محتاج رأى الخبراء

[solycar]

معروض علي لانوس 2005 كاملة لا يوجد بها اى خدش فابريكة بالكامل

فى كشطق فى الرفرف الامامى الايمن(كان حمادة بيركن و مشفش العمود)

كان طالب 58 الف ووصلت معاة ل 57 بالعافية

كتير ولا

ياريت ترودوا بسرعة من فضلكم

شكرا

[fahd_628]

عاملة كام الف كم ؟

[solycar]

مش فاكر بالضبط
هى حاجة و عشرين بس العربية عموما ما شاء الله مافيش فيها اى حاجة

[ابو سيف]

تقريبا 2008 زيرو بتتباع تكيف و باور و كاسيت بحوالي 64 على ما اذكر ان مكنش السعر زاد

لو الاخوة اكدولك صحة السعر دة يبقا طبعا تزود شويه و تجيبها زيرو حتى لو هتقسط ال 7 الالف الفرق لو ظروفك تسمح بكدة

[kemoelord]

السلام عليكم :_ طبعا لانوس 2005 عربيه كويسه جدا بس انا شايف ان سعرها غالي شوي لان انا لسه نازل "" ســـــــوق السيارات "" الجمعه الي فاتت ولفيت كتير جدا شوفت لانوس كتير جدا بموديلات مختلفه وكان اخر سعر لانوس سمعت عنه تقريبا 2004 او 2005 كان عاملة بين53 و 55 الف لكن عمري ما سمعت لانوس بالسعر ده للاسف يعني مثلا من ضمن السيارات الي انا شوفتها وسيارات بعتبرها افضل من اللانوس هي :_
1 - كيا اسبكترا 2005 كانت بــــ 55 الف
2- لانسر 2002 كانت بــــ 60 الف وكان ممكن ينزل في سعرها كمان **

[solycar]

الف شكر ليكو كلوكوا
انا بس عاوز اقول ان كنت مقتنع ان السعر عالى
بس الناس هنا هى اللى اقنعتنى ان السعر كدة عادى

كان فى واحد هنا فى المنتدى لانوس 2004 كاملة رشة الجنب الشمال كلو و طالب 55
يبقى عربية زى المعروضة عليا دى تحفة 2 الف زيادة و دهان المصنع ولا اية ؟؟؟؟؟؟؟؟؟؟؟

[Karim_Monir]

وفي واحد معانا في المنتدي عارض كيا ريو 2003 كوري فول اوبشن 1500 ماشية 54 الف كم
عايز فيها 49 وممكن تنزل حبة
وعربية سليمة قوي
ممكن تسالة عنها هيا في البيع والشراء

[solycar]

وفي واحد معانا في المنتدي عارض كيا ريو 2003 كوري فول اوبشن 1500 ماشية 54 الف كم
عايز فيها 49 وممكن تنزل حبة
وعربية سليمة قوي
ممكن تسالة عنها هيا في البيع والشراء

اية يا عم كريم

هو انا ناقص حيرة

انا شايف ان اللانوس احسن بالنسبالى ...............او بمعنى اوضح الريو مجهولة بالنسبالى
يبقى احسن اجيب حاجة اعرفها
ولا ايييية ؟؟؟؟؟

[solycar]

-ماركة السيارة : كيا ريو
2-الموديل/السنة :2003
3-عدد الكيلومترات:54700
4-الكماليات: (كاسيت-تكييف-زجاج كهرباء-باور-سنتر)
5-حالة الصاج او الخوارج (رشه بالكامل ماعدا السقف)
6-حالة الدواخل (فابريكا)
7-حالة الصالون (ممتاز)
8-حالة الكاوتش (جديد من 3اسابيع)
9-حالة البطارية(جيدة)
10-مكان المعاينة(مدينة نصر)
11-السعر المبدئي كام 49 الف
12-اسم صاحب الاعلان ورقم هاتفة محمد 0102410490
13-تاريخ انتهاء الرخصة؟2010/4/29
14-اول يد او ثاني او ثالث الخ الخ ثانى يد
15-امكانية البيع بتوكيل او اشتراط التسجيل: توكيل
16-حالة الموتور جيد جدا

