زينون

[zeyad1810]

انا عاوز رأيكم ممكن تقولولى عن سعر اطقم الزينون دى بأمانة تعمل كام
- H3 colore 8000k
- H4 Hi/Lo colore 8000k
دول جداد بالكرتونة من غير ضمان لانهم جاينلى من كوريا يعنى كورى 100/100 انا عاوز انسب سعر ابيعهم بية لانى مش محتاجلهم
يا ريت اللى يشارك معانا يقول كلام واقعى بالنسبة لاسعار السوق حاليا يعنى يكون فعلا عارف الاسعار

[إسلام شاهين]

بص يا باشا :-

تحديد السعر لسلعتك ده محتاج صبر شوية ليه ؟

لأن سلعتك ديه بدون ضمان وغير مجربة يعني مش هتبيعها وأقولك استنى لما أركبها وأشوفها شغالة ولا لأ ؟

وبعدين النقطة المهمة جدا جدا وهي اللمض ديه لما تتحرق ( وده عاجى أم آجلا هيحصل ) موجود منها كقطع غيار ولا لأ ؟؟؟؟؟؟؟؟؟ وبكاااااااام ؟ وبكام ديه أهم حاجة .

يعني بص بما يرضي الله عمرو سلامة الطقم عنده بحوالي 1250 ، سبير كار اأطقم عنده من 1000 إلى 1200 برضه بس المهم إن دول ليهم ضمممممممممممممان وديه أهم نقطة يبقى أنا علشان أشتري سلعة بدون ضمان يبقى لازم سعرها يكون مريح صح ولا لأ ؟

فشوف إنت مممكن توصل لكام ؟؟؟؟؟ وممكن تغريني اشتري ولا لأ ؟ ماهو إنت طبعا لازم تغريني لأني هاخد الريسك وهشتري منتج ما أعرفش عنه حاجة وما أعرفش إيه نظامه .

وبعدين أنا ليا سؤال هو ده كوري كوري أصلي ولااااااااااااااااا ؟

[zeyad1810]

انا معاك ان الضمان بيفرق فى السعر علشان كدة انا بسأل نا س تكون عارفة سعر السوق اية
موضوع اللمض دة انا سألت علية وانا بركب فى عربيتى قالولى عادى ممكن يتركب علية اى لمبة بتتباع وهى بتتقاس بدرجة اللون واحنا بردة هنشوف راى الناس الخبرة فى الموضوع دة فى المنتدى اية علشان اعرف احدد سعر سليم
وعموما الف شكر على الاهتمام والرد السريع وان شاء اللة اللى ربنا عاوزة هيكون
وبالنسبة لسؤالك هما فعلا كورى اصلى

[إسلام شاهين]

هاقولك على فكرة كويسة :-

أعرضهم على كذا تاجر وشوف هايقولولك كام ، وعلى كده إحنا ممكن ناخد منك بأعلى 100 جنيه من اللي يقولوا عليه !!!!!!!!!!!

[zeyad1810]

انا عن نفسى ان شاء اللة ناوى ابيع بس مستنى اشوف الناس هتسعرهم بكام علشان ماكنش مظلوم ولا اظلم حد يعنى هبيعهوم بما يرضى اللة ونكون انا والمشترى مرضيين برضة
وموضوع التجار دة بردة اسأل واشوف اية النظام

[zeyad1810]

بص يا استاذ اسلام لو انت ناوى تشترى ان شاء اللة قولى عاوزهم بكام ؟؟

[إسلام شاهين]

والله أنا ما أعرف سعرهم ، بس زي ما قولت لحضرتك ثمنهم عند أي تاجر وأنا أعلى من السعر بتاعه 100 جنيه.

وياريت تكتب نوعهم إيه بالضبط علشان برضه أسأل عليهم .

[zeyad1810]

نوعهم Ari عالى وواطى زينون فى لمبة واحدة H4 وفى طقم H3 واطى بس