لادا نيفا 1987 للبيع...شبابى

[ahmedahah]

لادا نيفا سيلفر ميتالك 1987 فابريقه دواخل رشا بره .... محتاجه سمكره بسيطه الصور هتوضحها ورش رفرف يمين امامى ..فيها رخصه 4 شهور نمر جديده.... دا بالنسبه للاسسيات..

بالنسبه للتعديلات... موتور 1600 سىسى موديل 1996 6 غيار بحاله الزيرو
لتلافى مشكله السخونيه فى الادا عموما متركب ريدياتير 4 ماسوره وخراطيم جديده وطرمبه مياه تبريد جديده زيرو ....العفشه لسه معمولها عمرة كامله مفهاش اى مشكله ومتركبلها عفشه جديده عريضه وهتبان فى الصور .......بطاريه جافه اى سى ديلكو 70 امبير جديده من اسبوعين بالضمان.. جنوط اسبور شيك مش فاكر ماركتها ايه بكاوتش عريض سرعات نقشه شجرة ..اربع فرد لسه جداد... متشال منها الغرز عشان تمشى من غير مشاكل....عمرة فرامل خراطيم و سيرفو ... سنتر وريموت كنترول..طابلوه لادا 2107 وكمان الطاره الحديثه عشان شكل الطابلوه القديم عار... زجاج فاميه اسود...

بالنسبه للسعر 17000
رقم التليفون... 0178095992 والمعاينه بحدائق حلوان القاهرة.
متهيالى مش باقى غير الصور ..







العربيه شكلها احسن من كدا بكتير بس ظروف التصوير والكام مكنتش كويسه وشكرا

[mohamed9999]

ربنا يسهلك بيعها

[ahmedahah]

ابيه ياجماعه 37 مشاهده ورد واحد بس

[ahmedahah]

ربنا يسهلك بيعها

شكرا

[minicooper20]

طريقه عرض ممتازه
ربنا يوفقك

[mxz911]

ف انتظار الصور الاحسن وربنا يكرمك وياريت تقول على حالتها وموتورها ايه عموما

[ahmedahah]

طريقه عرض ممتازه
ربنا يوفقك

متشكر جدا

[ahmedahah]

ف انتظار الصور الاحسن وربنا يكرمك وياريت تقول على حالتها وموتورها ايه عموما

للاسف كاميرا موبايلى دا اخرها ...بالنسبه للحاله هى كويسه جدا والموتور بسم الله ماشاء الله معرفتش قيمته غير امبارح....لما كنت بشد فى الطالع بتاع طريق مايو كنت ماشى 130 واللى من حلوان يعرف ايه هو الطالع بتاع مايو كويس طريق مطلع قوى جدا مش اى عربيه تجرى فيه

[bil_fox]

السلام عليكم
أنا اخري بالنسبة للنيفا 13.5 لو يناسبك اجي اشفها

[ahmedsoft2]

ربنا يسهلك بيعها ....

[medododo]

صورها الصبح
الجودة هتعلى
وربنا يكرمك

[Karim_Monir]

الرخصة فيها قد ايه
يعني لسه قد ايه على الفحص مش التجديد
والرخصة باسمك ولا توكيل
وليه لاغي فتيس الغرز؟
وهل بتروح مكان تاني غير حلوان
لان لي صديق مهتم وعايز يعاينها عندي في الورشة
وطبعا التمن في كلام ان شاء الله؟

[ahmedahah]

الرخصة فيها قد ايه
يعني لسه قد ايه على الفحص مش التجديد
والرخصة باسمك ولا توكيل
وليه لاغي فتيس الغرز؟
وهل بتروح مكان تاني غير حلوان
لان لي صديق مهتم وعايز يعاينها عندي في الورشة
وطبعا التمن في كلام ان شاء الله؟

4 شهور وتجدد .. توكيل... ولاغى الغرز عشان من عيوب النيفا الشهيره الغرز اللى بيخلى العربيه خشنه والصلايب بتتكسر دايما بتاعت الغرز وملوش لازمه عامتا فى انها عربيه ملاكى بتمشى على مسفلت..وعلى فكرة اللى لاغيه صاحب العربيه الى اشتريتها منه...للاسف مقدرش اتحرك خارج دائرة حلوان....وانا تحت امرك

[ahmedahah]

السلام عليكم
أنا اخري بالنسبة للنيفا 13.5 لو يناسبك اجي اشفها

لو حضرتك يناسبك انك تصرف على عربيه لحد متقف عليك ب 20 وتبعها 13.5 انا ميناسبنيش
وانا كنت صريح من الاول ومطلبتش اكتر من السعر اللى يناسب حالتها مع انها تساوى اكتر بس انا مش متربح من الحكايه لانى مش فى دماغى اساسا وانا عندى تجارتى اللى تكسبنى اكتر الحمد لله

[bil_fox]

يابشا أسف إن كنت ضايقتك بكلامي وربنا يحليلك سوقها أنا بتكلم عن إمكانياتي أنا لااكثر