محتاج عربيه بالمواصفات دى

[mohammed2005s]

لمبلغ المتاح / 27000
نوع العربية / مستعمل
إمكانية التقسيط فى حالة الزيرو / يفضل بدون تقسيط - إمكانية تقسيط بقسط بسيط جدا (حوالى 300 جنيه شهرى)
خبرتك فى السواقة وسكك الصيانة / متوسط
شكل العربية / هاتش باك - سيدان - مش فارقة
الموديل / تسعينات
إستخدام السيارة فى الاغلب / داخل وخارج المدينة
انتقالاتك بالعربية / (فى الاغلب لوحدك - دايماً معاك ناس ) الاتنين
الكماليات المرجوة / تكيف - باور - تكون واسعه - الماتور مش اقل من 1200 سى سى
إستهلاك البنزين / مش فارقة
قطع الغيار / (رخيصة و عمرها قصير - غالية و عمرها طويل ) مش فارقة
اماكن الصيانة / (يفضل توكيل - ممكن ميكانيكية ) يفضل الاتنين
التفرغ لأعمال الصيانة / (عندك وقت - ممكن تتدبر ) ماعندكش وقت خالص
الاستمرار بالعربية لفترة / هاتستمر بيها فترة متوسطه (من 4 - 8 سنين )
سعر إعادة البيع / خسارة معقولة
اهم حاجات بتدور فيها على العربية /
- صالون واسع
- قوة تحمل
- قلة اعطال
- الشكل الحلو

ملاحظات اخرى / ارجو ان تكون السياره لا تحتاج للمصاريف نظرا لانى شاب فى بداية حياتى واحتاج سياره لاترهقنى فى صيانتها مع العلم انه سيتم الاهتمام بها لدرجه ممتازه

[mah907]

منكن تشوف عبية شاهين او مرسيدس موديل 78 تقريبا كده وهتصرف عليها حاجة بسيطة وانا ارشح لك مرسيدس

[ahmednashaat]

شوفلك فيلشيا حتبقى كويسة معاك

[mohammed2005s]

شكرا على الرد

شكرا يا استاذMah907 و استاذ احمد نشأت على ردكم عليا

بالنسبه لاستاذ Mah907 العربيه الشاهين ضيقه جدا عليا انا مش بستريح فى قعدتها خالص وبخش فيها بالعافيه ، انا طولى 195 يعنى لو لابس بدله هتدبهدل من قبل ما اروح المكان اللى انا رايحه ، وبالنسبه للمرسيدس معرفش دى جت على بالك ازاى لانى دى مش من المواصفات اللى قولتها لانى انا عاوزه تسعينات عشان الاقى قطع غيارها عادى مش مشكله غاليه بس الاقيها

بالنسبه لاستاذ احمد نشأت مشكور الرد برضو ، هوا انا فعلا فكرت فى العربيه السكودا بس قليل اما هلاقيها بالسعر ده وفيها الامكانيات دى
ياريت لو حد تانى يا جماعه يشارك معانا ونفكر مع بعض
متشكر جدا ليكو

[n8os]

شوف هو في الكورسا وهي ولاضيقه قوي ولا واسعه قوي يعني بين البنين وهتلاقيها بالسعر ده وفي بردو السيات ابيزا اظن انها اوسع من الكورسا

[mohammed2005s]

.

شوف هو في الكورسا وهي ولاضيقه قوي ولا واسعه قوي يعني بين البنين وهتلاقيها بالسعر ده وفي بردو السيات ابيزا اظن انها اوسع من الكورسا:h_angry[1]:

هيا الكورسا فعلا انا فكرت فيها بس عاوز الاقى منها بالمواصفات بتاعتى دى بالمبلغ اللى معايا وتكون حالتها كويسه
انما ابيزا بخاف منها عشان بشوف ناس كتيره قوى وشباب والله بيبقوا ماشيين خايفين على العربيه والموديل اوائل الشكل الجديد اللى هيا من 94 لحد 96او 97 بلاقيهم خايفين يمشوا بيها وكتير جدا شفت الموقف ده مش عارف ليه غير الاعطال الكتير اللى بشوفها فيها

[n8os]

انت لو دورت صح صدقني هتلاقي الكورسا بالسعر ده وربنا يوفقك

[powerofhelll]

بما انك شاب خليك في هاتش باك اعتقد في حدود المبلغ بتاعك ممكن تلاقي
جولف 2 86-89 قطع الغيار متوفره و رخيصه و الصالون واسع
ابيزا 94 بس شكلك مش مقتنع بيها بس علي فكره نفس موتور و عفشه الجولف 2
كيا برايد هاتش باك حجمها معقول

[زكريا عيسى]

شوفلك فيلشيا حتبقى كويسة معاك

حاسب قطع غيارها نارررررررررر

[mohammed2005s]

والله يا جماعه انا اقتنعت خلاص بالابيزا
فيه حد عنده واحده فى حدود السعر ده حالتها حلوه وفيها تكيف؟

[Terrible_DaRsH]

صعب تلاقى ابيزا بالسعر ده , اسعار تتراوح بين 33 و 35 الف .

انت ممكن تزود عن 27 الف ؟

[mohammed2005s]

صعب تلاقى ابيزا بالسعر ده , اسعار تتراوح بين 33 و 35 الف .

انت ممكن تزود عن 27 الف ؟

والله لو قولتلك ان ده كل المبلغ اللى معايا بالرفع فى البنزينه والعقد تصدقنى؟

وعلى فكره ده كتير على العربيه دى
كان فيه واحده والله مو 94 سودا 1300 وتكيف وزجاج كهربا قدام فابريقا دواخل وراشه بره نضافه ماعدا السقف فابريقه على 22000 وكانت محتاجه بس ديسك واسطوانة دبرياج وحاجات كده تعملها 1000 بالكتير بس انا عقبال اما اتصرفت فى المبلغ ده كانت اتباعت لظابط الله يكرمه فيها