]

عربية حلوة ونعمة جدا وموتورها والات الجر رائعة ولكن .........
1- قطع غيرها غالية جدا
2- الصاج بتاعها ضعيف جدا
وربنا يوفقك

قطع العيار مش غالية ولا حاجة

[ahmed azab]

السعر عالي شوية انا لسه بايع واحدة 93 حالتها حلوة جدا ومكيفة 27500

[m_faiz]

الف شكر يا جماعه علي كل المشاركات والنصايح الغاليع بتاعتكم بس اللي هايضحكوا بقي اكتر اني لما رحت لصاحبها عشان اخلص قلي لا مش هابيعها ب 27 الف وطلب اكتر يعني كان بيتكلم في 29 الف فقلتله هافكر وابقي اقولك وخلعت واضح انه لسه عايش ايام الجنيه الجبس وانا ان شاء الله ناوي اطلع علي السوق واشوف كده ايه النظام جايز الاقي حاجه كويسه وربنا يسهل ان شاء الله واخيرا الف شكر لكل اللي شارك واللي ماشاركش.سلام