تسعير كيا برايد

[mohamed shawky]

بعد اذن السادة خبراء الكيا برايد
معروض عليا كيا برايد هاتشباك .. مكيفة .. موديل 1996 .. استعمال 3 سنين فقط ومرفوعة من وقتها حتى اليوم .. العداد 12000 كم فقط .. كل حاجة فيها بتاعت الفبريكة .. حتى الكاوتش لدرجة ان الاستبن ما نزلش على الارض ...! السعر المعروض 42000 وصاحبها مش عاوز ينزل جنيه نظراً للحالة .. انا حاسس انه مبالغ فيه جداً
ايه رأي الخبراء .. وياترى رفع السيارة المدة الطويلة دي تضر بحاجة في العربية ؟؟
وألف شكر مقدماً

[yaskhl]

طالما وصلت ل 42 الف. هات سبيرانزا a113 موديل 2009-2010 تكنولوجيا حديثه انجيكشن واوبشن وبرقبتها مليون مره. وهاتعانى من اثار ركنتها كتير دى اخرها 33 الف.

[elpasha1]

مؤيد لراي الاستاذ. Yaskhl

[mohamed shawky]

الف شكر للرد
لكن يا استاذ (. Yaskhl )
لكن في ناس بتعتبر الرفع لمدة طويلة ميزة مش عيب رغم ان انا معترض على السعر ومؤيد لحضرتك تماما
لكن ايه هي الاثار السلبية لرفع السيارة لمدة طويلة اوي كده ؟
انا معلوماتي محدودة في السيارات لكن اللي انا متوقعه انها هتحتاج كاوتش جديد وسيور وزيوت واحتمال تيل الفرامل وجلب المقصات .. وطبعاً ده كله هيتكلف مبلغ محترم ...... في ايه تاني ممكن يحتاج تغيير ؟؟؟؟؟

[elpasha1]

اعمل حسابك علي تغيير كل قطعة كاوتش في العربية
علي المدي البعيد

[nab!l]

الف شكر للرد
لكن يا استاذ (. Yaskhl )
لكن في ناس بتعتبر الرفع لمدة طويلة ميزة مش عيب رغم ان انا معترض على السعر ومؤيد لحضرتك تماما
لكن ايه هي الاثار السلبية لرفع السيارة لمدة طويلة اوي كده ؟
انا معلوماتي محدودة في السيارات لكن اللي انا متوقعه انها هتحتاج كاوتش جديد وسيور وزيوت واحتمال تيل الفرامل وجلب المقصات .. وطبعاً ده كله هيتكلف مبلغ محترم ...... في ايه تاني ممكن يحتاج تغيير ؟؟؟؟؟

الحاجات الى حضرتك قولتها مش قليله وكفيلة بانك تاخد القرار!!!

[yaskhl]

الف شكر للرد
لكن يا استاذ (. Yaskhl )
لكن في ناس بتعتبر الرفع لمدة طويلة ميزة مش عيب رغم ان انا معترض على السعر ومؤيد لحضرتك تماما
لكن ايه هي الاثار السلبية لرفع السيارة لمدة طويلة اوي كده ؟
انا معلوماتي محدودة في السيارات لكن اللي انا متوقعه انها هتحتاج كاوتش جديد وسيور وزيوت واحتمال تيل الفرامل وجلب المقصات .. وطبعاً ده كله هيتكلف مبلغ محترم ...... في ايه تاني ممكن يحتاج تغيير ؟؟؟؟؟

هههههههههههه. ايه اللى باقى تانى ياأستاذ/ محمد... وعلى فكره انت محتاج تعمل نظافه داخليه للموتور علشان رواسب الزيت اللى راقد فى العربيه بقاله سنين تقريبا اسمه فلاش حاجه زى كده. وما ادراك بالمساعدين ممكن تكون نشفت وحاجات تانيه. المهم ابعد عنها نصيحه لوجه الله انا اتعرضت للموقف ده وخسرت حوالى 9 الاف جنيه وبعت العربيه بعد سنه بس كانت شاهين.

[J A G U A R]

من الافضل تشوف حاجه تانيه اعلى من كده وموديل أحدث
وبلاش العربيات القديمه دى

[mohamed shawky]

ألف شكر لكل المحترمين اللي افادوني بالرد .. المشكلة ان سوق المستعمل اصبح سييء جداً وبه كمية من الغش والطمع والجشع لا يمكن تخيلها .. والله انا فكرت اشوف حاجة زيرو بس للأسف الاسعار بقت رهيبة لسيارات عادية .. اديني بدور على حاجة كويسة ..
والف شكر تاني لردكم

[yaskhl]

من رأيى اشترى اسبيرانزا a113 زيرو عربيه جميله جدا ب 68000 ادفع 40000 وقسط 18000 على سنتين مع تأمين شامل القسط الشهرى هايبقى فى حدود 900 جنيه وقدامك على الاقل 5 سنين على ماتفكر تغير فيها حاجه. ولا مستعمل ولا قرف. دى نصيحه من واحد مجرب. بالتوفيق

[body7733]

طالما وصلت ل 42 الف. هات سبيرانزا a113 موديل 2009-2010 تكنولوجيا حديثه انجيكشن واوبشن وبرقبتها مليون مره. وهاتعانى من اثار ركنتها كتير دى اخرها 33 الف.

+ 111111111