فيات بونتو للبيع موديل 2002

[tutankhamoun]

بعد ما أشتريت العربية الجديدة الجين 2 ( ربنا يبارك فيها يارب و يحفظها من شر طرق مصر )
أعرض عربيتي البونتو للبيع
العربية موديل 2002
1300 سم مكعب
104000 كيلو متر
تكييف ....... باور ........ سنتر لوك ....... انذار ........ ولاعة السجاير ......... كاسيت

العربية موفرة جدا في البنزين ......... عملية جدا
و أنا لسه مركبلها ECU جديدة ب 3600 جنيها في التوكيل مع طقم بوجيهات و تم تغيير سلوك البوجيهات بأخرى جديدة تماما
و فيها اسطوانة دبرياج عمرها 6 شهور فقط ب 800 جنيه
و سير كاتينة و سير دينامو من شهرين و تم التركيب في التوكيل برضة
و فيها بطارية جديدة من شهرين ......... و الزيت فاضله 4000 كم علشان يتغير و أنا على طول بحط زيت موبيل وان العشرة ألاف و بغيره عند 9000 أو 9500 كم
و السيارة مش محتاجة أي مصاريف على الإطلاق ........ تركبها على طول بدون ما تفكر في أي مصاريف
و معايا الإيصالات الدالة على ذلك

لون العربية أزرق ......... ملاكي جيزة ......... و أنا معايا توكيل ببيعها
و أنا طالب فيها 50000 جنيها مصريا ( خمسين ألف جنيه )
و لو في أي استفسارات أخرى أنا تحت أمركم

[tutankhamoun]

صور العربية

[tutankhamoun]

هو مفيش حد عاجبه العربية و لا أيه ؟؟؟؟؟؟

[ماجد يوسف وهبه]

ممكن أسأل حالة الدهان اية

وهل أنت شاريها من الزيرو ولا دى ثانى يد

[tutankhamoun]

العربية مرشوشة يا باشا رش نظافة
ماعدا باب السائق تم سمكرته سمكرة خفيفة جدا
و أنا تاني يد و لكن الدهان حالته ممتازة و لو تحب تتفرج عليها أنا تحت أمرك
و على فكرة العربية معاها قعطتين غيار لم يستخدموا
سير كاتينة ثمنه 150 جنيها و هو صناعة إنجليزي
و معاها اكصدام خلفي اضافي ثمنه 600 جنيه
ده غير الغطاء الخاص بها

[CryptonX]

همم ان بحب شكل البونتو دي اوي ... ربنا يباركلك فيها و تعرف تبيعها :)
انت كنت جايبها بكام ؟

علشان انا بفكر قدام شوية ابيع برده واجيب جين 2 او سيتي بس مش عارف سعر اعادة بيع سيارتي و خايف اسأل :)

[tutankhamoun]

همم ان بحب شكل البونتو دي اوي ... ربنا يباركلك فيها و تعرف تبيعها :)
انت كنت جايبها بكام ؟

علشان انا بفكر قدام شوية ابيع برده واجيب جين 2 او سيتي بس مش عارف سعر اعادة بيع سيارتي و خايف اسأل :)

أنا لما أشتريتها جبتها على 51000 جنيه مصريا بالإضافة لأسعار قطع الغيار اللي ركبتها في التوكيل و يدخل المبلغ في 5 ألاف جنيها أخرى

[tutankhamoun]

على فكرة أود أن أوضح نقطة
موضوع قطع الغيار ده و تغييرها ماكنش عيب في العربية أحسن الناس تفتكر إن ده كان عيب
أسطوانة الدبرياج كانت سليمة و البلية بس اللي كانت عايزة تتغير بس أنا قلت أدام هاغير و أركب بلية يبقى أركب أسطوانة كاملة جديدة ( و طبعا أنتو عارفين أن الستات مبيشلوش رجيلهم من على الدبرياج و مالك السيارة الأول كان واحدة ست )
بالنسبة للسيور دي بتتغير دوريا زي سير الكاتينة و سير الدينامو و يتم تغييرهم كل 50000 كيلو متر خمسين ألف كيلو متر
أما ال ECU و هو عبارة عن وحدة تحكم إلكترونية صغير ( كمبيوتر ) و أتحرقت علشان سلك البويجهات كان اتاكل على الأخر ......
يعني العربية دلوقتي مفيهاش أي حاجة عايزة تتغير و اللي هايركبها أقل حاجة أدامه 50000 خمسين ألف كيلو لما يفكر يغير حاجة
و شكرا

[د.اشرف هنداوى]

مش كتير 50000 الف ؟ هنت شارىها ب 51000 من اد ايه؟
و الف مبروك علي الجين 2

[tutankhamoun]

مش كتير 50000 الف ؟ هنت شارىها ب 51000 من اد ايه؟
و الف مبروك علي الجين 2

أولا ألف شكر على التهنئة
كنت شاريها السنة اللي فاتت .............. حضرتك شايفها تسوى كام ؟؟؟؟؟

[د.اشرف هنداوى]

بعد مراجعه مواقع بيع السيارات اعتقد ان 50000 سعر مناسب
بصراحه انا معايا 45000 و عايز اجيب بونتو او كيا ريو او كليو في الحدود دي
انا ما عنديش خبرة كبيرة في العربيات و اول ما ابص علي العداد و الاقيه عدى ال 100000 كم احس ان سعرها لازم ينزل شويه
لأنها اكيد حاتفتح في المصاريف بعد ال 100000 كم - دا انطباع واحد مبتدىء زيى

شكرا :roll:

[د.اشرف هنداوى]

خيرها في غيرها و ربنا يكرمك بزبون كويس
و متشكر جدا علي العرض الكريم