سوق الجمعه حاجه اخر قرف

[bode_mw_2005]

بجد النهارده كان يوم رخم جدا وفعلا حرقه دم سوق 95% من اللى فيه تجار كل العربيات مرفوع سعرها مش اقل من 4:5 الاف فى كل عربيه التعامل مع الناس على انهم بهايم العربيه مرشوشه وشبعانه من كتر الرش ويقولك فبريكه جوه عدادات ملعوب فيها بالعبيييييييييييط نخيل لما تلاقى عربيه مودبل حاجه وتسعين وشغاله فى السياحه وعدادها عامل 100 الف كيلو بس ليه ؟ هى كانت شغاله سياحه فى مدينه ملاهى المهم انا زى ما رحت رجعت وال 23 الف اللى كنت هاشترى بيهم عربيه حطيتهم فى جيبى تانى وشكلى كده هاقضيها مواصلات احسن من اللف والدوران اللى شفته النهارده

[hkyfgvyiyu]

يا استاز محمود منا قولتلك مفيش حاجا اسمها سعر سوق فيه حاله وتقدير للحاله ديه والعربيه الكويسه صعب تلاقيها دلوقتى هتلاقى عربيات كتير رخاص بس تعبانين

[mr_sameh]

فعلا بقي حاجة تقرف عموما اصبر وشوف علي النت وانشاء الله هتلاقي حاجة حلوة

[bode_mw_2005]

يا صديقى hkyfgvyiyu انا معاك بس انت بالتحديد برجع وبأكدلك ان ماينفعش ان الواحد يدفع 7 الاف زياده فوق عربيه علشان حاله وعلى فكره العربيه اللى كنت بقول انها مرشوشه فى السوق هى ميره 97 وبيتكلم من بقه فى 17 الف وهى حمرا وكانت راكنه فى تانى حاره من ناحيه الباب والاسبوع الجاى هاتلاقيها موجوده علشان هى ما اتباعتش

[hkyfgvyiyu]

علفكرا يا استاز محمود وشوف انا بقولك باسمك وانتا استكترت دا انا مروحتش السوق واسال العضوين smsm وBLUE العربيه تستاهل كام هيقولولك انا احترتهم جدااااااااااااااااااااااااااااااااااااااااااااا قالولى العربيه تستاهل كزا بس للاسف كل واحد ليه ظروفه

[hkyfgvyiyu]

لان بخث الاشياء هيتردلك وانا لسا بعتز بمعرفتك

[bode_mw_2005]

انا والله العظيم اسف مسأله الاسم انا فعلا مش متذكره وده بس لان ظروف شغلى بتخلينى اتعرض لاكتر من 150 اسم فى اليوم ( ودى حقيقه وحضرتك تعرف ده لانى قولتلك انى بشتغل فى فرع شركه وبقابل عملاء كتير ) اما مسأله سعر العربيه انا مش بتكلم على عربيتك بالتحديد اعتقد ان مافيش حد عاقل يدفع 7 الاف جنيه فرق فى عربيه علشان حالتها كويسه انا بالمبلغ ده لو جبت اى عربيه تعبانه هاشدها واخليها ولا الزيروا
اما مسأله الاعتزاز بالصداقه صدقنى طبعا بعتز بمعرفتك وصداقتك وسامحنى مره تانيه على مسأله الاسم

[m000dy]

