نقل ملكيه السياره

[akramtiti]

السلام عليكم ورحمته وبركاته
انا عندي سياره عارضتها للبيع والحمد لله جلها مشترى بس المشكله انا مش عارف اجراءات البيع بتم ازاي والسؤال المهم الرخصه فيها سنتين عايز اخليها باسم المشتري ايه الاجراءات ومش عايز اخش فحص وادفع فلوس ومعلش سوال اخير هي المصاريف بتبقى علي مين

[HOSSAM99]

و عليكم السلام و رحمة الله
أولا مصاريف الكشف علي السياره و التسجيل و الترخيص علي المشتري ..ما لم يتم الإتفاق علي خلاف ذلك
و حضرتك الإجراات بسيطه جدا بعد الغتفاق علي كل شئ يتم التسجيل في مكتب التوثيق بعقد مسجل للمشتري
من حق المشتري علي حضرتك الحصول علي شهادة مخالفات ..ما لم يتم الإتفاق علي خلاف ذلك

الموضوع سهل .. يكن لو هايسجل و ينقل الرخصه بأسمه يبقي هايدفع ثمن ترخيص و ضريبه من جديد

[besso33]

اخي الفاضل كل ما عليك عمله هو انك تعمل توكيل للمشتري بالبيع لنفسه وللغير فقط اي متكتبش في التوكيل التعامل مع المرور علشان ممكن تلاقي العربية بتتباع لواحد واتنين وعشرة بتوكيلات وهي لسه بأسمك والتوكيل تكلفته 15 جنيه فقط ولما المشتري يحب ينقل الملكيه لنفسه هو هيقوم بكل الاجراءات بعيدا عن حضرتك

[akramtiti]

و عليكم السلام و رحمة الله
أولا مصاريف الكشف علي السياره و التسجيل و الترخيص علي المشتري ..ما لم يتم الإتفاق علي خلاف ذلك
و حضرتك الإجراات بسيطه جدا بعد الغتفاق علي كل شئ يتم التسجيل في مكتب التوثيق بعقد مسجل للمشتري
من حق المشتري علي حضرتك الحصول علي شهادة مخالفات ..ما لم يتم الإتفاق علي خلاف ذلك

الموضوع سهل .. يكن لو هايسجل و ينقل الرخصه بأسمه يبقي هايدفع ثمن ترخيص و ضريبه من جديد

اولا جزاك الله كل خير على رد حضرتك
المشكله ان المشتري عايز يخلي الرخصه زي ماهيه عشان فيها سنتين وطبعا ده صعب عشان هتبقى مسئوليه جامده علي بعد بيع العربيه انا مستغرب ليه لازمه فحص وتجديد مادام ليسه ساريه يعني تبقى نقل ملكيه وخلاص وتكون الرخصه باسمه ومعلش الرخصه فيه ورثه بس انا معايا توكيل دي فيها مشكله معلش طولت علي حضرتك بس دي اول مره ابيع عربيه

[HOSSAM99]

يبقي حضرتك تبيع من غير ما ينقل في المرور بأسمه و تخلي المشتري يكتب لحضرتك إيصال إستلام للعربيه بالساعه و التاريخ و بيانات العربيه و كافة البيانات و يمضي برقم بطاقته
و يبقي كده من ساعة التسليم حضرتك غير مسؤل جنائيا او مدنيا عن العربيه
و بالتوفيق

[akramtiti]

جزاكم الله كل خير دعواتكم

[aslam555]

معنى كده انى لما اشترى عربيه من حد الاجراء السليم انه يعملى توكيل وشهاده مخلفات بس كده

[HOSSAM99]

معنى كده انى لما اشترى عربيه من حد الاجراء السليم انه يعملى توكيل وشهاده مخلفات بس كده

الأصل في عملية البيع إن حضرتك توثق العقد في مكتب التوثيق
أما التوكيل فممكن لحضرتك أن تتعامل به سواء بالبيع للنفس أو الغير أو الإداره كل علي حسب نوع التوكيل

أما شهادة المخالفات فهي للتأكد من دفع المخالفات الخاصه بالعربيه
و ممكن تطلب شهادة بيانات للتأكد من بيانات العربيه و إن العربيه بدون مشاكل

[زكريا عيسى]

ايه يا عمنا هو لسه فيه فى النيا حد طيب كده
لو انت بتتكلم بجد يبقى نصيحه منى اللى يشترى منك صمم على انه يعمل عقد مسجل باسمه مش توكيل زى ما زميلنا بيقول لان التوكيل ليس نافيا للمسئوليه عند وقوع حوادث لاقدر الله
المهم انت تصمم انك تعمل عقد مسجل للعربيه ومن المتفق عليه عرفا ان مصاريف العقد على المشترى لكم بما انك مش عاوز مشاكل ممكن تيجى على نفسك علشان تحل الاشكاليه دى وتشيل نص مصاريف التسجيل
طبعا هاتسأل هى مصاريف التسجيل كام
هاقولك اكتب نوع العربيه وموديلها وسنه الصنع وسعه السلندر
وتقبل شكرى

[engineer63]

نصايح تمام الله ينور يا عمنا زكريا