استيراد منين

[ahmed ahmed]

ممكن حضراتكم تفهموني اجيب عربيه استيراد منين ومنطقه حرة ازاي ومواصفاتها واسعارها زي الاوبترا 2004 مثلا

[Yousef.Kamel]

بورسعيد

[ahmed ahmed]

بورسعيد ازاي يعني ورقها لازم يكون معاقين وهجيبها من معرض ولا منين بالظبط والاسعار منخفضه ولا لا

[Yousef.Kamel]

ماهو مفيش استيراد غير معاقين اصلا .......او تلاقي حالة شاذة

[ahmed ahmed]

الحالات دي هلاقيها في معارض ولا ازاي انا معايا 65 ومش لاقي عربيه عدله اشتريها ففكرت في الاستيراد

[Yousef.Kamel]

مانا فاهم .......العربيات الاستيراد عموما بتبقي معاقين ......انا كنت بجيب عربيات استيراد من كوريا بس بقطعها وابيعها قطع غيار وحتي الاوبترا دي هناك اسمها دايو اوبترا ........وانا راي انك ممكن تجيب بال 65 دي عربية صني 2005 حالة ممتازة وممكن توصل 70 او لو عاوز كوري ممكن تشوف النترا 2005 افضل موديلات الالنترا مع اني شايف ان الصني 2005 افضل لانها ياباني 100 % و 1600 سي سي ......لكن لو مصمم علي استيراد ممكن تلاقي حالات نادرة يعني بتاعت واحد معاق او كدة لكن ثق تماما لا يوجد استيراد الا في بورسعيد

[ahmed ahmed]

اولا شكرا لحضرتك بجد ثانيا انا اخري بجد 65 مقدرش اعلي عن كده انا عارف انها في بورسعيد بس انزل معارض ولا ادور فين والاوبترا اسمها دايو لاستي

[Yousef.Kamel]

منطقه اﻻستثمار 1& 2فى بورسعيد هتﻻقى عربيات كتيره اقوي وممكن يشوفولك ورق معاقين عندهم بس خد ضماناتك الكافيه على المعاق