الرجاء عدم وضع سعر اي سياره للبيع حتى لا تتعرض للاهانات

[lo2aa]

الرجاء عدم وضع سعر اي سياره للبيع حتى لا تتعرض للاهانات . لو انت بتبيع عربيتك وعايز تعرضها هنا . اوعي تفكر ولو لوهله انك تحط سعرها ممكن تكتب موصفاتها ورقم تليفونك واللي عايز يكلمك وخلاص . لانك لو حطيت السعر اللي انت عايزه فيه ناس ممكن مايجبهاش السعر وبالتالي هاتتريق ع السعر وتأثر على تفكير الاخرين .. رجاءأ عدم وضع سعر اي سياره معروضه للبيع .

[mohamed_rhem]

يا باشا ده مشاركات فرديه لا تمثل الاكثرية

ومشرف القسم بيحزف اي مشاركه خارجه عن حدود اللياقه طبقا لقواعد المنتدي

ومتضايقش لو حتي بعض الاعضاء اللي هما اصلا لا حيشتروا ولا حيبعوا علق تعليق مش قد كده

في اساليب ارقي في الحوار مع الناس اللي لا بتبيع ولا بتشتري وكل دورها تقول السعر غالي وراجع سعر السوق ومن اسبوع شفت احسن منها وارخص

رينا يهدينا ويهديهم

[lo2aa]

حق كل الحق طبعا ....قال رسول الله صلى الله عليه وسلم (فيما معناه) (( من كان منكم يؤمن بالله واليوم الاخر فليقل خيرا او ليصمت))

[M.FOUAD]

لا انا رايي ان المفروض كل واحد يحط سعر لعربيتة و ملوش دعوة بكلام حد هنا مادام مفيش جدية في الشراء لكن ساعة ماصاحب الموضوع يطلب راي الاعضاء في تسعير العربية ساعتها الكل يتكلم من واقع السوق و اكيد الاغلبية هتبقى للسعر الصح

[ahmedhilmy]

يا باشا ده مشاركات فرديه لا تمثل الاكثرية

ومشرف القسم بيحزف اي مشاركه خارجه عن حدود اللياقه طبقا لقواعد المنتدي

ومتضايقش لو حتي بعض الاعضاء اللي هما اصلا لا حيشتروا ولا حيبعوا علق تعليق مش قد كده

في اساليب ارقي في الحوار مع الناس اللي لا بتبيع ولا بتشتري وكل دورها تقول السعر غالي وراجع سعر السوق ومن اسبوع شفت احسن منها وارخص

رينا يهدينا ويهديهم

+11111111111

[Rsarabia]

فعلا انا ساعات بشوف واحد طالب رقم معين فى عربيته و اكيد عامل حسابه ان الناس هتنزل فيقوم يحط رقم + 3000 مثلا يقوم واحد داخل قايل ردود رخمة و لسعر غاالى و كلام من دا و الحركة دى بتضايق جدا
ابسط حاجة لو حبب تشترى ادخل حط سعرك مش عاوز تشترى اقفل الصفحة

[faron525]

يا جماعة كل واحد بيحاول يحقق مصلحته سواء البائع او المشتري وطالما المكان ده مخصص للبيع و الشراء المفروض محدش يزعل لان البائع عايز اعلي سعر واللي بيشتري عايز اقل سعر يعني مصالح متضربة يبقي لازم نستحمل بعض ومحدش يزعل من كلمة مادام مفيش ( تجريح) وبين الشاري و البايع يفتح الله
وتحياتي للجميع

[M.Hassan47]

انا معاك فى الكلام ده ان فعلا فى ناس لا هاتشترى ولا بتفكر تجيب عربية اصلا وبيقعدوا يتكلموا على الفاضى
لكن دا مش مبرر يخلينى محطش سعر العربية بس المشكلة مع احترامى لمشرف القسم بس انا عايز اقوله فى ردود غير لائقة كتير جدا فى مواضيع مختلفة انت مش واخد بالك منها

