معا ضد الحرامية فى بيع و شراء السيارات (حملة يجب المشاركة فيها) منعا للأستغلال

[MEDO84EG]

+++++++++11111111111111111

[MEDO84EG]

كلام ممتاز و عاوزين يا شباب ان شاء الله نحط تسعير لكل عربيه و بعدين نكتبها في جداول و تتوزع عليان و صدقوني الفكره ممكن تكبر و مصر كلها تشوف الموضوع ده و نبقي ايد واحده و احنا اللي نتحكم في الاسعار بما يرضي الله مش التجار اللي يتحكموا فينا و يظلمونا

[hosar]

الموضوع دا جميل فين الخبراء

[m_gewelly]

زى الفل انا شفت عجايب الدنيا وانا باشترى عربيه تقريبا قعدت شهرين اتفرج واشوف الاسعار لحد ربنا ما كرمنى
يعنى مثلا شوفت التمبرا تخيلوا فى واحد عارضاها على 40000 موديل 2000 ودى تقريبا سعرها المفروض ميزدش عن 32000 والفيكترا 95 المفروض بتعمل من 33 الى 37 حسب الحاله بيتكلموا فى 45 و50 وواحد طالب 58 والسيفيا اتباعت قدامى موديل 99 على 33 يعنى لما اروح اتفرج على واحده نفس الموديل الاقى صاحبها طالب 45 بصراحه انا اتعلمت كتير اوى فى الشهرين دول وخصوصا انى اول مره اشترى عربيه مش قادر اقول غير لا حول ولا قوة الا بالله وبرضه للحق شفت عربيات ممتازه واسعارها حلوه ودى نسبه قليله جدا يعنى تمبرا 95 فابريقه بره وجوا وصاحبها طالب 27 وبيجو 405 موديل 95 فابريقه وصاحبها طالب 35 وشفت بيجو 405 موديل 95 باين اوى انها عامله حادثه ومغيره نص امامى بالكامل انا عرفتها بدون خبره وتخيلوا صاحبها طالب 45 دا موال كبير اوى موضوع العربيات دا ونصيحه مخلصه لما تشترى عربيه قيمها صح وارفعها فى بنزينه وخد كل الاحتياطيات اولا خد معاك طقم فحص مش مشكله لما تدفع متين جنيه بس تكون مطمئن بدل ما فلوسك تروح عليك انا شفت عربيات خرده واصحابها بيقلك فابريقه وطالب سعر خرافى والعربيه بتكون عايزه زيهم علشان تعرف تركبها وللعلم انا كلامى على عربيات سعرها بيزيد عن 30 الف وموديلات اعلى من سنة 90 تقريبا اتفرجت على الفين عربيه نصهم يقلك مش محتاجه مصروف ويحطلك صوره تروح تلاقى عربيه تانيه وحسبنا الله فيهم اما فى السوق دا حاجه غريبه فعلا طبعا موضوع التجار اللى ماليه السوق دا مش قصدى دول نسبتهم 10% هناك وبيبقوا 90% من الناس اللى بتروح تبيع عربياتها وبياخدوا معاهم عيالهم وبيقلولوا اسعار اتهيالى التاجر يتكسف يقولها حاجه غريبه وكمان بياخد معاه مراته ويقعدها فى العربيه ال يعنى عربية اسره طيب ما العربيات كلها عربيات اسره مش فاهم
عموما اللى قصدى اقوله مش موضوع السعر بس لا لازم نبص للعربيه فى كل حاجه اولها طبعا السعر ومفيش مشكله لما اشترى من تاجر على الاقل التاجر لما بيشترى من زبون ويرجع يبيع مش هيشترى الا عربيه سليمه والعربيات اللى التجار سايباها دى اسعارها عاليه بدون داعى او فيها مصايب ودى لازم نبعد عنها فدا راييى ان برضه ممكن الاقى عند التاجر عربيه سليمه وممكن اتكلم معاه فى السعر واقرب شويه للسعر بتاعى اللى عايز اشترى بيه اتهيالى انا خرجت عن الموضوع بس دا 1% من تجربتى وكنت عايز اتكلم عنها وربنا يوفق الجميع

[MEDO84EG]

معاك الف مليار حق

[elkhateeb]

معاك حق أنا دايخ على عربيه تكون كويسه ومتزدش عن 30000 بقالي 9 شهور

معاك حق أنا دايخ على عربيه تكون كويسه ومتزدش عن 30000 بقالي 9 شهور وخايف من كل اللي حضرتك بتقول عليه وبشوف أسعار مبالغ فيها جدا خصوصا على المواقع مثل الكونتاكت كار ولو أني بلاقي أحيانا أسعار مناسبه للواقع بس بتكون فعلا نسبتها قليله جدا جدا جدا

[MEDO84EG]

بجد فره جميله و ممكن تنتشر علي مستوي مصر كلها

[ابوهاشم]

ياريت الناس كلها فعلا تتوقف عن الشراء للزيرو

[AMA]

ياريت الناس كلها فعلا تتوقف عن الشراء للزيرو

فعلا الحمله على الفيس بوك موجودة من أول يوم 1 فى شهر 4

[MEDO84EG]

و الله الفكره ممكن تكبر اكتر و اكتر بس اهم شيء ننشرها