انا كنت فى السوق النهارده بردو
بس العادى اللى هو يوم مش زحمه قوى وفى نفس الوقت الحاجات الكويسه قليله
واللى ضايقنى ان فى عربيات كتير رفعت
واحد صاحبى قابلته فى السوق اشترى اكسنت موديل 2001 1500 سى سى ب 42 الف ونص لما كنت هاتجنن بينما لقيت اكسنت 1300 بس موديل 2005 وفابريكه وكامله ب 45 الف واول كلمه وكان عاوز يتكلم كمان
واحد معاه اكسنت 99 عاوز فيها 43 الف طب حد يقوله حاجه
النهارده كان معايا واحد صاحبى كل مايسال حد ويقوله سعر فلكى اقوله ليييييييييه صحيته كنت تسيبه نايم ماتقلقش الناس دى دى ناس شقيانه ههههههههههه
اللى انا شفته كويس النهارده واسعاره معقوله
البى ام كان فى كام واحده هناك بصراحه فل الفل
موديلات من 92 لحد 95 حالتها حلوه اوى وبتتراوح من 62 الف ل 80 الف وانا شفت النهارده بى ام موديلات من 86 لحد 89 بيبيع ومش اقل من 5 عربيات اتباعو النهارده قدامى بس حالتهم كويسه الصراحه كان فى تلاته تعبانين دول فضلو لاخر السوق
من الحاجات اللى زعلتنى واللقط الجميلع عربيه الفا روميو 156 موديل 98 تاره ابنوس ايطالى اصلى وكامله تخيلو لقيتها ب 53 اول كلمه اللى كانت فى يوم مش بعيد عامله 80 و 90 الف بس بجد تحفه
والكيا برايد 99 فابريكه جوه ومكيفه وازاز كهربا عامله 30 الف اول كلمه
واللى طلع عينى عليها ونستنى التكييف والاوبشن كله عربيه بونتو زرقا فابريكه فابريكه فابريكه وريحة الزيرو فيها لحد دلوقتى وقفلت بابها نغم وفرشها كانه لسه خارج دلوقتى من المصنع كان مطلوب فيها 28 الف اول كلمه بس بجد يغور التكييف قصاد عربيه بالحاله دى
وبعدين انا مقدر تعب الاخ اللى كان معاه 23 الف لان ماكانش فى حاجه كويسه بالسعر ده هناك النهارده مع استمرار اختفاء الفيات ال 128 وال 127 وماشابه الا ما ر حم ربى كان واقف تحت خزان الميه الناحيه التانيه وشويه صغيرين فى الشوارع الجانبيه اللى عند الساحه واسعارهم فى الارض
الشغل كله على الجديد
بس اللى مستغربله عشة الهيونداى اللى اسمها اكسيل دى باى حق ال 1300 منها والمخبطه تعمل اقل حاجه 33 الف وبتوصل الكويسه منها ل 38 الف

[hkyfgvyiyu]

يا استاز محمود ولا يهمك بس الانتا مش عارفه انى طالب فى كليه الطب ورايا شغلى الخاص وفضيت نفسى مخصوص عشان اكلمكبس لانى اعتزيت بيك ففاكر اسمك ديه حاجا ومش المهمه وعلفكرا انا عرفت سعر عربيتى حاليا وعملت تعديل فى العرض بس الناس عايزا تعمل ازدواجيه غريبه عايزا عربيه حلوه جدااا ورخيصه جداااااااا ودا عمرو ميحصل
وربنا يوفقك فى الشرا يا باشا

[bode_mw_2005]

انا كنت فى السوق النهارده بردو
بس العادى اللى هو يوم مش زحمه قوى وفى نفس الوقت الحاجات الكويسه قليله
واللى ضايقنى ان فى عربيات كتير رفعت
واحد صاحبى قابلته فى السوق اشترى اكسنت موديل 2001 1500 سى سى ب 42 الف ونص لما كنت هاتجنن بينما لقيت اكسنت 1300 بس موديل 2005 وفابريكه وكامله ب 45 الف واول كلمه وكان عاوز يتكلم كمان
واحد معاه اكسنت 99 عاوز فيها 43 الف طب حد يقوله حاجه
النهارده كان معايا واحد صاحبى كل مايسال حد ويقوله سعر فلكى اقوله ليييييييييه صحيته كنت تسيبه نايم ماتقلقش الناس دى دى ناس شقيانه ههههههههههه
اللى انا شفته كويس النهارده واسعاره معقوله
البى ام كان فى كام واحده هناك بصراحه فل الفل
موديلات من 92 لحد 95 حالتها حلوه اوى وبتتراوح من 62 الف ل 80 الف وانا شفت النهارده بى ام موديلات من 86 لحد 89 بيبيع ومش اقل من 5 عربيات اتباعو النهارده قدامى بس حالتهم كويسه الصراحه كان فى تلاته تعبانين دول فضلو لاخر السوق
من الحاجات اللى زعلتنى واللقط الجميلع عربيه الفا روميو 156 موديل 98 تاره ابنوس ايطالى اصلى وكامله تخيلو لقيتها ب 53 اول كلمه اللى كانت فى يوم مش بعيد عامله 80 و 90 الف بس بجد تحفه
والكيا برايد 99 فابريكه جوه ومكيفه وازاز كهربا عامله 30 الف اول كلمه
واللى طلع عينى عليها ونستنى التكييف والاوبشن كله عربيه بونتو زرقا فابريكه فابريكه فابريكه وريحة الزيرو فيها لحد دلوقتى وقفلت بابها نغم وفرشها كانه لسه خارج دلوقتى من المصنع كان مطلوب فيها 28 الف اول كلمه بس بجد يغور التكييف قصاد عربيه بالحاله دى
وبعدين انا مقدر تعب الاخ اللى كان معاه 23 الف لان ماكانش فى حاجه كويسه بالسعر ده هناك النهارده مع استمرار اختفاء الفيات ال 128 وال 127 وماشابه الا ما ر حم ربى كان واقف تحت خزان الميه الناحيه التانيه وشويه صغيرين فى الشوارع الجانبيه اللى عند الساحه واسعارهم فى الارض
الشغل كله على الجديد
بس اللى مستغربله عشة الهيونداى اللى اسمها اكسيل دى باى حق ال 1300 منها والمخبطه تعمل اقل حاجه 33 الف وبتوصل الكويسه منها ل 38 الف

