للبيع عربية فيورا موديل 84 حالة ممتازة

[aymanassem]

السلام عليكم ورحمة الله
للبيع عربية فيورا حالة ممتازة
موديل 84
اللون طوبي
دواخل فابريقة
صالون فابريقة بحالى ممتازة
كاوتشات ممتازة .. 2 امامي جديد من شهرين تقريباً .. علبة دركسيون ايطالي جديدة..بطارية من سنة بحالة ممتازة
ماتور بحالة جيدة جداً
السعر 18500 قابل للتفاوض
عربية بنت ناس و تاريخها معروف و استعمال مهندسين ..و اهتمام دائم بها ..ووشها حلو :)
للاستعلام
م أيمن عاصم
موبايل
0118008422
عفواً لعدم الرد إن كنت مشغول
المعاينة بالعباسية

[aymanassem]

عفواً ..
نسيت ان اذكر..
أن الرخصة انتهاء 16-11- 2008 تاريخ الفحص 2009
اللون أحمر طوبي .. ده للي مش عارف اللون الطوبي :)
طبعاً الماتور 903 سم3 4 سلندر بنزين .. عمرة سابقة .. ولكن حالة جيدة جداً
127 فيورا 4 ابواب .. عدادات شغالة كلها و فيها كمان عداد لفات الماتور
متهيألي مافيش حاجة ناقصة..

[ahmed]

ربنا يحسن لك سوقها

[aymanassem]

جزاك الله خيراً

[3mr Farrag]

هي العربيه فابريقه بالكامل من جوه....
ولا كلام اعلانات!!!!!!!!!!!!!!!!!!!

[aymanassem]

طب بتزعق ليه طيب :) ايوة يا سيدي .. جوه بالكامل فابريقة .. من اول التابلوة و الشنطة و الصالون و العددات و كل حاجة .. وللأمانة ماعدا الجزئين الصغيريين اللي فوق الكاويتش قدام .. و لو حد خبرة في الفيورا .. لازم يتغيرو .. مهما كانت .. لكنها بكامل دواخل فابريقة ..

[3mr Farrag]

معلش اني بزعق:)
بس اصلي كتير ناس تقول فاريقه و نروح نبص نلاقي عربيه غير مفهومه....
و حضرتك قصدك الكرتيره مرشوشه؟؟؟؟
علي فكره انا لسه واحد صاحبي مكلمك من شويه.....و يمكن اجي معاه بكره
و ان شاء الله اتعرف بيك

[aymanassem]

مضبوط الكرتيره ..
إن شاء الله .. نشوفك علي خير ..

[thegoodhacker]

وللأمانة ماعدا الجزئين الصغيريين اللي فوق الكاويتش قدام .. و لو حد خبرة في الفيورا .. لازم يتغيرو .. مهما كانت .. لكنها بكامل دواخل فابريقة ..

قصدك الكارتيرتين متغيرين ؟ او حتي مرشوشين ؟ لو كده ما تبقاش فابريقة يا ريس ابدا .......نرجو التوضيح!!

[aymanassem]

يا عم العربية فيورا موديل 84 .. هاتلي عربية واحدة مش مغيرة الكرتيرة .. و لسة مش مصدية ..

[NaderNabil]

قصدك الكارتيرتين متغيرين ؟ او حتي مرشوشين ؟ لو كده ما تبقاش فابريقة يا ريس ابدا .......نرجو التوضيح!!

حضرتك المزضوع ده عادي جدا ...مافيش 127 مش مغيرة أو رشة كارتيرة...دي 127 ياعني مصدر البارومة كلها:)...أهم حاجة تبقي معمولة صح ...و حالة العربية العامة....لأنك ممكن تاخد عربية برقم الكارتيرة...بس يا فارحتي حالتها ضايعة و مش متحافظ عليها..

العبرة بحالة العربية ككل مش بالكارتيرة

[thegoodhacker]

مشكوووووووووور علي التوضيح ........بس معلش عندي سؤال تاني : لو تم تغيير الكارتيرة هل يمكن اعادة و ضع نمرة الشاسيه علي الكارتيرة الجديدة ؟

[NaderNabil]

دايما بسأل نفسي السؤال ده و مش لاقي حد يجوبني عليه...:)

[aymanassem]

يظهر ان انا كنت مغلي شوية في السعر .. ناس كتيير شافو العربية و مفيش حد شافها غير ما شكر فيها .. المهم .. انها حتى الآن ماجبتشي السعر اللي أنا عايزة ..
سعر نهائي 17000

[zezo13178]

مشكوووووووووور علي التوضيح ........بس معلش عندي سؤال تاني : لو تم تغيير الكارتيرة هل يمكن اعادة و ضع نمرة الشاسيه علي الكارتيرة الجديدة ؟

هوه ممكن طبعا بس ده ممنوع قانونا عشان كده رقم الشاسيه بيتدق علي القايم
عموما مفيش 127 مش راشه الكارتيرتين حتي لو فابريكا بره وجوه
انت منين من العباسيه يا ايمن