للبيع الانترا 2007 gls

[MoodyMooner]

كاملة أوتوماتيك لون فيراني
gls:
راديو كاسيت هيونداي أصلي/ المقابض والمريات بلون السيارة/ 2 ريموت كنترول هيونداي أصلي مع وحدات رفع / مخدع مع حامل أكواب فى الكنبة الخلفية / كرسي السائق متحرك لأعلى وأسفل / جراب نظارة / مصابيح الشبورة / فتح الشنطه من داخل السيارة أو بالرموت / تكييف تاتش مع تحكم أتوماتيك.
كماليات أضافية :
- فرش جلد طبيعي
- 4 فرد ميشلان جداد
- بطارية فارتا جديدة 60 أمبير

السيارة لا تحتاج إلى أى مصاريف على الأطلاق
رش خارجي فقط للنضافة (شنطة وكبوت وسقف فابريقة)
للسعر برجاء التواصل على الخاص

[muhmado_furp]

حضرتك في نموذج للعرض بيوضح كل تفاصيل السيارة
واهم عناصره هو السعر لاننا في منتدي البيع
يبقي ازاي بيع من غير سعر

[HOSSNY]

مش عارف انا انت مكسوف تحط السعر ما تزهقوش فينا بقا على الخاص ليه هتقول حاجه عيب ياريت كل الاعضاء اللى مش مالى النموذج محدش يرد على اعلانه وشكرا

[amro0000]

انا كنت بدور علي النترا بس بعد ما لقيتش السعر مش هتصل لان دي قسم بيع ولازم كل التفاصيل عفواااااااااا

[MoodyMooner]

الحقيقة يا جماعة أنا مش لاقي سبب أو مبرر للهجة العدائية اللي موجودة فى الردود دي بس أحب أوضح شوية حاجات :
- انا مش مشترك بصفة أساسية أو دائمة فى المنتدى ده ومكنتش أعرف أن فيه صيغة أو شكل الزامي لعرض السيارة .
- انا محبتش أحط السعر علشان عدم التدخل من قبل بعض الأعضاء في تقييم السيارة وربطه بالسعر من نوعية السعر ده كثيير أو قليل على السيارة ومنع تدخلات وسطاء السيارات أو السماسرة أن وجدوا بس وضحت أهم التفاصيل الموجودة في السيارة وبمنتهى الأمانه والموضوعية.
- البيع والشراء ده بيبقى نصيب وأنا ملوتش دراع حد علشان يشتري ومحدش هيلوي دراعي علشان أبيع ... فالمسألة كلها قسمة ونصيب أهم حاجة أن الجميع (البائع والمشتري) يبقى مرضي .

وعامة شكراً للجميع

[muhmado_furp]

الحقيقة يا جماعة أنا مش لاقي سبب أو مبرر للهجة العدائية اللي موجودة فى الردود دي بس أحب أوضح شوية حاجات :
- انا مش مشترك بصفة أساسية أو دائمة فى المنتدى ده ومكنتش أعرف أن فيه صيغة أو شكل الزامي لعرض السيارة .
- انا محبتش أحط السعر علشان عدم التدخل من قبل بعض الأعضاء في تقييم السيارة وربطه بالسعر من نوعية السعر ده كثيير أو قليل على السيارة ومنع تدخلات وسطاء السيارات أو السماسرة أن وجدوا بس وضحت أهم التفاصيل الموجودة في السيارة وبمنتهى الأمانه والموضوعية.
- البيع والشراء ده بيبقى نصيب وأنا ملوتش دراع حد علشان يشتري ومحدش هيلوي دراعي علشان أبيع ... فالمسألة كلها قسمة ونصيب أهم حاجة أن الجميع (البائع والمشتري) يبقى مرضي .

وعامة شكراً للجميع

اولا اهلا بحضرتك جدا معانا ومنور المنتدي
وصدقني الموضوع مش عدائي ومحدش اكيد قاصده يهاجم حضرتك
بس في عدد كبير جدا من الاعلانات دلوقتي مش بيحط سعر رغم ان حضرتك زي مابتقول ماحدش هيجبر حد علي الشراء ولا علي البيع وكل واحد حر يقدر السعر زي ماهو عاوز وبين البايع والشاري يفتح الله
فتقبل تحياتي وان شاء الله توفق في البيع بشكل يرضيك

[tarekmaher]

برجاء رفع الصور وشكل السيارة لان 2007 في منها شكلين (من 2005 الي 2007) و(2007 الي 2011)
واخيرا برجاء وضع السعر بما يرضي الله
جاد جدا في الشراء
شكرا

[mOuStaFa_ERTU]

عروستى ؟؟
يا سيدى الفاضل انت لا حاطط سعر ولا صور ولا موبايل

[MoodyMooner]

مش قادر أفهم سر عدم تقبل الناس أني مش عايز أناقش السعر إلا على الخاص ... وأعتقد أنه لا يوجد قانون فى المنتدى حسب فهمي يمنع هذا الشئ حتى نموذج العرض اللي لقيته لا يوجد ما يفيد أنه ملزم لوضع اعلانات البيع
للعلم فقط ..
تم مرسالتي على الخاص من قبل 5 أعضاء أفاضل ومحترميين بخصوص السيارة وتم الرد عليهم جميعاً بكامل المعلومات المطلوبة بالأضافة للأعضاء المحترميين mOuStaFa_ERTU و tarekmaher تم الرد أيضا على جميع أستفسارتهم على الخاص.

والأعضاء موجوديين لو حابيين يأكدوا كلامي

وشكراً مرة أخرى للجميع

[S O P H O S]

ربنا يوفقك حط كل المواصفات معدا السعر
بس الامور تكون واضحة اكيد ده حق ليك

[tarekmaher]

بالتوفيق في البيع
انا كنت عايز الشكل السابق

[mOuStaFa_ERTU]

مش قادر أفهم سر عدم تقبل الناس أني مش عايز أناقش السعر إلا على الخاص ... وأعتقد أنه لا يوجد قانون فى المنتدى حسب فهمي يمنع هذا الشئ حتى نموذج العرض اللي لقيته لا يوجد ما يفيد أنه ملزم لوضع اعلانات البيع
للعلم فقط ..
تم مرسالتي على الخاص من قبل 5 أعضاء أفاضل ومحترميين بخصوص السيارة وتم الرد عليهم جميعاً بكامل المعلومات المطلوبة بالأضافة للأعضاء المحترميين moustafa_ertu و tarekmaher تم الرد أيضا على جميع أستفسارتهم على الخاص.

والأعضاء موجوديين لو حابيين يأكدوا كلامي

وشكراً مرة أخرى للجميع

العربيه جميله بسم الله ما شاء الله بس سعرها غالى عليا
موفق فى البيع

[ahmed.zahra]

اللي فهمته من الكلام انها الشكل الجديد في 2007 و ليس القديم ممكن حضرتك تأكد لي المعلومة دي و السعر على الخاص و شكرا مقدما

[ahmedhilmy]

موفق

[Medo.Malek]

ممكن حضرتك تقولى على الخاص (لو حبيت ) البيانات دى ..
العربية ماشية كام كيلو متر ؟
العربية ملكك الخاص ؟ ( المالك رقم كام للعربية ) ؟ و لا حضرتك بتبيع بتوكيل ؟ و الرخصة سارية لحد امتى ؟ و العربية مرور اية ؟
و طبعا السعر و يا ريت النهائى
و بالتوفيق فى البيع :)