إعـــــــلان

Collapse

.

,
See more
See less

هو فيه لانوس ب35 ولا اونطه

Collapse
X
 
  • Filter
  • الوقت
  • Show
Clear All
new posts

  • هو فيه لانوس ب35 ولا اونطه

    باختصار ناس بتعرض لانوس 1 ب 40 و 45 والاقي لانوس 2 موديل 2000 و2001 35 هو ده حقيقي ولا نصب -- انا بدور علي لانوس ب35 وكل لما الاقي حد حاطط السعر ده اقلق منه --ارجو الافاده
    ابو علي

  • #2
    هتلاقيها متهانه جامد جدا مفيهاش حاجة سليمه الا شاسية مثلا
    او واخده خبطه فى الشاسيه او مقلوبه

    مفيش لانوس حالتها حلوه ب 35 ( الا لو عربيه حد من ذوى الاحتياجات الخاصة بيبيعها )

    Comment


    • #3
      لو لقيتها هتلاقيها محتاجه 5 الاف مثلا عشان تبقي عربيه

      يعني هتلاقي الكوتش ضايع والبطاريه محتاجه تتغير والموتور ممكن يكون رايح في داهيه او ماسك نافسه
      هتلاقي العربيه متخبطه ومحتاجه تترش والعفشه تتظبط وشوية كهرباء

      يعني هتوصل معاك ل 40 مستريح برده

      Comment


      • #4
        كلام الزملاء كله سليم ومفيش حد النهارده هايرمى عربيه حالتها كويسه بسعر زى ده
        وبصراحه السعر ده يجيبلك اكسنت فاضيه موديل عالى او اكسنت كامله موديل قليل اوى
        وممكن اوبا فيكترا تسعينات او اكسيل كامله لقطه غير كده ما تتعبش نفسك

        Comment


        • #5
          لا اونطة طبعا

          اقل لانوس تتركب 39

          Comment


          • #6
            المشاركة الأصلية كتبت بواسطة algazar2 مشاهدة المشاركة
            هتلاقيها متهانه جامد جدا مفيهاش حاجة سليمه الا شاسية مثلا
            او واخده خبطه فى الشاسيه او مقلوبه

            مفيش لانوس حالتها حلوه ب 35 ( الا لو عربيه حد من ذوى الاحتياجات الخاصة بيبيعها )
            بالضبط كدة .

            المشاركة الأصلية كتبت بواسطة shaddadfalcon1 مشاهدة المشاركة
            لو لقيتها هتلاقيها محتاجه 5 الاف مثلا عشان تبقي عربيه

            يعني هتلاقي الكوتش ضايع والبطاريه محتاجه تتغير والموتور ممكن يكون رايح في داهيه او ماسك نافسه
            هتلاقي العربيه متخبطه ومحتاجه تترش والعفشه تتظبط وشوية كهرباء

            يعني هتوصل معاك ل 40 مستريح برده
            عفوا . بعد كل الي انت قلتة دة عاوزة يصرف عليها 5 الاف بس .


            اخيرا لو لقيت عربية بالحالة المهببة دي اوعا تاخدها . هتندم . وهاتكرة العربيات .
            [CENTER][SIGPIC][/SIGPIC][/CENTER]

            Comment


            • #7
              انا اترجت علي عربيه 2001 كانت عايزه دهان بس - ولوا شفها الميكانيكي قالي لا -قلتله ليه قلي في بويه في الحوض مع اني معرفتهاش خالص وكانت كامله وب37 وكل الناس بتبيع عشان تسافر
              ابو علي

              Comment


              • #8
                سيبك من حوار لظروف السفر دا

                خش كونتاكت كار هتلاقى نص العربيات المعلنة لظروف السفر

                البلد كلها مسافرة ؟

                الحدق يفهم ياباشا وبالتوفيق

                35 مش وحشة وتجيبلك عربيات كتير حلوة جداً

                لكن متروحش تجيب عربية تمنها بالميت 39 ولا 40 الف جنيه ب 35 وتندم بعد كدا

                Comment


                • #9
                  اه مانا بشوف فعلا علي كونتكت كار والاسعار الي بقولها من خلاله -بس انا ممكن اجيب اكسل ممتازه بس انا بفضل لانوس حتي لو هستني شويه
                  ابو علي

