لادا نيفا للبيع

[Alymany_1]

السلام عليكم ورحمه الله وبركاته
بعد التحية

رجاء اشيروا عليا
معروض عليا عربه نيفا مو
84
معاها حاجتها (موتورها_تكيف_فتيس غرس_كاوتش_الخ)
مالكها يقول انه تم رفعها 10 سنوات
لم تعمر
وبها كاوتشها الاصلي
ولم تغير عفشه او حتي اي سير بالموتور اوترش لادواخل
ولاحتي وش خارجي.
فتيسها وحتي كلاكسها
وبها سنتر لوك وولف
وزجاج كهربا
_ _ _
وعند الكشف عليها بأحد البنزينات
_كالتكس عباس_
ولا انصحكم بها
الفحص كامل لم ياخذ ربع ساعه
بصه عند الرفع وكشف كمبيوتر
ويسمونه كشف كامل _
انا مش عايز اظلمهم بس حاسس انة سريع قوي
_
المهم قالوا الموجود بها
بارومه خفيفه تحت الرفارف
وبارومه عند العتبه
وخبطه في اسفل الشاسية يسارا
ولحام اسفل احد الرفارف الخلفية
وقيموا الموتور بأنة يحتاج تظبيط
واجمالي حالته
60 %
_ _ _
مطلوب فيها 16
فبماذا تنصحوني!
وبالله عليكم لو فيها تعب
تردوا علي كل الاستفسارات.
_ _ _ _
وهل هذا الكشف بالبنزينة كاف!
وهل حاله الموتور
%60
جيده وبالتقريب متي سأحتاج عمره موتور_تقريبايعني_؟
_مع العلم اني راح اسفرها الصعيد لأخي_
والبارومه دي ليها حل وخبطه الشاسيةهل تؤثر في ثمن العربه؟
وهل حاجتها لم تغير شئ ميزه ولاعيب
(عفشه مثلا يقول لم يغير بها إلا جلده مشفاكر اسمها وبيضها الاصلي)
_اقصد راح تفتح بقها يعني _!؟
_مع العلم ان العربه ماشية وثابته علي الطريق وصاحبها بيشد عليها ومبتسخنش بسهوله بيقف مره واحده بس في مشوار مصرالعريش_500ك_
===============
خلص الكلام
بأنتظار الرد
والتفصيل ان امكن
_بسرعه بالله عليكم_

[ahmedsamir79]

هو 60% بصراحه نسبه مش مريحه

[Alymany_1]

ياخي الف شكر علي المرور والرد
بس رد علي بقية استفساراتي
واهمهم هل تستاهل ستاشر الف جنيه
بانتظار الرد
جزاك الله خيرا

[Alymany_1]

ياخي الف شكر علي المرور والرد
بس رد علي بقية استفساراتي
واهمهم هل تستاهل ستاشر الف جنيه
بانتظار الرد
جزاك الله خيرا

[nimaster]

اعتقد ان 16 الف كتير عليها ,

[mxz911]

ربنا يكرمك وحاول تشوف ميكانيكى حلو برضه يكشف عليها بنفسه

[Alymany_1]

طيب شباب اية انسب سعر ليها في رايكم بحيث اني لا اخشر فيها كتير.

[ahmedelzeeny]

16 كتير جدا جدا عليها دى النيفا لو حالتها ممتازة بتععمل دلوقتى 13 الف اما بالحاله دى تعمل 9 او 10

[asaeed]

إزاي موديل 84 ولم يتم تغيير عفشة أو لم تعمل،
ده لو على كلامك كده أو ما هتخدها هتحتاج تغير حاجات كتييييييييييييييييييير لأن قطع الغيار لها عمر افتراضي، لأنها منذ سنة 84 لم يتم تغييرها، فأكيد هتحتاج تتغير عاجلاً أم آجلاً.
موضوع الموتور ده أمره سهل أهم حاجة الصاج بتاع العربية، وبعدين نسبة البارومة أدي إيه بالضبط، لو هي حاجة خفيفة وتتلحق يبقى تمام أما لو البارومة سارحة فيها يبقى ماتخدهاش لو ببلاش.
هل فتيس الغرس شغال أم لا. لأنه لو بايظ بيقلل من ثمن البيعة
بخصوص أن قطع الغيار إللي في العربية بتاعتها الأصلية ده ممكن عيب وليس ميزة لأنك هتحتاج زي ما قلت لك تغير حاجات كتييييير
وفي الأول والآخر أجمع الآراء واستشير أهل الخبرة في هذا الموضوع، وربنا يكرمك بالاستخارة

