ماروتى زيرو للبيع

[monaabanoub]

انا شارية ماروتى من 10 ايام زيرو وعايزة ابيعها لانى كنت فاكرة انها ممكن يركب لها تكييف واكتشفت ان التكييف لو ركب ممكن يتعب موتور العربية وانا التكييف اساسى لظروف صحية
انا اشتريتها ب 36 الف وتامين 1140 وتراخيص 600 انا عايزة ابيعها
انا عارفها انى مش هاخد كل اللى دفعتها لكن اكيد مش هخسر كتير فلو فيه حد جاد يتفضل ويبعتلى

[monaabanoub]

خير يا جماعة مافيش حد عاجبة الماروتى

[powerofhelll]

للاسف لو بعتيها هتخسري فيها
ربنا يوفقك

[hamdy]

ينفع حضرتك تبعيها بتسهيلات ؟؟؟؟؟

[ashraf12345]

اولا سعر العربية زيرو مش 36 الف ثانيا لية تامين انتى جيباها زيرو ثالثا لية ترخيص 600 جنية دة مبالغ جدا
عموما حددى السعر كام وانا اشتريها

[monaabanoub]

اولا انا مش مبالغة فى اى حاجة الاسعار دى اللى انا صرفتها فعلا والعربيه زيرو من المصرية ممكن حضرتك تتصل بيهم وتسالهم عليها
بأمانة العربية زيرو انا عرضها للبيع علشان مشكلة التكييف بس لان عدم وجود التكييف بيكون صعب فى الحر وخصوصا مع مرضى القلب وكمان العربيه ما عملتش 400 كم

[M.FOUAD]

اولا انا مش مبالغة فى اى حاجة الاسعار دى اللى انا صرفتها فعلا والعربيه زيرو من المصرية ممكن حضرتك تتصل بيهم وتسالهم عليها
بأمانة العربية زيرو انا عرضها للبيع علشان مشكلة التكييف بس لان عدم وجود التكييف بيكون صعب فى الحر وخصوصا مع مرضى القلب وكمان العربيه ما عملتش 400 كم

احسن حل تدخليها في عربية زيرو من اي معرض و تريحي دماغك لان صعب بيعها دلوقتي

[DR.M]

فعلا التبديل بسيارة مكيفه من اي معرض

[monaabanoub]

التبديل بعربية من المعرض حرام جدا
انا سالت وعرفت انهم ياخدو منى العربية ب 28 الف ويبعوها ب34 ودة اللى اتقال من المعرض ليا
وطبعا حرام انى اخسر دة كله

[M.FOUAD]

يبقى الحل انك تركيبلها تكييف و تمشي بيها 3-4 سنين لحد ما تبهدليها على الاقل يبقى استفدتي من العربية و بعد كدة تتباع

[جندى مجند]

بصى حضرتك بدل ما تبيعيها بخسارة كبيرة و كمان تدفعى فرق كبير عشان تجيبى عربية تانية مكيفة أقترح انك تسألى فى التوكيل اذا كان ينفع تركبى ليها تكييف ولا لأ و أنا شخصياً معتقدش ان التكييف حيخنق العربية جامد لأنها سحبها حلو جداً و لأن أختها الألتو بتنزل مكيفة بنفس الموتور الـ 800 سى سى و لأن الماروتى بينزل منها موديل مكيف فى الهند بنفس الموتور.

و ربنا يوفقك فى جميع الأحوال.

[mohamed_rhem]

بصى حضرتك بدل ما تبيعيها بخسارة كبيرة و كمان تدفعى فرق كبير عشان تجيبى عربية تانية مكيفة أقترح انك تسألى فى التوكيل اذا كان ينفع تركبى ليها تكييف ولا لأ و أنا شخصياً معتقدش ان التكييف حيخنق العربية جامد لأنها سحبها حلو جداً و لأن أختها الألتو بتنزل مكيفة بنفس الموتور الـ 800 سى سى و لأن الماروتى بينزل منها موديل مكيف فى الهند بنفس الموتور.

و ربنا يوفقك فى جميع الأحوال.

+1