دايو - ماتيز مو99

[yrashidy]

دايو - ماتيز


800 سى سى - 3 سلندر - 94000 كم


الحالة ممتازة من الداخل و الخارج ولا تحتاج أي مصاريف .فابريقة دواخل وسقف + تكييف ممتاز+ سنتر بالريموت + جنوط + كاوتش جديد+ بطارية جافة + فرش جلد مميز+ كاسيت الفابريقة+ سماعات كينوود 400 وات . يمكن مشاهدة صور السيارة بالمرفقات و السعر نهائى
رجاء الأتصال للجادين فقط على

0105090044

[mxz911]

هو ا لسعر فين عشان يبقى نهائى ؟

يرجى وضع السعر النهائى بعد مراجعه سعر السوق اولا

وربنا يكرمك

[yrashidy]

معلش يا باشا أصل أنا معاد نومي فات و ابتديت أهسهس

السعر هو 29500

[Ahmed_Gadalah]

ربنا يحسنلك بيعها

[yrashidy]

شكرا

ربنا يحسنلك بيعها

اللهم أمين و متشكر على المرور

[Hondawy_2008]

كتيييرعليها أوي يا مان ده سعر لانوس اللي أنت حاطه ده

[mxz911]

كتيييرعليها أوي يا مان ده سعر لانوس اللي أنت حاطه ده

هوالصراحه السعر عالى شويه فعلا عن السوق

لكن انا مشوفتش لانوس بالسعر ده قبل كده !

اقل لانوس شوفتها كانت ب 32 ودى حالتها كانت تعبانه شويه اعتقد .. الانوس الكويس من اول 35 وانت طالع ...

والماتيز اللى اعرفه سعرها ف حدود من 23 للحاله الجيده الى 26 لو حالتها شاذه جدا !

والله اعلم

[gold_777]

السلام عليكم
بصراحه هو ماسك فى سعر ومش عاوزيسيبه لانه عارضها من اول الشهر ومش جايبه لان الناس بدل ما تدفع فى عربيه 850 سىسى المبل ده تستنى وجيب بنفس المبلغ حاجه اكبر خى عدالها
من25 الى 27
لو ناوى يبيع وفى جديه يقول

[yrashidy]

أولا :يا جماعة أنا متشكر على المرور و أحترم ردودكم و وجهات نظركم جدا

ثانيا :أ نا فعلا قررت أبيع العربية من شهر تقريبا تحديدا من ٦ أكتوبر و ده بغرض
التغير عشان أركب حاجة أكبر و أحدث و بما إني مليش في البيع و الشراء و الجو ده مكنتش عارف سعر العربية دي إيه في السوق ، طلبت فيها ساعتها ٣١ بس ناس كتير قلتلي ده كتير أوي ، ومن أسبوع بس نزلت السوق و بدأت أسأل عن سعر العربية دي و من اللي شوفتوا أقدر أقول لحضراتكم إن سعر العربية دي ما بين 25 إلى 33و ده طبعا على حسب الحالة و الموديل و الكماليات

ثالثا : من وجهة نظري المتواضعة جدا أنا شايف إن مينفعش نقارن أي حاجة بي أي حاجة لأن السوق يا أساتذة عرض و طلب و العرض و الطلب على اللانوس غير العرض و الطلب على الماتيز و كل عربية ليها اللي يركبها و يشوف الحاجه اللى تناسبه فيها و للعلم الماتيز من أنجح العربيات في فئتها

رابعا: أنا جدي جدا جدا في البيع و الدليل على كدة إني لما عرفت سعر العربية دي ف السوق نزلت في تمنها من ٣١ إلى ٢٩،٥ و على فكرة أنا شايف السعر ده معقول جدا و مناسب ل حالة عربيتي إلي أنا واثق منها جدا و متأكد إن اللي هايخود العربية دي هيدعيللي إنشاء الله

خامسا و أخيرا : مش عيب اني ابيع في العربية شهر أو إتنين أو حتى سنة العيب إإني حتى الآن ملقتش حد فعلا جد في الشراء و كل اللي عيز يشتري تجار و عايزين يشترو العربية بتراب الفلوس عشان يعرف يكسب من وراها فيا ريت يا جماعة اللي جد في الشراء يقول كلمة حلوة و يكلم بالحق و أنا مستعد فعلا لأنزل في السعر شوية لو حست أن اللى جاي يشتري بيشتري بجد

[OZYDREAMS]

ربنا يباركلك فيها ويوفقك فى بيعها

[hanykd]

