.::سيارتي ال127 للبيع::.

[NaderNabil]

فيات 127

موديل أغسطس82

أول يد من الزيرو..كانت سيارة والدي و بعدين اخدتها....مرفوعة 8 سنين(سفر بالخارج)...استعمال شخصي (أنا و والدي فقط...و أغلبية الوقت لوحدينا فيها)

مركونة بالجراج طول عمرها ماعدا أخر سنة نظرا لمجئ سيارة والدي

الاستبن الاصلي....و شنطة العدة الأصلية....و الكتالوجات الأصلية

فابريكة بالكامل...ماعدا الكرتيرات (للبارومة)..و للامانة الكبوت متغير ...دهان خارجي حديث اول مرة...للنظافة فقط

نصف عمرة + اسطوانة و ديسك و بلية (انجليزي) من 10000 كيلومتر...الموتور حالته رائعة... بمون بنزين 92 علطول

شكمان ايطالي كامل...جبناه من ألمانيا مخصوص

عفشة امامية جديدة ايطالي أصلي...مساعدين Monroe في الضمان

ردياتير نحاس جديد و بستعمل مياه خضراء

بطارية جديدة في الضمان

[
صالون الفابريكة ... بالفرش الجلد الاصلي+ كسوة....و السقف تم تنجيده حديثا

كاسيت JVC و سماعات pioneer أصلي
سنترلوك و انذار ب2 ريموت

جنوط سبور الماني بكاوتش Hankookعامل 25000كم الجنوط و الكاوتش الاصلي موجودين

معاها طقم فوانيس خلفي بالفبر الأصلي و بعض الباكيتات الجانبية و شبكة و مرايات و قطع الغيار وارد ألمانيا

رخصة حتي 10-2009

السعر المطلوب 19500جم

يا جماعة ياريت اللي مهتم بيها يبعتلي علي الخاص أو يكلمني عشان نحدد المقابلة و كده...أنا ساكن في حلوان

تليفوني: 0101228745

فيه صور تاني بس انا داخل dialup...

[cpt_shawky]

فى زميلة ممكن تدفع 10 وقسط 400 ايه رايك ؟

[NaderNabil]

أنا اسف يا محمد باشا....محتاج كاش عشان هجيب جديد ان شاء الله:)

[NaderNabil]

الصور (تصوير اليوم)







أرجو حد من الإدارة يصغرهم شوية...عشان مش عارف ازاي

[aminkhalil]

هل السعر المذكور نهائي أم أن هناك هامش للتفاوض؟

[NaderNabil]

اتفضل حضرتك في أي وقت تعالي اتفرج عليها و بعدين احكم العربية تستاهل ولا لأ....انا تحت امرك في أي حاجة:)

[aminkhalil]

أنا كنت في حلوان اليوم أبحث مع صديق عن سيارة فيورا و هو امكانياته في حدود 17 ألف جنيه، عشان كده كنت بأسأل عن أمكانية التفاوض في السعر

[NaderNabil]

أنا أسف يا أستاذ أمين...السعر ده قليل قوي...و أقل من اللي جالي فيها لحد دلوقتي

[aminkhalil]

ربنا يبارك لك فيها وعموما هأبلغه بكره وإن كان مهتم هأتصل بحضرتك علشان يشوفها

[NaderNabil]

و أنا تحت أمرك يا أستاذ أمين.... و موجود طول اليوم ان شاء الله :)

[mikology]

انا من حلوان قولى اقابلك فين عشان اخد فكره على الطبيعه - راسلنى على الخاص

[NaderNabil]

تم البيع الحمد لله....

برجاء غلق الموضوع

[SS]

اولا الف مبروك و عقبال ماتشترى الجديدة ؛ ممكن لو مفيهاش تطفل تقول انت بعت بكام عشان انا بدور ع واحدة بس بلاقى اختلاف كبير فا اسعارها انا عارف ان الحالة بتفرق بس انا بصراحة ما بقتش عارف هى تعمل كام بالظبط ..و لك جزيل الشكر

[NaderNabil]

بص يا باشا...ال127 بيبدأ من 11000 لو حالتها ماتتركبش و توصل معاك لحد 20000 لوحالة A1

لكن انا في لرأيي عموما ال127 المفروض ماتعديش ال19000 عشلن هيه ديه قيمتها...

أنا بعت ب 18500 عشان العربية حالتها نادرة جدا و كان ممكن تجيب اكتر بس عشان رقم الكارتيرة كان متشال و معمول علي القايم..

ربنا يوفقك في شراء واحدة كويسة ان شاء الله

[hamadaalo2002]

استاذ نادر انا عارف ان المووضوع قديم بس معلش ممكن سؤال
من خبرة حضرتكشايف انيو افضل هيا ولا الفيورا؟؟؟