لانوس اتوماتيك

[mhDeeb]

[overline]سيارة لانوس اتوماتيك موديل 2000 - 120000 الف كيلو متر لم ترش دواخل مطلوب 45000 جنية
1- هل لانوس اتوماتيك سيارة جيدة
2- هل السعر مناسب للسيارة [/overline]

[magyver]

ياباشا الفابريقة برة وجة مش بالفلوس دة

[shaddadfalcon1]

لو مانيوال تقريبا مش هتعدي 39 لو مش محتاجه مصاريف
اوتوماتيك في اللانوس ضعيف جدا وقليل ومش مطلبو فاعتقد السعر ممكن ينزل كتيير

[hamada22]

طبعا غالية
انت كدة تجيب نوبيرا

[abdo1234456]

ايه الاسعار دى جدعان دى بقت حاجه تنرفز بجد اللى عنده عربيه مش بيحط فى باله انه كان بيستخدمها ولا بقالها كام سنه كل اللى يهمه انه يبيعها زى ماجابها طب واللى انت استخدمته ؟ . ولاحياة لمن تنادى

[besso33]

اخي الفاضل انا كان معايا عربية زيها بالضبط بس موديل 99 وبعتها ب 40 الف بس المهم يكون فتيسها سليم وده رينج سعرها وسيبك من اي حد يقولك سعر اقل من كده وعلي فكرة الانوس الاتوماتيك عربية حلوة جدا طالما بتحافظ علي الفتيس وربنا يوفقك

[mado83]

ماهو الفكره انك مش هتقدر تعرف ايه اللى فى الفتيس حتى لو اتكشف عليها
نصيحه وعن تجربه اصدقاء معاهم العربيه دى
بلاش الماتيك فى الانوس لانه لو كان اثبت كفاءه كان نزل فى الموديلات اللى فوق ال2000

[mhDeeb]

انا فعلاً بشكركم جدا على كل المشاركة الفعالة التى شاركتم بها
وفعلا بدات ابعد عن اللانوس الاتوماتيك وادور على حاجة افضل من كدة شوية بس ربنا يسهل والاقى واحد يقسط سيارة مستعملة بسعر كويس وفائدة بسيطة مش كبيسة ( وهى معادلة صعبة جدا في مصر )

[specialist50]

ربنا يوفقك

[el_henawey]

السلام عليكم
ارجو المعذرة لأنى لم اعرف من اين اضيف موضوع جديد
أسأل الأخوة المتخصصين والفهمين
معى سيارة كيا برايد 99 ممتازة بس انا كنت عاوز اغير لأفضل
ومعى من 40 الى 45 الف جنية اشترى اية
تكون قطع غيارها رخيصة واعطال بسيطة مثل الكيا برايد
كثير نصحنى بالانوس لكن بعد ما قرأت عن اعطالها فى بعض المنتدريات خفت مش عارف لية
ارجو الأفادة