انا معايا 40 الف و عايز اجيب جولف 2 او بي ام قديمة و ازبطها واحدة فيهم يعني.... مش عارف هينفع و الفلوس هتكفي ولا انا بحلم ؟؟ عايز اسقط مكنة سواء في الجولف او البي ام و عايز اركب جنط جامد و عايز ارش العربية و عايز اركب عفشة رياضية و عايز اركب عدة صوت و ارفع البابين و اعمل الصالون رياضي كامل... يا ترى في حد هنا يخدمني و يتبنى الفكرة دي و يساعدني ؟؟ ياريت اعرف لو حد عمل كدة التكلفة كام و لو اي نمرة موبايل يبقى الموضوع اسهل ليا و ليه.....
X
-
لا طبعا جولف مش باربعين...انا بقول انا معايا 40 و عايز اجيب جولف او بي ام و ازبطها ... جولف موديل 85 او اي موديل المهم تكون 2 و تكون نضيفة او بي ام موديل 81 يعني من الاخر يا رجالة عايز عربية ب 20 -24 الف بالكتير اوي عشان اعرف اصرف عليها و مش مهم الاوبشن يا مان عشان انا عايز اغيرها تماما انا يهمني الشاسيه و تكون نضيفة صاج طبعا.... ياريت حد باة يفهمني اقدر اعمل ايه و بكام و كدة
Comment
-
سيبك من الجولف و بى ام و ادخل على ابيزا اوروبى بتنزل من غير تكييف و اوبشنز و هتبقى كموديل عالى شويه 94 و سقط لها ماكينه جولف لان ماكينتها المانى يعنى رسمى فهمى نظمى و بيظهر فيها الشغل اوى سبويلرات و جنوط و افلام و ممكن تعمل لها 25 لو موتورها تعبان و ده المطلوب و بالنسبه للتعديل ادخل لقسم الخاص بكده و هتلاقى كل حاجه بس اهم حاجه تمسك لك عربيه حلوه الاول[COLOR="Blue"][CENTER]ربى لا إله إلا أنت سبحانك إنى كُنت مِن الظالمين[/CENTER][/COLOR][CENTER]أخوكم / محمد عبد السلام[/CENTER]
Comment
-
السلام عليكم ورحمة الله وبركاته
بص هقولك
انا عديت بالمراحل بتاعتك دى من شهر 1 لغاية دلوقتى
بص اولا الاسعار دلوقتى اعلى من شهرين فاتوا ب 5 ل 7 الاف جنيه
يعنى العربيه اللى اى كلام دلوقتى بيحطلها سعر العربيه الفابريكه من شهرين
كنت ف السوق و بشوف جولف 2 و مغيره حوض كامل او مغيره لون او رش جوا من 28 ل 35 يعنى حاجه عبيطه كده
1- البى ام عربيه جامده و كل حاجه بس لو انت معاك فلوس كتير هى غول بنزين و قطع غيار غاليه
2 -الابيزا العفشه بتاعتها و الموتور جولف 2 و ده كلام اصحابها حتى قطع غيارها كانوا بيجيبواها جولف 2
-3 الجولف 2 دى مفيش غبار عليها المانى و ثبات و قطع غيار و وفير بنزين بس فى حاجه
انت لو جبتلها جنوط عريضه بيبهدل العفشه و اى عربيه كده برضه
انا جبتها اول امبارح على 30 و دى كان من شهرين اجيبها ب 25000
المعروف ان الجولف 2 قطع غيار منتشره جدا و اسعارها معقوله ولو ا ن انا عامل توبيك
عاوز قطع الغيار دى
الشغل اللى انت بتتكلم عليه هيدخل ف 10000 او اكتر
انت ممكن تعل طقم صوت من 2000 ل 7000 الكويس ب 4000
اهم حاجه هتجيب عربيه لازم لازم اساسياتها سليمه انا من شهر 1 بدور على عربيه اساسها سليم و مش باقى غير كذا واحده كده
ده اللى اعرفه و الله اعلى و اعلم
ربنا يوفقك يارب
[CENTER][B][SIZE=3]мσα'ттαz мσнαммє∂ [SIZE=1]m[/SIZE]
[/SIZE][/B][/CENTER]
Comment
-
انا مش عارف اقولك ايه يا باشا على ردك الرائع دة.... بجد الف شكر و ربنا يباركلك فيها و عقبالي انشاءالله
بص باة يا باشا انا ليا رأي كدة.... انا لسة شايف جولف 2 امبارح مع واحد في اسكندرية هنا موديل 88 جي تي اي يعني باب واحد و فتحة سقف و فيها مكنة 1800 بي بي الفابريكة او هو شاريها كدة معرفش بس مكنة ماشاءالله روعة و تكييف و باور و انجكشن و فيها بجد كل حاجة + دواخل فابريكة و من برة مفهاش ولا شغل سمكرة و فرش نضيف اوي و كاسيت و 4 سمعات و جي ام و جنط سبور 14 كاوتش عريض العربية بجد مفهاش حاجة و صاحبها عايز فيها 30 الف و اول كلام دة يعني ممكن تخلص 26 او 27 مستريح اوي اعتقد باة لما اشوف واحدة 1300 موديل 85 يبقى اخرها 22 او 23 بالكتير صح ولا ايه ؟؟ عموما اديني مستني رد صاحب العربية فيها عشان انا اخري 25 و ربنا يسهل انشاءالله... متشكر اوي مرة تانية يا بوب
Comment

Comment