للبيع ماروتى 2007

[karimfahmy99]

800 سى سى |36,600 كم
للبيع سيارة ماروتى حالة العربية ممتازة موتور سليم مش ملعوب فية نهائى فابريقة جوة و برة ما عدا حتة هتبان فى الصورة موتوسيكل دخل فى العربية و اتصلحت على البارد - معمول لها 4 زجاج كهربا - انذار الريموت بتاعة ابو شاشة مدى 5000متر - سنتر - وحدات رفع زجاج - لون سماوى - راديو صينى بفلاشة و قارئ كروت - فتح الشنطة كهرباء - فيها كسوة على الاصلى للحفاظ علية و الاصلى زى الفل - بلاستيك الفابريكة على الابواب - معمول للكاوتش كلة حماية ضد الاخرام من شركة ttp - البطارية جافة بقالها 8 شهور اظن - رخصة مرور الجيزة و سارية حتى 9\2014تانى يد شرائها كان كسر زيرو من اول يد - مطلوب 27500ج - العربية موجودة فى الشيخ زايد -البيع تسجيل و ليس توكيل - اى استفسار برجاء الاتصال لتحديد ميعاد للمعاينة يفضل الصبح - 01001412591

الصور موجودة فى الرابط :

للبيع ماروتى 2007

[ramyhekal]

موضوع تسجيل وليس توكيل ده ضيع ميزة ان الرخصه لسه فيها سنتين لان لو المشترى سجل العربيه يبقى وجب عليه يرخص فى خلال شهر من التسجيل
موفق فى البيع

[karimfahmy99]

موضوع تسجيل وليس توكيل ده ضيع ميزة ان الرخصه لسه فيها سنتين لان لو المشترى سجل العربيه يبقى وجب عليه يرخص فى خلال شهر من التسجيل
موفق فى البيع

طب ميرخص عادى اية المشكلة ؟ انت فاكر انة لو رخص المدة بتسقط ؟ لا طبعا هيرخص و ينقل باسمة تبع المرور بتاعة و يكمل لنهاية الترخيص فى 9\2014 عادى مش هيدفع اى حاجة غير اوراق و كلام من دا

[peposupervisor]

بسم الله ما شاء الله العربية ممتازة ربنا يوفقك في البيع

[karimfahmy99]

بسم الله ما شاء الله العربية ممتازة ربنا يوفقك في البيع

يارب يا مسهل

[dr.hazem]

يعني ايه الشنطه بتفتح كهربا؟؟؟

[محمد الشامي]

ربنا يحسنلك بيعها يا اخي العزيز :) واحشني والله يا كريم باشا

[banboty]

عرض جيد و وافي لمواصفات العربية ..

بالتوفيق في البيع

[karimfahmy99]

يعني ايه الشنطه بتفتح كهربا؟؟؟

يعنى تقدر تفتح الشنطة بالريموت او بزر من الداخل

ربنا يحسنلك بيعها يا اخي العزيز :) واحشني والله يا كريم باشا

و انت يا محمد واحشنى كتير - اخبارك اية فى الدنيا اتجوزت ولا لسة ؟؟

عرض جيد و وافي لمواصفات العربية ..

بالتوفيق في البيع

تسلم يا اخى الفاضل ربنا يبارك فيك

[karimfahmy99]

تم تعديل السعر للنهائى 26000ج - و يفضل البيع تسجيل ممكن توكيل لان تسجيل العربية تقريبا 1200ج

[khalid_adel]

معلش لوتقولي موضوع الشنطه الكهربا ده عملته فين وبكام يبقى كتر خيرك
وربنا يحسنلك البيع

[dr.hazem]

ممكن تقولنا عملت موضوع الشنطه بكام واتكلف قد ايه ؟؟؟


تحياتي

[karimfahmy99]

معلش لوتقولي موضوع الشنطه الكهربا ده عملته فين وبكام يبقى كتر خيرك
وربنا يحسنلك البيع

ممكن تقولنا عملت موضوع الشنطه بكام واتكلف قد ايه ؟؟؟


تحياتي

موضوع الشنطة انا اللى عملتة بنفسى - اشتريت المكنة من التوفيقية ب 80ج - و مش طرمبة سنتر عشان انا شفت ناس حاولت تعملها بطرمبة سنتر بس ضعيفة و مش هتفتح - اللى بجيبها دى مخصوصة للشنطة - هى عملية جدا بس فيها عيب لو فتحت بالريموت بتاع الانذار لازم تكون ماسك يد الشنطة و تشدها علاطول لان لو تكة الفتح ملحقتهاش لازم تدوس تانى و كذلك من الداخل لو دوست على الزر لازم حد يكون واقف ورا يشد باب الشنطة - هوة مش عيب فى حاجة بس لان الشنطة هاتش باك تقلها لتحت و مفيش سوستة ترفعها زى العربيات العادية زى الشاهين انا كنت برضوا عاملها فيها بس مكنش لازم حد يقف يشد لان السوستة بترفع الشنطة مع الفتح سواء بالريموت او من الزر الداخلى - المهم شوفولى بيعة للعربية بقا ههههههه