انا عاوز رأيكم (مستعمل ولا جديد بالقسط)

[foash304]

انا عاوز رأيكم
- انا لسة بتعلم السواقة
- و معايا 40 الف جنية
- و محتار اجيب عربية مستعملة كاش ولا جديدة قسط و ادفع ال 40 الف مقدم و قسط شهرى 800 جنية
- و لو رأيكم عربية مستعملة !!! اجيب اية ؟ بس المهم تكون حالتها كويسة و فبريكة بالكامل و موفرة للبنزين و قطع غيارها متوفرة

[SeiffoZ]

رأيى الزيرو طبعا!

[أبو_حمزة]

الزيرو احسن لو معاك تمنه
و القسط بلاش منه لا جديد و لامستعمل
اللى معاك هات على قده من غير ما تشيل نفسك دين
و المستعمل لو دورت كويس و استشرت و الاهم الاستخارة هيكون اختيار عملى
و ربنا يوفقك للخير

[lion_heart_1123]

إبعد عن القسط و مواويلة .... نصيحة أخوية

[amir_ezzat]

عيش على قدك تعيش مرتاح
نظام التقسيط اصلا فى شكوك حول حرمانيته طالما فى ايدك تجيب عربيه بدون قسط سواء مستعمله او اى شيئ يبقى قول الحمد لله وهات مستعمل
ثم انت لسه بتتعلم السواقه يعنى اكيد المستعمل احسن ليك
ونصيحه اخويه متجبش حاجه فبريكه بره وجوه علشان دى هتدفع فيها فلوس زياده و فى الاخر بعد ما تتعلم عليها هترشها لنك اكيد هتحك كده ولا كده ( ربنا يبعد عنك الشر ) بس ده هو المتوقع الامر ما يسلمش