[speed demon666]

وكمان شوف موضوع الشاسيه ده لأانه أهم من كل شيئ , لأنه الخبطة دي ممكن تخلي العربية ما تتبعش حتى لو ببلاش

[AMA]

طيب مانت سمعت كلام الراجل و صدقتة مرة واحدة و ساعة الكشف زعلت من البنزينه بص يا باشا هقولك كلام يعتبر سليم شوية بالنسبه للبيع و الشرا
أولا : متصدقش كلام صاحب العربية أو التاجر غير لما تتأكد بنفسك لأن فيه ناس بتحب تدارى المشاكل عشان متقللش من سعر الحاجة
ثانيا : متخليش المنظر يخدعك أنا عارف انك عايز تشترى العربيه من منظرها أو من مقابلة الراجل ليك يعنى هتلاقى العربية مرشوشة كويس و شكلها بيلمع و الفرش جميل و كل حاجة لكن كل دة ميساويش حاجة بالنسبه لأمكانيات العربية نفسها
ثالثا : أزاى عربيه من أوائل التمانينات و مفيش حتى سير ماتور زى ماقولت أتغير فيها و دا إلى اكدلى ان صاحب العربيه كلامة مش ثقة
رابعا بالنسبه للسعر فهو عادى حتى على النيفا الى حالتها 80% يعنى ممكن تاخدها على 11 بالوضع دة وعلى فكرة موضوع البارومة دة مين قالك ان الحل بتاعة سهل يعنى دا لو مكانش سمكرى محترم و نضيف أوى أوى أوى مش هيعرف يعمل أى حاجة و هيخرب العربيه أكتر لأن الاماكن إلى فيها البارومة دى لازم تستأصل و يتزود عليها صاج جديد دا لو أنت عامل حسابك انك مش هتبيعها

و صلى صلاة أستخارة أكيد ربنا هيدلك على الخير

[aboelmagd8]

بعد كل الغلبة دى ولسة متمسك بيها

[Alymany_1]

جزاكم الله خيرا علي المرور والرد

اخي AmA
الف شكر علي الرد التفصيلي وياريت كل الاعضاء يردوا باستفاضه مثلك
بس كنت عايز اقلك ان كشف البنزينه معجبنيش بس علشان الوقت_تخيل الكشف مكملش عشر دقايق_
وحاجه تاني حضرتك من الاسكندرية والاخ صاحب العربيه
بيقول ان الاسعار بتختلف من محافظه لأخري
يعني مثلا عندنا في الصعيد كمثال البيجو 504 تتراوح مابين
20 ل 30 الف
بالمثل الاخ صاحب النيفا بيقولي
ان سعرموديلات الثمانينات منها النضيفه في القاهره مابين
13 ل 20.
بس بجد افدتني
جزاك الله خيرا
اما للأخ عبدالمجيد
فسر تمسكي بيها
اولا النيفا عربية شديده وبتستحمل
ثانيا اصل انا شايف حركتها وقسوت صاحبها عليها ده غير ان صاحبها ده اول مالك ليها حسب كلامه ورفعه ليها عشر سنين ميحافظش !؟
_ _ _ _ _
وانا بأنتظار ردود واقتراحات بقية الاعضاء

[Alymany_1]

اقصد
وثقه صاحبها في قسوته عليها ده غير ان صاحبها ده اول مالك ليها حسب كلامه
فهل رفعه ليها عشر سنين ميحافظش !؟
_ _

[marwan_147]

بالتوفيق انشاء الله