فيات سيينا 2003

[elpasha1]

انا معروض عليا فيات سيينا مو 2003 فابريكة برة وجوة 1400 سى سى
الفرش اللى جوة متبهدل حاجة بسيطة يعنى ممكن يمشى كدة او يتركب كسوة الحالة العامة جيدة جدا
اللى مخوفنى ان عداد العربية عامل 230000 كيلو علشان كدة قلقان
مطلوب 30000 جنية

اللى مجننى ان كل ما اسال حد يقول لى بلاش لية مش عارف فقلت انزل اسال على قطع الغيار لقيتها موجودة وكتير جدا وعند اكثر من واحد يعنى مفيش واحد محتكر
طيب اية سبب البعد عنها
هل فيها عيوب رغم انى كل ما اسال حد راكبها يقولى عربية ممتازة
فياريت حد يرد عليا فى الموضوع دا
شكرا

[elpasha1]

نسيت اقول ان فيها رخصة سنة ونصف

[Ahmed_ELswedy]

شوف حضرتك على حسب معلوماتى البسيطه عن الاوربى ان قطخ غيارها غاليه ومش اى ميكانيكى يشتغل فيهااا لان زى ما حضرتك عارف بلدنا بلد الكورى والصينى لكن العربيه نفسها ممتازه ما شاء الله عليها

[elpasha1]

طيب السعر مناسبولا اية

[power]

انا كان معايا العربيه ولسه بايعها من كام شهر يعني ماليش مصلحه
قطع الغيار متوفره و اسعارها زي الكوري و خصوصا ال1400 (انا من اسكندريه)
الموتور مش معقد خالص و اي حد كويس بيفهم فيه هو اصلا نفس موتور التمبرا و مبني علي موتور الشاهين علي ما اعتقد بس هو المشكله ان الحوض بتاعها ضيق اوي هو ده المتعب مش انها معقده

[Ahmed_ELswedy]

من وجه نظرى السعر مناسب جدا بالنسبه لعدادهاااااااااا بس اكشف عليهااا الاول لان الموديل دا بيعمل فى حدود 34 الف وبرده حضرتك اسال power هوا بيقول ان كان معاه العربيه دى يعنى هيفيد حضرتك اكتر منى

[al_manara]

صاحبي لسة بايع بتاعتة من يومين . ب 35 الف موديل 2001 فبريكة برة وجوة ما عدا اجزاء (رفرف واكصدامين )

كان بيشتكي من ان الحوض ضيق جدا ومش اي ميكانيكي بيرضي يشتغل فيها . والتكيف بتاعها مش حلو .

[maryano]

هي كويسه بس مش ميكانيكي او كهربائي يشتغل فيهاا الااا لو فاهم فيهاا كويس بس من نحيت قطع الغيار منتشرة و مش غاليه الاا حاجات بسيطة دة عن تجربه انا بردة معاياا مويدل 2003 بس بلااش تشتري عربيه عمله كيلو مترات كتير

[elpasha1]

شكرا ليكم جميعا
يعنى اصرف نظر عن العربية