                  Comment


                  • #10
                    لو استنيت سنة حتى مش هتجيب لانوس بالسعر دا انا بقولك اهو
                    الاكسل عريبة حلوة بس انا مش بحبها

                    ممكن تلاقى اكسنت 98 او 99 بالسعر دا

                    وممكن لانسر بطة ودى عربية جامدة بردو , وممكن اوبل كورسا , وممكن شاهين , وعندك اختيارات كتير
                    ربنا يوفقك

                    Comment


                    • #11
                      خد بالك كونتكت كار البه تجار ونصابين كتير ويعد يحلفك لازم لو هتاخد من كنتكت كار تروح علي التوكيل تكشف عليها قبل متشتري واوعا اوعا تتر بالسعر وخد بااااااالك من العدااااد اكشف في التوكل مش مهم الكشف بكام المهم تكشف انا بحذرك مش بنصحك متعملش زي خدت واحد بيفهم كشف علي العربيه وحظي الفقر كان بليل والراجل عملي فيها ابن ناس اوي واتاريه تاجر وكان حاطت زي تقيل في الماتور عشان ميبنش انه بيرزع وغيرت ام الماتور مع اني كنت شاري العربية2005 ب 45 الف

                      Comment


                      • #12
                        بص ده انسان محترم شوف تجربته

                        السلام عليكم
                        انا كنت بدور على عربيه من فتره كبيره وكنت مش لاقي..طبعا كنت متابع النت و السوق والحاجات دي وكانت كلها حاجات مضروبه... وعلى فكره نصيحتي لأي حد ميحاولش يشتري من السوق..المهم كنت زهقت من كتر التدوير...و في يوم لقيت اعلان على كونتكت بتاع سبكترا كلمت الراجل قاللي العربيه رشه جنبين واستعمال اطباء و هو دكتور والكلام ده....رحت شفت العربيه وكانت الفلوس في جيبي المهم لما رحت هو قعد يتكلم و يرغي وانا مبصتش عدل عالعربيه المهم قولت اخدها على بنزينه في اول شارع بتاع رابعه العدويه عاليمين...رحت رفعتها قالولي علي فيها وكلها حاجات غير مؤثره...المهم الراجل قاعد يحلفلي بالله و بحياه ابنه ان العربيه مفهاش حاجه و ان هو قاللي على كل اللي فيها والكلام ده وانا استنضفتو دكتور بقى و عمال يحلف وبتاع و اشتريتها في نفس الوقت...حتى وانا بشتريها كنت عارف اني مبصتش كويس..بس قولت الراجل محترم ...المهم خدت العربيه وبعدها بيومين رايح اعمل حاجه في الميكانيكا لقيت الميكانيكي بيقولي فيها ستاره مرشوشه!!!!!!!!!!! طبعا خدتها و جريت عالمعارض قالولي فيها ستاره و فرده يمين و قوايم يمين مرشوشه كلمت .....اللي باعلي العربيه قاللي انا معرفش,ايه الكلام اللي بسمعه ده,ازاي ....قولتلو انا عايز ارجع العربيه ..قاللي الفلوس اتصرفت و بعدين قاللي انت مش شفت العربيه دي مشكلتك مع البنزينه...كل واحد عايز يحلل فلوسه يقول شويه كلام اهبل هو متأكد من جواه انه غلط..بس النصاحه بقى..المهم قعدت اسبوعين اتفاوض معاه وهو يماطل .. ومن بروده يقولي بيع العربيه..اقولو نتشارك في الخساره لما ابيعها يقولي ربنا يسهل..اقوله دي فلوس ورثي وانا في بدايه حياتي يعض يحكيلي عن مشاكله وان ابوه ميت...المهم قاللي خلاص انا هشتري منك العربيه ب 35 مع العلم اني كنت مشتريها منه ب 42 من اسبوع!!!!!!!!!!!!! قاللي اصلي هستلف الفلوس من صاحب المركز اللي شغال فيه عشانك واحنا مسلمين وانت اخويا كلام النصابين بقى ومنتهى الأستفزاز في طريقته....المهم هيا مكانتش جايبالي غير 33 قولتلو ماشي...بس عملت استخاره قولت مبيعاش...... حتى لو هخسر قابلتو عشان يشتري قولتلو انا عايز 2000 جنيه قاللي انت كده بتبخسلي بيعتي قولتلو امال انت بتعمل ايه؟؟؟؟؟؟؟؟؟؟؟ قاللي انا هروح شويه و هاجي طبعا ولا جه ولا اي حاجه..المهم انا حقي عند ربنا لأني بعتها ب 33 وكل طلبي ان الناس اللي تقرا الحكايه تدعي عليه لأني مش مسامحو و ان شاء الله تتردلو فيه مش عايز اقول ابنه بس يارب تترد فيه وربنا ينتقم منه
                        طبعا انا بحكي باختصار شديد لو حكيت بالتفصيل انا اصلان هيجيلي شلل من حرقه الدم.
                        شكرا و الحمدلله على كل شئ :)

