بطاريات أوبتيما الخارقة

[Nokiaxxx]

عندي مصدر توريد لعدد محدود من بطاريات أمريكية تسمى أوبتيما "الغطاء الأصفر"

المميزات:

1-مخزن طاقة يعادل تخزين 12 بطارية جافة 55 أمبير
2-مضادة للصدمات الميكانيكية (مطبات و خلافه) و هو من أهم عوامل تدمير البطاريات الجافة و السائلة على السواء
4-سرعة الشحن 3 أضعاف سرعة البطارية العادية مما يعني راحة كاملة للدينامو و بالتالي إستهلاك أقل للوقود
5-سرعة تفريع 25 ضعف البطارية العادية لتلبية الأحمال العالية كالأنظمة الصوتية المتقدمة
6-تطوير كامل لكل وظائف الكهربائية للسيارة بداية من التكييف و حتى الإضاءة الخارجية
7-لا تحتاج لأي نوع من انواع الصيانة
8-فترة تخزين لطاقة الكرنك "الإشعال" تصل إلى 12 شهر ... يعني إركن العربية سنة كاملة و تعال دورها هتدور زي الفل بلا أي مشاكل
9-عمر تشغيلي طوييييييييييل قد يتعدى العشر سنوات (لقيتها شغالة في مرسيديس من 1998 حتى الآن)
10-لا تتأثر مطلقا بدرجات الحرارة
11-صناعة أمريكية 100%

السعر 2000 جنيه مصري لمن يرغب و المراسلة على الخاص

و شكرا

[Sameh]

للى مش عارف الأوبتيما

الأوبتيما الزرقاء: للانشات البحرية


الأوبتيما الحمراء : للعمل فى ظروف قاسية مثل سيارات السباق و المعدات الثقيلة تحت درجات حرارة عالية جداً أو منخفضة جداً


الأوبتيما الصفراء : للأحمال العالية مثل السيارات الفان ذات التجهيزات الكثيرة أو السيارات التى بها أنظمة صوت ضخمة تحتاج وات عالى

[Moh.Fahmy]

طيب هي بتتقاس بالامبير برضه و لا ليها مقياس تاني يعني مثلا لو عايز بطارية 55 امبير بيكون موجود منها نفس القدرة دي
يا ريت تفاصيل اكتر و يا تري ليها ضمان و لا لأ لان برضه مع السعر ده لازم يكون فيه ضمان

[mohameduoser]

ودى معاها ضمان

[Nokiaxxx]

شكرا يا سامح للتوضيح

لا يوجد ضمان لأني مش محل أو مركز بيع لكنها بجد تضمن نفسها

و هية في منها أنواع حسب نوع العربية...لكن الإستاندرد 55 أمبير

[shouk_1987]

طب أنا أول مرة أسمع عنها ليه مش منتشرة ؟؟؟؟
أصلها لو بالإمكانيات الخرافية ديه و ب2000 جنيه كنا لازم نسمع عنها

[Nokiaxxx]

طب أنا أول مرة أسمع عنها ليه مش منتشرة ؟؟؟؟
أصلها لو بالإمكانيات الخرافية ديه و ب2000 جنيه كنا لازم نسمع عنها

لأنها بتستخدم في معدات عسكرية كمان و بالتالي لازم تيجي بتصاريح خاصة

عموما هية مش منتشرة ليه دي مش قصتي إللي عايز يطلب

[Karim_Monir]

بس ده حضرتك يعتبر اعلان وبدون الرجوع للادارة موضوع معرض للحذف الفوري مع ايقاف عضويتك

[Nokiaxxx]

بس ده حضرتك يعتبر اعلان وبدون الرجوع للادارة موضوع معرض للحذف الفوري مع ايقاف عضويتك

استاذ كريم

ده مش إعلان...الموضوع و ما فيه ان دي مش بضاعة سوق ولا حاجة خالص دي حاجة سبيشال و بتجيلي بكميات محدودة ولا انا محل ولا مركز بدليل اني ذكرت أني معديش ضمان للبطاريات دي
أنا وعضو عادي ببيع حاجات موجودة عندي مش تاجر جملة ولا تجزئة

[Ahmad Allawy]

انا شوفت اعلان ليها في الهرم.. قرب طريق المنصورية كده..
و اعتقد ان مبروك غطاطي بيجيب منها.. والله اعلم.. عشان ده كان اعلان لغطاطي اللي في فيصل.. و فعلا كان حاطط صورة البطارية الصفرا منهم علي عربية فيات معدة للراليات كده.. بس بصراحة مكنتش اعرف اي معلومات عنها..

[maka]

انا شوفت اعلان ليها في الهرم.. قرب طريق المنصورية كده..
و اعتقد ان مبروك غطاطي بيجيب منها.. والله اعلم.. عشان ده كان اعلان لغطاطي اللي في فيصل.. و فعلا كان حاطط صورة البطارية الصفرا منهم علي عربية فيات معدة للراليات كده.. بس بصراحة مكنتش اعرف اي معلومات عنها..

فعلا الاعلان موجود ومكتوب عليه ان ممدوح غطاطى وكيلها فى مصر

[Nokiaxxx]

و عند مبروك غطاطي ب 2500 جنيه

[مواطن مصرى]

انا شفت الاوبتيما الحمراء فى ونش هيدروليك عندنا فى الشغل بس كان حجمها اكبر من البطارية العاديه بتاعت العربيات

[ahmed1981]

الوكيل في شارع فيصل
تقريباً إسمه غطاطي
ومتاحة عنده عادي ولا معدات عسكرية ولا غيره

والمعلومة اللي أحب أوضحها للزملاء
أن البطارية أوبتيما الموجودة عند غطاطي مكسيكي وليست أمريكي
رغم إنه بيقعد يقول أصلها أمريكي ويحكي في قصص
لكن هي مكسيكي

[Karim_Monir]

استاذ كريم

ده مش إعلان...الموضوع و ما فيه ان دي مش بضاعة سوق ولا حاجة خالص دي حاجة سبيشال و بتجيلي بكميات محدودة ولا انا محل ولا مركز بدليل اني ذكرت أني معديش ضمان للبطاريات دي
أنا وعضو عادي ببيع حاجات موجودة عندي مش تاجر جملة ولا تجزئة

حتى بالنسبة للاعضاء لو باع من فس السلعة اكتر من واحدة يدخل تحت البند التجاري
لان قسم البيع والشراء معمول لافادة الاعضاء فقط وتبادل ما لا يحتاجونه فيما بينهم