تقييمك كله فعلا اكتر من رائع للسوق النهارده وانا فعلا شفت البى ام دبليو وكان فيه واحده ممتاااااازه لونها اسود او ازرق خامق وكان فيه واحده تانيه لون ليمونى بجد كانوا تحفه بس زى ما انت شايف الفلوس مقصره اللى ما شفتهاش وانت كده هاتندمنى عليها البونتو انا مش فاكر انى شفتها خالص او ممكن علشان عارف ان سعرها اعلى من كده ما دورتش عليها اعتقد انها لو بالحاله دى على 28 الف كانت فرصه
اما مسأله الاكسل بجد استهباااااااااااااااااال فى استهبااااااااااااااااال ولو تلاحظ مش هاتلاقى ولا واحده هاتش باك كله سيدان وكان فيه اتنين بس هاتشباك بس اصحابهم الظاهر من كوكب تانى كانوا عايزين 33 الف مش عارف على ايه

حاجه اخيره لو كنت شفت ال 128 مو 81 اللى كان صاحبها طالب فيها 25 الف احكى للناس عليها دى بينتلى حاجتين
- اولا الواد صاحبها ده عبقرى لان العربيه معمول فيها اللى عمرى ما شفته فى عربيه زيها
- الواد ده مخه رايح علشان حرام يعمل ده كله فى 128 وكمااااان مو 81

[m000dy]

وانا فعلا شفت البى ام دبليو وكان فيه واحده ممتاااااازه لونها اسود او ازرق خامق وكان فيه واحده تانيه لون ليمونى بجد كانوا تحفه

اه شفت اللمونى ووقفت مع صاحبها كمان واتباعت واتكتب عقدها قدامى
كان فى اتنين بونتو فى السوق يومها واحده نبيتى مع شاب والتانيه زرقا مع واحد كبير ودى اللى كانت مجننانى هى كانت عند المخرج اللى على الشارع العمومى بره
بس ماشفتش ال 128 دى
انا بفكر المره اللى جايه اصور العربيات اللقطه والنضيفه واحطها هنا
بس اليومين دول اللى عاوز يشترى يشترى من بره السوق

[eg_falcon]

اه شفت اللمونى ووقفت مع صاحبها كمان واتباعت واتكتب عقدها قدامى
كان فى اتنين بونتو فى السوق يومها واحده نبيتى مع شاب والتانيه زرقا مع واحد كبير ودى اللى كانت مجننانى هى كانت عند المخرج اللى على الشارع العمومى بره
بس ماشفتش ال 128 دى
انا بفكر المره اللى جايه اصور العربيات اللقطه والنضيفه واحطها هنا
بس اليومين دول اللى عاوز يشترى يشترى من بره السوق

احيانا في حاجات بره السوق متختلفش كتير عن جواه يعني حتلاقي اسعار فلكية يعني حضرتك متخبطش على النت في 132 اللي صاحبها عايز فيها 30000 و موديل 78 كمان

[محمد أنور]

محدش سأل على اللانسر البومة ؟