جولف 2 للبيع حالة شاذة

[Jaba]

السيارة موديل 89. موتور جولف 3 موديل 97
2000cc, 117hp
كوبيه, مانيوال, فابريكة
باور, تكييف, مرايات وزجاج كهرباء
السعر قابل للتفاوض و البيع لظروف

[Jaba]

مطلوب 52000 جنيه والسعر قابل للتفاوض

[د-احمد عبد اللطيف]

هو يعني ما ينفعش تقول عليها ممتازه بدل شاذه دي
و هل هي شاذه يعني بتمشي بالهوا مثلا وللا زيها زي كل السيارات المنتجه من نفس المصنع وللا هما عملوها وراحوا قافليين المصنع بعد كده

[Jaba]

ماشي يا سيدي ... حالة ممتازة

[Mr.Tarek]

يا اخ a0abde01
انت لية بس متضايق من Jaba و هو بيقول علي العربية حالة شازة دي بس لفظ دارج ,يعني بيحب عربيتة زينا كلنا اكيد انت برضة بتحب عربيتك.
وكمان شكلك يا Jaba واخد بالك منها اوي ما شاء الله موتور شديد من 1300 الي 2000 ربنا يباركلك فيها.
وبعدين هيا اية اخبار الجنوط و الفرش.

[د-احمد عبد اللطيف]

يا أخي المثل البلدي بيقول الملافظ سعد
يعني انا بحب ابني اقوم اقول عليه شاذ يعني والعياذ بالله
لفظ شاذ يا أخي لفظ منفر و لفظ يجب ان يقترن بالقبح وليس التميز ويجب على كل انسان ان يحسن اختيار الفاظه حتى لو كان هذا اللفظ اصبح دارج فهذا امر يجب ان لا نتبعه بدون تفكير.
مش كده وللا ايه

[Xpert]

ماتسيبوا الراجل يبيع عربيته .. انتوا بتدققوا في الكلام ليه... لفظ شاذ متعارف عليه في العرف التجاري و المقصود بيه الحاله كما تم الذكر في العنوان ..
jaba .. السعر كتير قوي و ياريت لو صور
ثانك يو ...

[tofii]

أنتوا سايبين الدنيا خربانه وبنتكلم على كلمة شاذ طيب ما نحل مشكلة فلسطين ولا الغلاولا الكلام الى أتنشر عن الرسول الكريم نرد الول على كل ده وبعدين ندقق على بعض وشكراً

[tofii]

انا عايز أشترى جين 2 ياريت تكون كسر الزيرو أخرها 10000 كم يرجى الرد