طلب تثمين سيارة لانوس

[bshndi]

السلام عليكم ورحمة الله وبركاته
إخواني أريد من حضراتك إبداء النصيحة في تثمين سيارة لانوس لأحد الزملاء يقوم ببيعها
وهي
1-ماركة السيارة: دايو لانوس
2-الموديل/السنة2001
3-عدد الكيلومترات: موش فاكر
4- نوع ناقل الحركة ( مانيوال -)
5-لون السيارة : كحلي
6-الكماليات (كاسيت يوجد -تكييف لايوجد -زجاج كهرباء : يوجد -باور : لايوجد)
7-حالة الصاج او الخوارج ( فابريكة )
8-حالة الدواخل (مش راشه حاجة)
9-حالة الصالون (-جيد جدا )
10-الحالة العامة او التقييم العام للسيارة (- ممتاز-)
11-حالة البطارية: جديدة جافة
12-حالة الكاوتش أربع جنوط جداد وأربع فرد أندونيسي جداد )
13-السعر المبد ئي كام (هو بيتكلم في 42 وأنا شايف إن ده كتير )
14-اسم صاحب الاعلان ورقم هاتفة: الإتصال عبر المنتدي
15-تاريخ انتهاء الرخصة؟ فاضل فيها سنة
16-اول يد - ( والإستخدام داخل الإسماعيلية فقط )
17-حالة الموتور (جيدة جداً )
أرجو إبداء النصيحة الصادقة في ثمن البيع المعروض ، موش أنا إلي هاشتري منه لكن أحد الزملاء مختلف معاه علي السعر فقولنها نشوف الآراء إيه
إحترامات

[ahmdmagdy]

العربيه تعمل من 38 الي 40 ألف

[mohamedrabia]

ازاي مفهاش تكييف ولا باور وبعدين لازم تحدد عدد الكيلو متر علشان بيفرق في السعر وهل فعلا فبريكة بالخارج بالرغم من انها من 2001 لو كده فعلا مش كتير عليها السعر من 40000 شغال وحاول معاه
وربنا يكرمك بس خد بالك من الرشاشات العربية بدور بسرعة ولا لا العتب علشان العربية واطية الفرامل علشان فرامل الدايو مش جامده اوووي واخيرا خد بالك من البلي للعجل وربنا يكرمك

[Mostafa.Mahran]

وعربية زى دى تركبها ليه من غير تكييف ولا باور؟

[JAM]

العربية دى تقريبآ من دفعة العربيات اللى كانت نازلة للضباط بتوع الجيش

[شارلي شابلن]

العربية دي مع احترامي لكل الأراء لايزيد سعرها بأي حال من الاحوال عن 37000 ودي وجهة نظري

[mexmarine]

لا يتم التقييم بدون معرفة عدد الكيلوات و يتم خصم مبلغ تركيب باور و تكييف من سعرها فى السوق

[engahmedsamy]

final 40000

[abadawy]

final 40000

بارك الله لك فيها

[ahmedelzeeny]

يا باشا 40 الف دى لما تكون حالتها ممتازة والعاديه اللى بتكييف
انا رأيى متدفعش فيها اكتر من 36 علشان هتبقى متعبه فى اعاده البيع بسبب التكييف

[MAHMAHMOUD]

عمرى ما شوفت لانوس من غير تكييف او باور اتاكد من صاحبها
عالعموم 40000 كويس بس بالتكييف والباور

[ahmedhilmy]

لو حالة العربية كويسة اوي بوضعها ده بدون تكييف او باور هتكون في حدود 36000 و ده بشرط ان العربية ميكنش فيها اي مشاكل و موفقين البائع و المشتري

[gabarocky]

لا تساوى اكتر من 35000

[bshndi]

السلام عليكم ورحمة الله وبركاته
ألف شكر لكل من شارك بالرأي أو من حدد لنا السعر وما يجب أن يؤخذ في الحسبان أيضاًَ عند البيع ز
الحمد لله العربية إتباعت لواحد في الإسماعيلية 38 ألف والحمد لله ، العربية مش معروضه عليا وأنا ماكنتش عارضها للبيع أنا باخد رأي كل الإخوة في المنتدي (ولا خاب من إستشار) .
ألف شكر ألف شكر مجدداً وتقبلوا إحتراماتي

[mohamedrefaay]

ربنا يبارك للمشترى