[solycar]

-حالة الصاج او الخوارج (رشه بالكامل ماعدا السقف):D:D:D:D:D
لا تعليق

[dragonsmith]

-حالة الصاج او الخوارج (رشه بالكامل ماعدا السقف):D:D:D:D:D
لا تعليق

السلام عليكم،

أنا شايف دي حاجة عادية جدا في بلدنا. الحوادث شىء عادي جدا بس المهم التصليح يكون كويس.
غير كده حتى لو مفيش حوادث كفاية الخرابيش اللي الواحد بيبتلى بيها كل يوم و الفوط الزفرة من السياس و غيره كتير :D أنا لو عندي عربية موديل 2003 أكيد كان زمانها اترشت نظافة و من زمان كمان :)

و على فكرة كمان كويس اوي ان صاحب العربية امين و قايل انها مرشوشة :)
شكرا.

[solycar]

السلام عليكم،

أنا شايف دي حاجة عادية جدا في بلدنا. الحوادث شىء عادي جدا بس المهم التصليح يكون كويس.
غير كده حتى لو مفيش حوادث كفاية الخرابيش اللي الواحد بيبتلى بيها كل يوم و الفوط الزفرة من السياس و غيره كتير :D أنا لو عندي عربية موديل 2003 أكيد كان زمانها اترشت نظافة و من زمان كمان :)

و على فكرة كمان كويس اوي ان صاحب العربية امين و قايل انها مرشوشة :)
شكرا.

كلامك مظبوط 100%
بس انا بدور على حاجة نظيفة و متعملش فيها اى حاجة خالص

كل الناس بتقولى انى بدور على ابرة فى كوم قش

ولو لاقيتها ممكن متكونش للبيع

او مش بالسعر المناسب او مش الانواع اللى فى بالى :D:D ربنا يصبرنى ويصبرنا كلنا

[dragonsmith]

ربنا هيكرمك بحاجة كويسة ان شاء الله

[mohammed magdy]

-حالة الصاج او الخوارج (رشه بالكامل ماعدا السقف):D:D:D:D:D
لا تعليق

يا باشا اتحداك لما تشوف العربية انك تقول انها رشا غير الاقصدام الامامى
لان فعلا العربية مفيهاش اي حاجة
وانا لما عرضة العربية على الموقع لازم اكون صريح جدآ معاكم مش عشان اي حاجة غير ان الاستاذ/كريم سراج صحبي ومينفعش انى اقول غير الصراحة

[solycar]

يا باشا اتحداك لما تشوف العربية انك تقول انها رشا غير الاقصدام الامامى
لان فعلا العربية مفيهاش اي حاجة
وانا لما عرضة العربية على الموقع لازم اكون صريح جدآ معاكم مش عشان اي حاجة غير ان الاستاذ/كريم سراج صحبي ومينفعش انى اقول غير الصراحة

صباح الخير يا باشا
شكلك مش مبسوط منى
الموضوع ببساطة انى حبيت افهمه انى عاوز حاجة مترشتش خالص
و دة مش معناة ان عربينك وحشة ولا حاجة............بس تقدر تقول وسوسة

وقبل كل دة انا بهنيك على امنتك الى اصبحت صفة نادرة حاليا
بالنسبة بقى لموضوع انى مش هعرف انها رشة...........انا على استعداد انى اشوفها وسط 50 عربية 25 راشين و 25 مش راشيين
وبما انك تتحدانى لو قلت انها رشة هاخدها منك ب 40 الف:p:D:D:p

بس قولى انت بتحكم ازاى على العربية اذا كانت رشة ولا لا عشان لو فاهم غلط اديك درس ببلاش;)
وانا اسف لو كلامى دايقك فى الاول