                        Comment


                        • #13
                          وديه تجربه تانيه عشان تكون حريص


                          ربنا يعوض عليك
                          وماحدش بيتعلم ببلاش
                          انا اتعمل معايا الموضوع ده فى عربيتى....بس الحمد لله العربية مافيهاش مشاكل
                          بس دفعت 35000 وكتبت وصل أمانة ب 40000 عشان ما كانش معايا باقى الفلوس
                          وكنت متفق على ان العربية ب 73000
                          وهديله كل شهر 2000 جنيه وبعد 3 شهور هرجعله الباقى كله
                          المهم هو كان صاحب واحد صاحبى اوى
                          رجعتله الفلوس.....والعربية كانت بأسمه.....ولسة ما سجلتش....وانا زى العبيط ....يعنى العربية بتاعته ...وانا كاتب وصل أمانة ....ودافعله 35000....وكل ده عشان كنت مستعجل...والفلوس مش جاهزة.......ضرب بتاع 4000 جنيه زيادة....وفى المقابل ....أخدت وصل الامانة والحمد لله سجلت العربية بأسمى ....والحمد للع عدت
                          لكن انا اتعلمت .....بس ب 4000 جنيه
                          عشان كدة انا بنصح كل الناس بعدم الاستعجال .....وطول ما الفلوس فى جيبك....فا انت سيد الموقف
                          وربنا يسترها علينا.....وينتقم كل اللى ما عندوش ضمير

                          Comment


                          • #14
                            وديه تجربتي الي بدفع تمنها الان 1-بطاريه 2- ماتور -طقم دبرياج 3-غير شويه مصاريف غير تمنها الاصلي45الف كل ده عشان مكشفتش في الوكيل وخت الكلام ثقة

                            والله فعلا انا العربية الي اشترتها اتخدعت في الي شاريها(ساكن في م نصر عباس العقاد عند كشري الشيخ وشغال توكيل رينو وعربية المدام وصاحبها القديم ظابط يعني استعمال حريم ومقلكش علي الحلفان الي بحلفه ودخلني بيته عشان نكتب اعقد وقال ايه كان عايزني اعمل ايداع في البنك باسمه ورقم الحساب وبعدين نروح نسجلها والعربيه مفيهاش الهوا ولا محتاجه جنيه )والحمد الله اشتريتها واديني بشتري ماتور بدل الي ادحك عليا فيا يعني بشدها مردتش احط زيت تقيل في الماتور عشان بيرزع وابعها لحد عشان حرام التاجر دول شوية نصابين قليل الي يراعي ربنا بقلك التجارة شطارة ياسر الي اشتريت منه العربيه ساكن عند كشري الشيخ الشارع الي جامبه كان حاتط زيت تقيل في الماتور عشان ميبنش انه بيرزع بس الحمد الله غيرت الماتور وقطع غيار كتير بجديد واحسن انا كنت زيك هرجعها وهخسر فيها لحد مواحد قريبي هداني واستكفيت اني دربته



                            خدو بالكو من موقع كونتكت كار كتير جدا نصابين ومن سوق العربيات
                            لازم العربيه تترفع في التوكيل واوعي تستعجل

                            Comment


                            • #15
                              قل حاجة في الانوس 38 وممكن 37 لو فاضيه خالص
                              زود وهات لانوس نضيفه ممكن بفلوسك تجيب اكسنت او اكسيل

                              Comment

                              Working...
                              X