اخسر فيها كام؟؟

[araberphilosoph]

سلام عليكم
اذيكم يا شباب واحشني مووت والله

المهم يا شباب اني ان شاء الله خالع من البلد دي قريب اوي يعني بعد شهر ولا شهرين بكتيره ان شاء الله وعشان كده عايز ابيع زوبه بس المشكله ان الوقت هيبقى ضيق مووت يعني من الاخر عايز لما اقف ابيعها تتباع وقتي لاني مش هاقدر اسيب شغلي اكتر من اسبوع
فعايز اعرف رايكم ايه هو السعر اللي يعتبره اي حد ميتسابش
العربيه
skoda favorit 1994
دواخل فابريقه
وايضا الخوارج ماعدا الباب
كاوتش جديد
عامله 250 الف عشان ظروف شغلي (كنت شاريها من 5 شهور عامله 150)
عفشه ممتازه (بس محتاجه ممكن تغير المقص الشمال)
حاله الموتور جيده 75% (بس يغير طقم شنابر)
سماعات سوني جامده مووت
البيع بتوكيل او ترخيص مش فارقه
حمراء اللون
فرش اصلي

انا كنت جايبها ب 25000
تفتكروا لما احتاج ابيعها بسرعه اخسر فيها كام
السعر اللي هو الخرافي
شكرا لنصائحكم مقدما

[furp]

يعني ممكن تقول 24 الف تقريبا

[araberphilosoph]

طب انا عارضها ب 22500 تفتكر هاعرف الاقي زبون بسرعه

[furp]

معلش يابشا انا نسيت اقولك اني ماخدتش بالي انها محتاجه طقم شمبر

ودي طبعا مشكله لان اي حد هيقولك انا كده هفتح الموتور ويالعالم كمان فيها ايه فمش عارف

هقولك علي حاجه لو انته ناوي علي عشرين الف
رد عليا وابعتلي صورتها علي الاميل ولو انته موافق وانا ارتحت ليها نفسيا اجي اعاين واتفرج عليها وإن شاء الله خير

[SEATLOVER]

معلش يا فيلسوف (خالع) من البلد دى مش حلوة يعنى ... راعى مشاعيرنا عشان احنا فيها .... يبختك هههه

بص يا سيدى لو عايز (تخلع بسرعة ) 18 الف ج تمام اوى
ربنا معاك

[araberphilosoph]

طيب يا باشا هابعتلك صوررتهاوهتشوفها بس 20 بعيده حبه
seat lover
]دي الفيورا راشه خوارج ودواخل ب 17000 يبقي 18 لا قليل

[furp]

ماشي ياجميل
إن شاء الله خير

الاميل بتاعي en_m_abedo@yahoo.com
وربنا يوفقك للخير

[SEATLOVER]

دي الفيورا راشه خوارج ودواخل ب 17000 يبقي 18 لا قليل

يا باشا انا نفسى تجبلك إن شاء الله 27 بس فى حاجات عندك و سؤالك بيقول
(عشان ابيع بسرعة ..تخسرنى كام ؟) ..فية شوية حاجات عندك
-عربية مش كل واحد عارفها ..يعنى مش واخدة حقها ..يعنى بيعها تقيل شوية
-ايوة الناس تعرف و بتحب ال 127 عنها ..دة للآسف السوق كدة
-رشة برة كلها .. ما عدا الباب (غريبة شوية !)
- عفشه ممتازه (بس محتاجه ممكن تغير المقص الشمال)
-طقم شنبر
250 الف كم (رقم كبير)
--------- دواعى السفر

تفتكروا لما احتاج ابيعها بسرعه اخسر فيها كام
السعر اللي هو الخرافي

و هو دة اللى انا قلتة (الخرافى)...يعنى من الاخر ..بدل ما يبقى ماعندكش وقت قبل السفر ..و خلى بالك ممكن
20 و 22 تجيبلك ناس يتفرجوا بس ويضيعوا عليك الوقت اللى هتاخدة فى بيعها

انا لا اقصد التقليل من عربيتك بالعكس انا بحترم العربية دى جداً و قلتلك مش واخدة حقها
بس انا بساعدك فقط .. ربنا يوفقك يارب فى البيع و فى السفرية .

[Karim_Monir]

يا ريت قبل ما تنفذ بيع تبلغني
وتقوللي اخرك فيها كام
لاني ببيع عربية اخويا الكانشيل وبفكر اكبرهالة شوية
ولو كان كد اخدها منك بس اشوفها طبعا وتقوللي السعر النهائي ان شاء الله
وكمان يا ريت لو عندك صورة ليها جوة وبرة عشان اعرف الحالة العامة
انا موبايلي
0101263030
وايميلي
k_monir2005@yahoo.com
عشان تبعت علية الصور

[Xpert]

او ممكن ماتبعتش لحد صور
.
.
.
.
.
.
.
.
.و ترفعها هنا علشان كله يشوفها :d

[habdelbar]

صديقى العزيز فيلسوف العرب
بقالنا فترة كبيرة ما اتكلمناش، ربنا يوفقك ويكرمك فى بيع عربيتك وفى السفر وكده ان شاء الله بس يا ريت ما تبقاش تنسانا وتبقى تدخل هنا على الموقع وتسلم علينا:)
انا اسف ان ردى مالهوش اى علاقة بالموضوع بس حبيت بس اسلم عليك:)
وعلى العموم انا ابن خالتى كان بيدور على عربية هاقوله عليها برضو.
ربنا يوفقك ويكرمك:)

هشام

[araberphilosoph]

اذيكم يا شباب

العربيه يا seat lover خوارج فابريق ما عدا الباب مش العكس
انا باحاول اخش دايما بسموضوع تغيير السيرفر ده ملخبط اوي
يا استاذكريم انا ريحت دماغي وغيرت ليها طقم الشمابر وظبط اللي كان فيها بالعفشه كمان
السعر النهائي ان شاء الله 22500 ووالله لو شفتها هتعجبك مووت
اانا ان شاء الله مسافر المانيا وحماي الله يكرمه هييهديني ياريس 2003 هاتش باك عشان ولي العهد اللي جاي ان شاء الله
شكرا يا استاذ hadbalder
بس وااله كنت مشغول جدا

[furp]

اخي العزيز

حضرتك اتكلمت عن العربيه وبعدين قولتلك ابعت الصوره

وحضرتك مسالتش بعد كده

ياريت رقم التليفون ومكان المعاينه وربنا يجعل الخير فيها إن شاء الله

وياريت متغيبش علينا قوي كده في الرد

[araberphilosoph]

اسف يا جماعه بس موضوع السيرفر ده ملخبطني مووت
\دايما باخش على السيرفر القديم

بس اول ماظبط هابعتها
معلش
\

[crazylambada]

ازاي الناس بتفضل 127 عنها مش فاهم
هي فين و 127 فين
على العموم حضرتك العربية دي متتباعش اقل من 25 الف جنيه لو عاوز ممكن اديلك نمرة وسيط تجاري هو اللي يبعهالك