إعـــــــلان

Collapse

.

,
See more
See less

بيجو 405 برستيج أوتوماتيك

Collapse
X
 
  • Filter
  • الوقت
  • Show
Clear All
new posts

  • بيجو 405 برستيج أوتوماتيك

    بيجو 405 بريستيج1800 سى سى-اوتوماتيك-سنتر-باور-تكيف-موديل 1996-147000كم -فرنساوى مواصفات خليجية-دواخل فابريكة و رش خارجى نظافة فقط--سى دى -ام بى ثرى كينوود-6 سماعات-حالة رائعة-من المالك-رخصة حتى 2010
    55 الف جم
    السعر نهائى لأن السيارة فعلا بحالة ممتازة
    شكرا جزيلا
    0106551540

  • #2
    lمش حضرتك كنت عامل الموضوع دة قبل كدةhttp://www.nilemotors.net/Nile/showthread.php?t=32813
    [CENTER][FONT=Arial Black][SIZE=5][B]ها قد اصبحت "موديل قديم"[/B][/SIZE][/FONT]

    [/CENTER]

    Comment


    • #3
      اه فعلا..مظبوط ...بس انا مش بعمل اعلانات غير على النت لأنى بصراحة مش مستعجل على البيع لأنى لسة مش مستقر على العربية الجديدة بافكر فى الكورولا الجديدة...بس متخوف من موضوع الفتيس دة..لسة مش محدد..شكرا على سؤالك :)

      Comment


      • #4
        معلش كام سؤال كده علي الماشي.. لأني كش حبرة قوي ف البيجو..
        هي ايه الاختلافات بينها و بين ال405 العادية..؟؟
        و هل في فرق في قطع الغيار..؟؟
        قطع الغيار موجوه ف التوكيل ولا خلاص معادوش بيشتغلوا فيها..؟؟
        البنزين ايه نظامه..؟؟ الاستهلاك..والضريبة.. ايه نظامها..؟؟
        معلش انا اسئلتي كتير شوية.. :)
        سبحانك اللهم ربنا و بحمدك.. اشهد الا اله الا انت..استغفرك و اتوب اليك..

        Comment


        • #5
          معلش كام سؤال كده علي الماشي.. لأني كش حبرة قوي ف البيجو..
          هي ايه الاختلافات بينها و بين ال405 العادية..؟؟
          و هل في فرق في قطع الغيار..؟؟
          قطع الغيار موجوه ف التوكيل ولا خلاص معادوش بيشتغلوا فيها..؟؟
          البنزين ايه نظامه..؟؟ الاستهلاك..والضريبة.. ايه نظامها..؟؟
          معلش انا اسئلتي كتير شوية..
          اسمحلى ارد بما انى معايا العربية
          السؤال الأول:
          البرستيج تختلف عن ـ405 العادية
          موتور 2000 سى سى انجيكشن ( العادية 1600 سى سى كربيراتير)
          و دا بيخلى الفارامل و طقم الدبرياج فى البرستيج مختلفين عن العادية
          يوجد كماليات فى البرستيج زيادة عن العادية:
          اربعة زجاج كهرباء( اماى بس فى العادية)
          مرايات كهرباء
          كشافات شبورة
          عداد ار بى ام
          عدد سماعات زيادة عن العادية
          اكصدمات مختلفة
          أغلبها اتوماتيك بس اللى معايا مانيوال ( كمان الاتوماتيك سهل اوى تقلبها مانيوال و فلاينج بيجو كان كاتب الحكاية دى فى منتدى بيجو)

          .
          السؤال الثانى:
          تختلف قطع الغيار الخاصة بالموتور عشان انجيكشن
          و الدبرياج و الفرامل
          غير كده هما تقريبا واحد...بس مش متأكد ممكن يكون فى حاجة تانية مش فاكرها
          بس الحاجات المختلفة دى بتبقى أغلى شوية فى البرستيج
          .
          .
          السؤال الثالث:
          قطع الغيار متوفرة بالعبيييييييييييييييييييييييييييييييييط
          جوة التوكيل و بره التوكيل فى اماكن كتير جدا
          جديد و مستعمل كل حاجة موجودة و بوفرة عكس ما يشاع عنها انها نادرة و غالية
          و فى منها بيجو الاصلى و فى انتاج دول اخرى
          و هديك أمثلة لقطع الغيار انا لسه جايبها الفترة اللى فاتت
          تيل فرامل فرنساوى 125ج (الاصلى بيجو بــ250 بس بناء على رأى الناس اللى شغالة فى التوكيل هما اللى بينصحوا بالتانى و انا مركبة و شغال تمام)
          مساعدين امامى 650ج
          طنابير امامى 130 ج ( برضه الاصلى غالية جدا و محدش بيجيبها لأن دى شغالة كويس)
          بيض مقصات 130 ج
          طرمبة بنزين 1000ج بس طبعا دى مش بتتغير يمكن فى العمر مرة واحدة
          .
          .
          بالنسبة للبنزين
          قبل ما البنزين يغلى اما كانوا لسه مش بيغشوه اوى كده كانت بتعمل معايا 170 كيلو فى الصفيحة
          فى الزحمة الشديدة بتاعت فيصل و الهرم انما دلوقتى بقت بتعمل 140-150 فى الصفيحة
          الضريبة
          احنا بندفع 450ج فى السنة بتقل 50ج كل سنة لغاية ما تبقى 200 و تثبت على كده


          ارجو اكون افادتك يا أحمد باشا

          Comment


          • #6
            والله يا باشا شرحت فأوفيت..
            بس التعليق الصغير اللي عندي.. ان استهلاك البنزين بتاعها كتير شويتين تلاتة..
            و انت كمالن مانيوال..
            الاوتوماتيك دلوقتي اكيد استهلاكها اعلي..