[lo2aa]

كلامه كله مظبوط واتمنى يكون فيه تعليق من رئيس القسم . لان ردود بعض الاعضاء المستفزه ممكن تخللي اللي عايز يعمل اعلان هنا يخاف ومايعملوش اصلا . ويشوف مكان تاني مايكونش فيه ردو د زي كونتاكت مثلا از ميه ميه كار . وبالتالي احنا اللي خاسرانين والمنتدى هايخسر ثقه الناس . وشكرا ...
على فكره انا اخدت انذار نتيجه احد الردود المستفزه على موضوع بيع سياره اصلا ما يخصنيش .. الناس ردت بغلاسه شديده على صاحب الاعلان واضطريت ارد واخدت انذار لدفاعي عن صاحب الاعلان وعن مبدأ اللي مش عاجبه سعر العربيه ميردش وخلاص مافيش داعي لتبكيت صاحب الاعلان بكلام زي السم

[lo2aa]

عفوا كلامكم

[nitron]

بسم الله الرحمن الرحيم و الله يا جماعه انا رأىى المتاضع ان اى شخص عاوز يبيع العربيه بتاعته لازم يحط السعر الى طالبه و على الجميع احترام هذا السعر حتى لو كلن زايد عن الازوم و تعريف الشخص البائع بكل احترام ان هاذا السعر مبالغ فيه و ان عليه مراجعه اسعار السوق و دى حاجه متزعلش و لا ايه و كمان بالنسبه للجماعه الى بيحولو يفطسوا الحجه و يكرهو فيها الناس لازم تعرف ان من الاسلام الا نبخس الناس اشيائها و اسفعلى الاطاله و كل عام وانتم بخير و الهم بلغنا رمضان

[lo2aa]

ما مافيش احترام للاخرين ابدا ولا لحرياتهم والله . انا شوفت واحد كاتب سعر عربيته هي موديل 1976 اتفرج بقى ع التعليقات . اللي يقوله ما دامها عزيزه عيك كده خليها معاك . هي موديل 2006 ولا 2009 ... انت ما بتنزلش اسوق ولا ايه ... شويه شويه هايقلعوا اللي فرجلهم ويدولوا على دماغه علشان كتب السعر .... فين ده من الاسلام . عيب والله علينا يا مصريين . احنا اللي بنفرج الناس علينا
مره سألت واحد سعودي قولته انتم ليه بتكرهونا قاللي اذا كنتم انتم بتكرهوا بعض اصلا مش عايزنا نكرهكم ... سكت ومعرفتش ارد .... لان دي حقيقه ....

[ah-gawad]

لا يا اخي بلاش التشاؤم ده فيه ناس كتير اوي محترمة جدا في ردودها و العكس هو اللي حالات فردية فعلا و بعدين انت هتلاقي كل العرب بيكرهوا المصريين لاننا من الاخر عقدتهم لاننا حالنا و حال بلدنا علي اده و الاقتصاد مفيش و مع كده هم متأكدين اننا افضل منهم و بنفهم عنهم مليون مرة

[mxz911]

يا باشا ايه الموضوع الغريب ده ؟؟

نقطه سعر العربيه دى مفروغ منها فى اى اعلان ... مينفعش تعلن عن حاجه من غير ما تقول سعرها .. هو احنا هنا قاعدين فى مسابقه عشان الناس كلها تتصل ومش عارف ايه ... يا اخى الفاضل برجاء مسح الموضوع !

[vegorex]

الموضوع يتحذف ليه . الموضوع تنبيهي للناس علشان لما واحد يكتب السعر والناس تتريق عليه يبقى عامل حسابه ما يتضايقش
....اللي بيحص ف الردود على اللي بكتب السعر عيب والله . حضرتك اعمل اعلان وهمي وشوف الكلام