سكودا فابيا 2002

[ehab78]

السلام عليكم ورحمة الله وبركاته
انا عاوز ابيع عربيتي السكودا وهي مواصفاتها كالاتي
سكودا فابيا موديل 2002
1400cc
188000كلم
دواخل وحوض فابريكة لكن راشة من الخارج نظافه
زجاج كهرباء
سنتر لوك
ساوند سيستم كينوود+dvd+sub
اربعة كاوتش جديد
فرش جلد
صيانات كاملة بالتوكيل وبالفواتير
السيارة بإسم الوالد ومعي توكيل عنه لانه مسافر خارج مصر
السعر المقترح 38000
اخوكم د-ايهاب
01005680699

[falconmas]

هىه هاتشباك ؟ ولونها ايه ؟ وحالة الموتور ايه ؟
وياريت لو صور

[ehab78]

أهلا بحضرتك يا فندم
العربية لونها سيلفر ميتاليك وهي هاتشباك
بالنسبة للموتور حالته ممتازه وزي ماوضحت انا بعمل كل الصيانات وكل قطع الغيار في التوكيل حفاظا على حالة السيارة
شكرا لمرورك الكريم

[ehab78]

انا اسف نسيت بس ماعنديش صور والله للسيارة
رقم تليفوني موجود للاستفسارعن اي شئ
دمت بود

[lastfirst]

موفق ف البيع
هى مفيهاش تكييف ولا ايه ؟ ومرور ايه ؟ وهل ينفع تقسيط ؟

[ehab78]

للاسف مافيهاش تكييف
وبيتهيألي تمنها مش محتاج تقسيط

[mody_halawa]

طيب فيها باور ؟؟

[ehab78]

لا يافندم مافيهاش باور

[ehab78]

انا اسف نسيت
بانسبة للاخ الفاضل اللي بيسال هي مرور ايه هي مرور زفتى

[ahmed1mohd]

مساء الخير يا دكتور
لو تسمح ممكن معلومات أكتر عن الموتور ,كام سلندر؟ كام فالف؟ حضرتك عارف الفابيا ليها مواتير مختلفه.
و بخصوص التكييف حضرتك عندك فكره ممكن يركبلها؟ و يكلف كام؟ لو بالمصادفه حضرتك كنت سألت علي حاجه زي كده.
و هيا العربيه كانت نازله بدون باور و تكييف لكن زجاج كهرباء؟! ولا حضرتك مغير الزجاج؟
و سؤال أخير بالمره - معلش - هوه الوالد أول مالك؟
أنا فعلا بدور علي فابيا بس الصراحه التكييف أساسي عندي.
و بالتوفيق في البيع انشاء الله.

[ehab78]

اهلا بحضرتك استاذ ahmed1mohd
زي ما حضرتك عارف الفابيا فيها 1000 و1200 cc ودول ثلاثة سلندر وايضا 1400cc ودي اربعة سلندر زي اللى معايا
بالنسبة لكام فالف بصراحة معنديش فكرة
بخصوص الكماليات هي الفئة الفاضية مافيهاش تكييف ولاباور لكن زجاج كهرباء متركبلها مش الاورجينال
بالنسبة للتكييف هو موجود في التوكيل بس غالي شوية بس يفضل لو حضرتك عاوز تركبلها توديها الحرفيين وتركب واحد استيراد هيكون ممتاز وتقريبابنص تمن التوكيل و
طبعا ممكن تركبلها التكييف العادي اللي بيركب لاي عربية
وبخصوص الرخصة العربية معانا من 2009 وعاملها نقل ملكية من ايامها لانها كانت مرور العجمي فهي مافيهاش اي قلق بالنسبة للورق بتاعها
وشكرا لمرورك الكريم