            و الف الف شكر تاني علي التوضيح.. و جزاك الله خيرا..
            سبحانك اللهم ربنا و بحمدك.. اشهد الا اله الا انت..استغفرك و اتوب اليك..

            Comment


            • #7
              الشكر لله يافندم .. ربنا يكرمك
              .
              .
              اه للأسف كلامك صح فى موضوع البنزين
              الحكاية دى من ساعة زيادة أسعار البنزين
              ربنــــــــا يرحمنا يارب

              Comment


              • #8
                السلام عليكم

                اسمحولى أرد على كل الاسئلة لأن فى اختلافات و الإجابة بتاعتى حتكون عن عربيتى:

                أولا عربيتى 1800 سى سى لأنها فرنساوى- ال 2000 سى سى بيكون تقفيل توكيل أباظة و عامة بيجو اخر موديل عملتة 405 كان سنة 96 و بعدين نزلوا ال406 و ال 407

                العربية انجكشن و استهلاك البنزين حقيقى رائع عن تجربة شخصية مش مجرد كلام-انا كان معايا لانسر و ممكت أؤكد ان البيجو ال 1800 زيادة بسيطة جدا عن الانسر ال 1300
                الإختلافات بينه و بين العادى فى لاساس الاوتوماتيك - و الانجكشن-بقية الكماليات التانية مش جوهرية-بصفة عامة الفرنساوى مقاس العجل أكبر و الاكصدام بيكون فية فوانيس صغيرة و حجمة اكبر من المصرى-غير ان الكراسى مريحة اكتر وفرق جامد بينها و بين المصرى
                بالنسبة للترخيص عشان هية 1800 مش 2000 سى سى فترخيصها فى السنة حوالى 250 جنية و ال عربية 142 حصان تتمتع بقوة و عفشة ناعمة جدا - و دة فرق بيتها و بين المصرى موضوع العفشة دة
                بالنسبة لقطع الغيار فهى من اكثر السيارات انتشارا فى قطع الغيار و فى جميع المستوايات و الاسعار و على فكرة انا عربيتى بعملها عند مركز صيانة محمد جاد أو احمد عمارة و الاثنين معتمدين

                ارجو اكون جاوبت على كل الاستفسارات :)

                Comment


                • #9
                  طيب معلش هاكون اكتر رخامة و هسأل سعاتك..
                  ممكن لو تفتكر ارام عن استهلاك البنزين بتاعها,,..؟؟
                  يعني بتعمل تقريبا جوة البلد كام و علي السفر كام ف الصفيحة..؟؟
                  عشان الموضوع ده مهم جدا بصراحة.. و ده اللي هيفرق جامد معايا..
                  عشان العربية اكيد لا غبار عليها.. ما شاء الله..
                  سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                  Comment


                  • #10
                    السلام عليكم

                    استاذى العزيز...انا بعد زيادة البنزين بجيب دايما ب50 جنية (يعنى حوالى 26 لتر) بنزين 92 فى المرة و بيعد معايا حوالى 200كيلو متر مستريح و يمكن اكتر شوية...العربية انجكشن 1800 يعنى مش بتاكل بنزين أكيد بالعكس انا شايف ان حجمها و انها اوتوماتيك اكتر سعة لترية هى 1800 عشان القوة مع الاوتوماتيك من ناحية الحمد لله و الاستهلاك الاقتصادى للبنزين من ناحية تانية...على فكرة انا سوقت الانسر ال 1600 الاوتوماتيك و حسيت ان عربيتى اقوى منها بكتير فحقيقى صرفت نظر عنها...

                    شكرا

                    Comment


                    • #11
                      السلام عليكم

                      أنا فى نقطة أحب اوضحها بالنسبة لموضوع البنزين عشان انا بصراحة مبحسبوش خالص لأنى بحس ان استهلاكها ممتاز ...المهم اللينك دى فيها كل المواصفات الفنية للعربية ال 1800 سى سى الاوتوماتيك و فيها معدل استهلاك البنزين

                      This website is for sale! new-car-model.com is your first and best source for all of the information you’re looking for. From general topics to more of what you would expect to find here, new-car-model.com has it all. We hope you find what you are searching for!


                      المتوسط 7.5 لتر كل 100 كم

                      شكرا

                      Comment


                      • #12
                        والله يافندم مش عارف اقولك ايه..
                        الف الف شكر..
                        انا حاليا في مرحلة التفكير و الاستخارة..
                        و باسأل و استشير ماس خبرة ف البيجو كده..
                        و باسأل علي قطع الغيار و انتشارها و شوية حاجات كده..
                        و هاكلم سعاتك ان شاء الله لو في فرصة نتقابل في الويك اند ده ان شاء الله..
                        سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                        Comment


                        • #13
                          ال عربية 142 حصان
                          ال 1800 مش 142 حصان .... هي 101 حصان انا عريتي 2000 سي سي برستيج 123 حصان ..

                          وياجماعة البرستيج عربية حلوة قوي وسعرها مناسب
                          Mahmoud_Peugeot سابقاً
                          Houda سابقا

                          Comment


                          • #14
                            السلام عليكم

                            انا معايا كتلوج العربية و انا فعلا غلط فى موضوع الهورس باور الكتالوج بيقول 153 نيوتن متر بس مش جايب سيرة الهورس باور بس اللينك اللى انا بعتها بتقول كدة وكلامك يا استاذ واضح انة فعلا مظبوت بس فعلا السيارة فى منتهى القوة

                            شكرا:)

                            Comment


                            • #15
                              ماهو انا شوفت الرقم ده بالظبط في اللينك اللي صاحب العربية كان باعته حالا دلوقتي..

                              الف شكر يا باشا..
                              سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                              Comment

                              Working...
                              X