محتاج نصيحه ضرورى

[ahmedmok]

محتاج رايكم جدا فى ا لهيونداى اكسيل انا شايف ناس كتير بتشكر فيها انا كان معايا دايو لانوس و بعتها لظروف و دلوقتى بدور على عربيه فى حدود 35000 و شايف ان المبلغ ده ممكن يجيب هيونداى اكسيل سليمه و حالتها ممتازه. بس انا مش عارف ايه نظام العربيه دى . محتاج رايكم جدا و عندى كام سؤال

1/ هل كل الاكسيل انجيكشن ؟؟ و لا فيه كاربيراتير ؟؟ و هل 1500 cc كله انجيكشن؟؟ و 1300cc كاربيراتير؟؟

2/ هل قطع الغيار متوفره ؟؟؟ و اسعارها ايه؟؟؟

3/ اخبار نعومه و سحب العربيه ايه ؟؟؟ هل هناك فرق كبير بينها و بين الانوس؟؟

4/ اخبار الصيانه و التصليح ايه ؟؟؟

5/ مطلوبه فى السوق ولا حدوخ لو قررت ابيعها ؟؟

[ahmedmok]

ياريت اللى عنده معلومه ما يبخلش عليا بها و شكرا مقدما

[beshomilan]

حضراتكم شوفوا الموضوع ده وان شاء الله هتلاقوا فيه كل حاجة

http://www.nilemotors.net/Nile/200679-96.html

واجابتى لاسئلة حضرتك على السريع كده
1-انا عندى اكسيل 1500 كربراتير
2-وقطع الغيار فنفس اسعار ال 128 ودى حقيقة فعلا..والاسعار هتلاقيها فالموضوع
3-العربية ممتازة كنعومة وكسحب جيده جدا (وده مع بنزين 80) فحضرتك تخيل لو 90 هتكون عاملة ازاى واللانوس لو موديل حديث هتكون ممتازة انما لو قبل كده هتتساوى مع الاكسيل او يمكن اعلى حاجة بسيطة جدا
4-اى ميكانيكى بيعرف فى الاكسيل وكلها شهر وهتكون ميكانيكى ممتاز فيها جدا وصيانتها سهلة جدا وقطع غيارها الاصلية موجوده فى السوق كتير جدا واسعار ممتازة جدا..ومن الاخر لما يكون فيها حاجة هتروح لميكانيكى وانت مش شايل هم فلوس ابدا
5-مطلوبة جدا وهتتباع هوا لو قررت وهتلاقى ناس وانت ماشى تقولك بايع!!!..وعلى فكرة لو جبتها مش هتفكر تغيرها ابدا وابقى افتكر كلامى
وكل كلامى ده عن تجارب ووجهة نظر ليا طبعا
وربنا يوفقك للخير وللاحسن

[M.FOUAD]

الاكسيل كل الموجود كاربراتير فية انجيكشن بس خليجي و كل المواتير الاستيراد انجيكشن و كل ال 1300 كاربراتير
العربية قطع غيارها رخيصة و موجودة في كل حتة و ارخص كثير من الانوس
العربية كسحب جراية عن الانوس بس الانوس ثابتة عنها كثير النعومة مش هتحس بفرق كبير الفرق بينهم هو التقفيل لفرق الموديل بس في التابلوة و الشكل الخارجي
بس السعر اللي معاك ممكن يجيبلك اكسنت كمان 1300 موديل 99-2000 و هيبقى موديل اعلى من الاكسيل شوية تبقى احسن لو مش فارق معاك الكمالييات
موضوع الصيانة و اعادة البع سهلة جدا جدا و مطلوبة و كل الميكانيكة بيفهموا فيها

[tarekmomo]

والتمن دة يجيب بردو لحضرتك لانوس 1

[ahmed88hassan]

انا انصحك بالـ فيات تمبرا
احسن من الأكسيل في كل حاجة

[ahmedmok]

والتمن دة يجيب بردو لحضرتك لانوس 1

طب هى فين و انا اجيبها من بكره

[slimbig]

تعليق صغير على الإكسيل هوا انا مبدئيا شايفها عمليه و معقوله بس فيها عيبين معروفين كويس هما الصاج بتاعها خفيف جدا و العفشه بتاعتها مش قد كده (بتعوم بسهوله), أعرف واحد صاحبي بيجيب حاجتها من التوكيل (بغض النظر عن تمنها) بتعيش معاه كتير قوي ماشاء الله مش زي حاجات الفيات و كده, معلومه سمعتها عنها كمان إن احسن مساعدين ليها الكوني مش الستوك و عالعموم هيا عربيه عمليه ده رأيي و الي اعرفو عنها

[epnmasr]

حضراتكم شوفوا الموضوع ده وان شاء الله هتلاقوا فيه كل حاجة
http://www.nilemotors.net/Nile/200679-96.html

واجابتى لاسئلة حضرتك على السريع كده
1-انا عندى اكسيل 1500 كربراتير
2-وقطع الغيار فنفس اسعار ال 128 ودى حقيقة فعلا..والاسعار هتلاقيها فالموضوع
3-العربية ممتازة كنعومة وكسحب جيده جدا (وده مع بنزين 80) فحضرتك تخيل لو 90 هتكون عاملة ازاى واللانوس لو موديل حديث هتكون ممتازة انما لو قبل كده هتتساوى مع الاكسيل او يمكن اعلى حاجة بسيطة جدا
4-اى ميكانيكى بيعرف فى الاكسيل وكلها شهر وهتكون ميكانيكى ممتاز فيها جدا وصيانتها سهلة جدا وقطع غيارها الاصلية موجوده فى السوق كتير جدا واسعار ممتازة جدا..ومن الاخر لما يكون فيها حاجة هتروح لميكانيكى وانت مش شايل هم فلوس ابدا
5-مطلوبة جدا وهتتباع هوا لو قررت وهتلاقى ناس وانت ماشى تقولك بايع!!!..وعلى فكرة لو جبتها مش هتفكر تغيرها ابدا وابقى افتكر كلامى
وكل كلامى ده عن تجارب ووجهة نظر ليا طبعا
وربنا يوفقك للخير وللاحسن

صح 100% عن تجربه

[a7medsh3rawi]

انا معايا اكسيل 96 وشايف انها منتشرة في مصر والناس بتشكر فيها .