تسعير عربيه 128

[powersha]

معروض عليا عربيه 128 هى بتاعه اخو واحد صحبى
هى موديل 87 هى الماتور والعفشه حلتهم كويسه
واربع كوتشات جداد
وفيها رخصه سنتين
ونمر جديده
هى محتاجه سمكره خفيفه من برده فى الباب
وفيها خبطه فى الشسيه (هو الى بيقلى) انا مشفتش الخبطه
ومحتاجه شويه توضيبات من الداخل (الفرش)

فهل العربيه ده تعمل كام
انا نازل انا وهوه السوق بكره يعرضها للبيع لو اعلى سعر جاله عجبنى اشتريها منه بهذا السعر الى جاله لو معجبنيش تروح لصاحب نصبها بقى

فانا ممكن اشتريها منه لحد سعر كام

[powersha]

ونسيت اقول انها عيز يتغيرلها شكمان

[Hacker5]

طب متشوفلك عربية غيرها تكون سليمة مش لازم العربية دى
دور على النت هتلاقى حالات كويسة جدا بس ياريت لو لقيت السعر عالى شوية روح شوف العربية الاول و بعدين اتكلم مع صاحب العربية لان 128 حالة نضيفة و ممتازة من 20000 ونتا طالع
و مبروك مقدما

[sha2e]

لو العربيه حالتها ممتازه وداوخل فبريكه مفهاش الهوا وحالتها نمرة واحد بالكتير 16 او 17 لان موديل 87 كانت ال 1100 مش ال 1300 سي سي
لو عايز تعرف سعر العربيه اللى ؤدامك شوف المصاريف الل محتجاها كام واخصمهم من المبلغ الل قولتلك عليه واخصم كمان حوالى الفين عشان خبطت الشاسيه

لكن نصيحة سيبك منها طالما الشاسيه مش تمام عشان لو حبيت تبعها بعد كده

[powersha]

يعنى تقريبا اخرها 13 او 14
انا الحقيقه مش عايز اشترى من حد معرفوش لانى من كام سنه اخويه اشتره عربيه من واحد من السوق
وطلعت فيها برومه بعد مشتراها بكام شهر
بلرغم انه كان معاه واحد يكشفله على العربيه
عموما انا هكون معاه واكيد هناك فى السوق الناس هتفليله العربيه حته حته
وهكتشف كل مفيها وهو كلامه صادق