أولا :يا جماعة أنا متشكر على المرور و أحترم ردودكم و وجهات نظركم جدا

ثانيا :أ نا فعلا قررت أبيع العربية من شهر تقريبا تحديدا من ٦ أكتوبر و ده بغرض
التغير عشان أركب حاجة أكبر و أحدث و بما إني مليش في البيع و الشراء و الجو ده مكنتش عارف سعر العربية دي إيه في السوق ، طلبت فيها ساعتها ٣١ بس ناس كتير قلتلي ده كتير أوي ، ومن أسبوع بس نزلت السوق و بدأت أسأل عن سعر العربية دي و من اللي شوفتوا أقدر أقول لحضراتكم إن سعر العربية دي ما بين 25 إلى 33و ده طبعا على حسب الحالة و الموديل و الكماليات

ثالثا : من وجهة نظري المتواضعة جدا أنا شايف إن مينفعش نقارن أي حاجة بي أي حاجة لأن السوق يا أساتذة عرض و طلب و العرض و الطلب على اللانوس غير العرض و الطلب على الماتيز و كل عربية ليها اللي يركبها و يشوف الحاجه اللى تناسبه فيها و للعلم الماتيز من أنجح العربيات في فئتها

رابعا: أنا جدي جدا جدا في البيع و الدليل على كدة إني لما عرفت سعر العربية دي ف السوق نزلت في تمنها من ٣١ إلى ٢٩،٥ و على فكرة أنا شايف السعر ده معقول جدا و مناسب ل حالة عربيتي إلي أنا واثق منها جدا و متأكد إن اللي هايخود العربية دي هيدعيللي إنشاء الله

خامسا و أخيرا : مش عيب اني ابيع في العربية شهر أو إتنين أو حتى سنة العيب إإني حتى الآن ملقتش حد فعلا جد في الشراء و كل اللي عيز يشتري تجار و عايزين يشترو العربية بتراب الفلوس عشان يعرف يكسب من وراها فيا ريت يا جماعة اللي جد في الشراء يقول كلمة حلوة و يكلم بالحق و أنا مستعد فعلا لأنزل في السعر شوية لو حست أن اللى جاي يشتري بيشتري بجد

السلام عليكم ورحمة الله

أصبر لغابة ماتجيبلك السعر اللى إنت عاوزه وكل واحد أدرى بعربيته
ماتسمعش كلام الناس الحلوة اللى هنا اللى بيقولك 22 والكلام دة
فى ناس هنا شغلتها كدة تبخس أى بيعة على الموقع وتوقع سعرها
ربنا يوفقك فى البيع ويبارك لك فيها
أخوك فى الله هانى

[yrashidy]

السلام عليكم ورحمة الله

أصبر لغابة ماتجيبلك السعر اللى إنت عاوزه وكل واحد أدرى بعربيته
ماتسمعش كلام الناس الحلوة اللى هنا اللى بيقولك 22 والكلام دة
فى ناس هنا شغلتها كدة تبخس أى بيعة على الموقع وتوقع سعرها
ربنا يوفقك فى البيع ويبارك لك فيها
أخوك فى الله هانى

جزاكم الله خيرا يا أستاذ هاني

[sobhysm]

ربنا يوفقك فى بيعها

[gold_777]

السلام عليكم
يا اما تصبر شويه فعلا زى ما انت عاوز وبعدين دى مش مغلباك فى حاجه ولا بتاكل وبتشرب فى قعدتها
يا اما لو عاوز تخلص القى نظره على الاسعار اللى الناس خلصت بيها فى العربيات دية وخلص
ويا عم لو عاوز تخلص بس بسعر كويس ويكون انت والناس كلها راضين عليه انا دخلت هنا فى المنتدى على الصفحه الخاصه بالنوع ده من السيارات وشوفت ايه العيوب وايه المميزات ومتنساش جاجه انها تقيله فى البيع والشراء ابعتلى على الخاص او الايميل gold_777@hotmail.com

[yrashidy]

و الله يا أستاذgold_777 أنا حاولت أفهم رد حضرتك بس مقدرتش لأن ذكائي المحدود مقدرش يوصل للهدف بتاع الرد بتاع حضرتك خالص خالص

يعنى مقدرتش أفهم انت عاوز تشترى العربيه و لا بتحاول تعمل أيه بالضبط ... يا ريت تكون أوضح شويه

بس هو انا حسيت من أسلوب سيادتك ان ممكن يكون في حاجة مضايقاك من العربيات الدايو الماتيز بوجه عام أو يمكن تحديدا اللون بتاع الماتيز بتاعتي مش بيعجبك عشان كده انت زعلان شويه

على العموم انا تحت أمرك في أي وقت و رقم التيلفون بتاعي موجود فى الموضوع (بدل الخاص و كده) و انا مستعد أقابل حضرتك انا و الماتيز بتاعتى عشان بس أعرف هيا مزعلاك في أيه و أهي برضه تبقى فرصه اتعرف على حد من المنتدي الجميل ده ....

و تصبح على خير ......