55 الف help

[Al-khashab]

55 الف
عايز عربية used
تنصحوني بايه ؟؟؟؟؟

[egyptiandiver]

إيه هي الاول متطلبات حضرتك من العربية؟ يعني قطع الغيار و توفرها ولا صيانتها ولا سرعة تجمعها ولا الثبات ولا سعر إعادة البيع ولا.....؟ حضرتك حدد الاول و كلنا هنا في خدمة حضرتك إن شاء الله

[Al-khashab]

ثبات وسرعة طبعا عشان طريقي غالبا دايما سرييع
وتوفر قطع الغيار

[egyptiandiver]

ثبات وسرعة = Honda Civic

[Al-khashab]

موديل كام الاقي حالتو كويسة وبسعر 55

[Al-khashab]

وايه رايك في الكولت وال getz

[egyptiandiver]

و الله الكدب خيبة أنا الصراحة معنديش خبرة مباشرة مع الانواع إلي حضرتك تفضلت بذكرها ... حضرتك قبل ما تسأل أي انسان زود نفسك بالمعرفة الكافية و متسمعش من رأي واحد بس .... بمعنى أصح أنا رأيي حضرتك أدخل على كل نوع من إلي بتفكر فيهم و شوف أراء و تجارب ملاك العربيات دي معاها و أدخل قسم المقارنة بردو هتلاقي مقارنة مفيدة ذي مقارنة لانوس مع فيرنا مثلاً من حيث أنهم متقاربين في السعر و المستوى، و هتلاقي مقارنات تاني كتير. في قواعد عامة مفيدة ذي مثلاً كل ما تعلى بالموديل يكون أفضل، أو إن كل ما تشوف من عربية كتير في الشارع يكون ميزة... ليه عشان قطع الغيار أكيد هتكون متوفرة بسعر معقول و كدة صباعك مش هيكون تحت ضرس التوكيل عشان لأن هو عارف لو زودها زيادة عن حد معين في أسعار قطع الغيار التجار برى هيبيعو بالسعر العادي .... و أكيد مكانيكية كتير هايكون يعرفو يشتغلو فيها. و كدة كمان هيكون سعر إعادة البيع كويس. دة رأيي و ربنا يعمل لحضرتك الخير.

[Al-khashab]

شكرا ليييييك

[egyptiandiver]

الشكر لله يا فندم و أكيد بردو الاخوة يفيدوك بردو أكتر مني

[aboomar22]

بصوا ياباشا الاول حضرتك حدد انت عايز عربية موديل حديث 2008 مثلا ولا مش فارق ممكن موديل تسعينات بس بحالة كويسة وقطع غيار رخيصة ولا مش مشكلة لو غالية شوية بس معمرة وحضرتك بتسافر لوحدك ولا معاك الاسرة يعنى محتاج عربية واسعة ولا مش فارق وهل حضرتك تفضل موتور قوى 2000 سىسى مثلا ولا تفضل موتور اقتصادى 1500 مثلا حضرتك ناوى تقعدها فترة كبيرة ولا بتحب تغير علشان يراعى سعر اعادة البيع وحضرتك تفضل مانيوال ولا اتو ماتيك عموما هديك اختيارات عن تجربة لو مش فارق الموديل بس عربية كويسة قوى اوكتافيا a4 1998 -opel vectra -b -او هوندا سيفيك - لو حضرتك عايز موديل حديث ممكن فيرنا او لوجان لو محتاج عربية حديثة كل الكماليات موتور قوى جدا اتوماتيك بس استهلاك بنزين اعلى شوية اسبرانزا a620

[megamoudy]

ممكن لانسر مكواه 2001 -2003

[blazer]

نوبيرا 2007

[Al-khashab]

بصوا ياباشا الاول حضرتك حدد انت عايز عربية موديل حديث 2008 مثلا ولا مش فارق ممكن موديل تسعينات بس بحالة كويسة وقطع غيار رخيصة ولا مش مشكلة لو غالية شوية بس معمرة وحضرتك بتسافر لوحدك ولا معاك الاسرة يعنى محتاج عربية واسعة ولا مش فارق وهل حضرتك تفضل موتور قوى 2000 سىسى مثلا ولا تفضل موتور اقتصادى 1500 مثلا حضرتك ناوى تقعدها فترة كبيرة ولا بتحب تغير علشان يراعى سعر اعادة البيع وحضرتك تفضل مانيوال ولا اتو ماتيك عموما هديك اختيارات عن تجربة لو مش فارق الموديل بس عربية كويسة قوى اوكتافيا a4 1998 -opel vectra -b -او هوندا سيفيك - لو حضرتك عايز موديل حديث ممكن فيرنا او لوجان لو محتاج عربية حديثة كل الكماليات موتور قوى جدا اتوماتيك بس استهلاك بنزين اعلى شوية اسبرانزا a620

مش فارق تكون حديثة المهم تكون متعدلة حلو لو قديمة وناوي تقعد معايا شوية مش هيفرق سعر اعادة البيع وقطع الغيار تكون معقولة وبالنسبة لموتور 2000
والحجم مش هيفرق العيلة مش هتسافر معايا بس موضوع الاسبرنزا احب ابعدو عشان بكره الصيني كله

[kar!m]

شوف عربيتي كده لو حضرتك مهتم كلمني

http://www.nilemotors.net/Nile/303352-a.html

[amrrashed]

ريح دماغك هات فيرنا كسر زيرو وعرض الكاوتش ومتجريش جامد بس كدة