محتاس و عايز مساعدتكو

[mohaakotb]

من فتره كنت عامل توبيك اقارن بين فورد فوكاس 2008 و اوكتافيا 2007 ورسيت علي الفورد - علما بإن الاتنين كانو قدامي - المهم كلمت الراجل وقابلته وشوفت العربيه وكانت فوق الممتازه وظبطت معاه واتفقنا وكل حاجه وخلاص كنت هديله عربون كده لقيته للأسف رجع في قراره وقرر ميبعش اصلا والبيعه ماتمتش للأسف .. بعد ما خلاص انا هيأت نفسي علي الفورد وكنت ختي بفكر اجيبلها اكسسوارات ايه وكده لكن للأسف اللي حصل بقي

المهم انا دلوقتي محتاس وبدور علي عربيه الماني في حدود 90 الف موديل جديد مش لاقي .. قدامي عربيه قريبي الاوكتافيا ال2007 حالتها يعني متوسطه و لما كنت بدور علي كونتاكت لقيت جيتا 2008 اعلي فئه تقريبا بس الراجل موبايله مغلق من 3 ايام مش عارف اوصله ... ف محتاج مشورتكم انزل سوق الجمعه ولا اعمل ايه علما بأني ماليش في سوق المستعمل اصلا اول مره نشتري مستعمل وخايف من النصب وبسمع اقاويل علي السوق وكده . .. تاني حاجه لو رحت هلاقي الاسعار هناك مبالغ فيها زي كونتاكت كارز ؟ هلاقي عربيات بيتي ولا كله تجار ؟ الاهم بقي هلاقي فورد فوكس ب السعر ده ولا مش هلاقي ؟

[vmallek]

من فتره كنت عامل توبيك اقارن بين فورد فوكاس 2008 و اوكتافيا 2007 ورسيت علي الفورد - علما بإن الاتنين كانو قدامي - المهم كلمت الراجل وقابلته وشوفت العربيه وكانت فوق الممتازه وظبطت معاه واتفقنا وكل حاجه وخلاص كنت هديله عربون كده لقيته للأسف رجع في قراره وقرر ميبعش اصلا والبيعه ماتمتش للأسف .. بعد ما خلاص انا هيأت نفسي علي الفورد وكنت ختي بفكر اجيبلها اكسسوارات ايه وكده لكن للأسف اللي حصل بقي

المهم انا دلوقتي محتاس وبدور علي عربيه الماني في حدود 90 الف موديل جديد مش لاقي .. قدامي عربيه قريبي الاوكتافيا ال2007 حالتها يعني متوسطه و لما كنت بدور علي كونتاكت لقيت جيتا 2008 اعلي فئه تقريبا بس الراجل موبايله مغلق من 3 ايام مش عارف اوصله ... ف محتاج مشورتكم انزل سوق الجمعه ولا اعمل ايه علما بأني ماليش في سوق المستعمل اصلا اول مره نشتري مستعمل وخايف من النصب وبسمع اقاويل علي السوق وكده . .. تاني حاجه لو رحت هلاقي الاسعار هناك مبالغ فيها زي كونتاكت كارز ؟ هلاقي عربيات بيتي ولا كله تجار ؟ الاهم بقي هلاقي فورد فوكس ب السعر ده ولا مش هلاقي ؟

ابعد عن السوق الغالبية تجارة ونصب نادرا انك تلاقي حد محترم في السوق
دور علي النت وحاول تشتري من مالك العربية الاصلي بدون توكيلات

[wawamoha]

ابعد عن السوق الغالبية تجارة ونصب نادرا انك تلاقي حد محترم في السوق
دور علي النت وحاول تشتري من مالك العربية الاصلي بدون توكيلات

+1111111111111
ربنا يوفقك

[a_aboelseoud]

- لو انت نفسك فى الفوكس , ليه ما تسألش فى توكيل فورد ممكن يكون عامل سياسة الاستبدال و تلاقى عنده مستعمل و حالته كويسه لانى اعرف عن توكيل فورد انه محترم.
فيه توكيلات كتير بتعمل كده دلوقتى زى توكيل رينو مثلا.
و بالنسبة للسوق بالاضافة طبعا لكلام الزملاء من التجار و النصب , هتلاقى فى السوق بالكتير اوى عربيتين او تلاته فوكس بس لان العربية مش منتشرة اوى زى ما انت عارف و بكده هتكون ضيعت وقتك و مجهودك على الفاضى.
- و فيه اقتراح تانى انك تدخل على منتدى الفورد و تسأل الاعضاء انهم يساعدوك .
- و اخر اقتراح انك لو نفسك فى الفوكس اوى تصبر لحد ما تلاقى عربية كويسة و تتوكل على الله و تشتريها.

[TOOLA]

باشا, فى زميل قديم فى العمل , كان معاه فوكاس عارضها للبيع, بس معرفش بعها ولا لسه, هوا عرضها عليا من مدة و زمايلنا بيشكروا فيها بس انا فضلت البورا عشان عارف سككها مش أكتر, وهوا بيشكر فيها بردو و عاوز يبيعها عشان يجيب فورد مونديو الجديدة, لو مهتم قلى و ابعتلك رقمو على الخاص

[mohaakotb]

طيب اوكي ياريت تبعتلي الرقم علي الخاص ... ومعلش ابعتلي معاه السعر اللي اتفقتو عليه عشان اعرف هكلمه ولا لأ الاول .. وهي موديل كام وكده

[mohaakotb]

بالنسبه للاستاذ ابو السعود .. متشكر جدا جدا ل ردك فعلا استفدت منه شويه حاجات هحاول اكلم التوكيل واشوف ايه النظام