فيات 128

[AAAH]

السلام عليكم ورحمة الله وبركاته
الأخوه الكرام اعضاء المنتدى
معروض عليا عربية 128 بتاعه واحد قريبى
الراجل بصراحة قاللى على كل اللى فيها
وعايز اخد رأيكم هل لو هاشتريها السعر مناسب والا مشتريهاش اصلا؟
العربيه موديل 79
شكلها من بره حلو وشغاله وماشيه وانا ركبتها
موتورها ممتاز
عفشه ممتازه
كبالن ومساعدين ممتازين
كانت تاكسى واتعمله احلال
مغيره الربع الامامى شمال (ناحيه الدريكسيون)
نتيجه التغيير ده الشاسيه عايز يتوسع 1.5 سم والسمكرى قال لازم نفك الموتور الاول
رشه حوض طبعا
مش رشه شنطة
البابين اللى قدام عايزين يتغيروا او يتركبلهم مكن زجاج ويتبطنوا من جوه والبابين اللى ورا بردوا عايزين بطانه من جوه فقط
الفرش معقول بس انا شايف انه ممكن يتنجد افضل
التابلوه شكله وحش وعايز تجديد هو والدريكسيون (والاخير ده عباره عن حته حديده مدوره)
فى شغل فى شويه حاجات بسيطه فى الكهربا
هو كان جايبها على 8000 وصرف عليها 2500 بما فيها تحويل الرخصه من اجره لملاكى
عايز فيها ال 10000 ونص اللى دفعهم
فهل ده سعر معقول؟
وممكن اصرف عليها كام عشان اظبطها؟
وهل اشتريها اصلا والا لأ؟ علما ن فى قدامى عربيتين 127 مش محتاجين مصاريف واحده بعشره والتانيه بعشره ونص موديل 82 و84
اسف على الاطاله
بس ياريت ردود حاسمه لانى هاشترى ان شاء الله وفى نفس الوقت صعبان عليا اسيب ال 128 لو تستاهل انى اشتريها
اخوكم
ابو احمد

[medo980]

اولا العربيه دى بلاش منها احسن انتا بتقول انها كانت تاكسى وموديل 79 يعنى بقالها 30 سنه مطحونه شغل غير انها على كلامك محتاجه شغل مش اقل من 1000 تنجيد وابواب وتابلوه وفك موتور وسمكرى يعنى حالته متشجعش نهائى واكيد موتورها هالكان وضايع نصيحه بلاش منها عشان هتتعبك جدا وهتصرف عليها كتير عشان تحس انك راكب عربيه ولو حبيت تبيع عمرك ماهتجيب الى صرفته عليها ثانيا لو انت عايز 128 زود شويه وهات حاجه اوئل الثمانينات وتكون طول عمرها كانت ملاكى وليست تاكسى او شوف الكويس من 2 127 الى قولت عليهم الخلاصه ابعد عن السيارات الى قلبت من تاكسى الى ملاكى

[gomangy]

العربيه دى بلاش منها احسن انتا بتقول انها كانت تاكسى وموديل 79 يعنى بقالها 30 سنه مطحونه شغل
وممكن بالسعر ده تجيب حاجه ماسكه نفسها شويه ومش هتصرف عليك كتير

[thunder155]

اولا العربيه دى بلاش منها احسن انتا بتقول انها كانت تاكسى وموديل 79 يعنى بقالها 30 سنه مطحونه شغل غير انها على كلامك محتاجه شغل مش اقل من 1000 تنجيد وابواب وتابلوه وفك موتور وسمكرى يعنى حالته متشجعش نهائى واكيد موتورها هالكان وضايع نصيحه بلاش منها عشان هتتعبك جدا وهتصرف عليها كتير عشان تحس انك راكب عربيه ولو حبيت تبيع عمرك ماهتجيب الى صرفته عليها ثانيا لو انت عايز 128 زود شويه وهات حاجه اوئل الثمانينات وتكون طول عمرها كانت ملاكى وليست تاكسى او شوف الكويس من 2 127 الى قولت عليهم الخلاصه ابعد عن السيارات الى قلبت من تاكسى الى ملاكى

+
11111111111

[robeir]

ابعد عن العربيه دى خالص...............

[AAAH]

والله يا شباب كتر خيركوا
وجزاكم الله خيرا
وانا خلاص صرفت نظر عنها
وربنا يحسنله بيعها ويبيعها بسرعه بسعر كويس
وكل سنه والجميع بألف خير بمناسبه عيد الأضحى المبارك
أعاده الله علينا بالخير واليمن والبركات

[tarekmomo]

لا طبعا متشتريهاش نهيك عن كل الى فيها والشاسية ورشة حوض دى كفاية انها كانت تاكسى يعنى طلعان عنيها

[tarekmomo]

دة انت ممكن تجيب 128 موديل 80 ب11500 وتكون حالتها نضيفة

[AAAH]

دة انت ممكن تجيب 128 موديل 80 ب11500 وتكون حالتها نضيفة

فين يا باشا؟

[Ahmed_Gadalah]

إبعد عن العربيه دي

[AAAH]

شكرا يا جماعه على تعبكم معايا
ولو فى حد معاه 128 او 127 بسعر معقول ياريت يعرضهم عليا
ولو حد عنده خبره كويسه وممكن يجى معايا السوق ياريت يقوللى
وكل سنه وانتم بخير