ماذا يحدث فى سوق السيارات

[mokem]

السلام عليكم
امبارح كنت فى سوق العاشر الاسعار غير طبيعية
لما فيرن 2004 صاحبها عايز 53000
لما كارنز 2012 صاحبها عايز 140000
لما سيراتو 2009 صاحبها عايز 105000
دا غير تويوتا كورلا تعتبر احسن من الدهب السعر الغير طبيعى
عايز افهم الاسعار مبالغ فيها كدا لية؟
اللهم الطف بنا!

[J A G U A R]

الناس فاكره معاها اللى مش مع حد

[hesham fawzy h]

يا باشا السوق اغلبيتة تجار و نصابين

[mokem]

بالاسعار دى الواحد يدفع مقدم عربية زيرو ويقسط الباقى. والاسم راكب عربية زيرو وعارف كل مسمار فيها .
رائيكو اية؟

[hesham fawzy h]

متفكرش تنزل السوق تانى شوف الاهل والمعارف و الاصدقاء و النت

[kholyo2002]

يا باشا محدش بيشتري بالاسعار دي واللي يقولك فلان بايع عربية كذا بكذا اعرف انه كله بيهري

[mody112]

بالرغم من الاسعار المبااااااااااااااااالغ فيها جدا فى سوق السيارات لما تكون عاوز تشترى عربية انما بقى لما تكون عاوز تبيع عربية هتسمع ابخس الاثمان ( ده شغل تجار ) وفى ناس بتجرى ورا السعر العالى فاكرين ان العربية كل ما سعرها رفع تبقى مش متهانة وهما دول اللى بيشتغل عليهم السوق

[adelghanem]

بالرغم من الاسعار المبااااااااااااااااالغ فيها جدا فى سوق السيارات لما تكون عاوز تشترى عربية انما بقى لما تكون عاوز تبيع عربية هتسمع ابخس الاثمان ( ده شغل تجار ) وفى ناس بتجرى ورا السعر العالى فاكرين ان العربية كل ما سعرها رفع تبقى مش متهانة وهما دول اللى بيشتغل عليهم السوق

فعلا كلام سليم
المستعمل:لو حبيت تبيع تلاقى اسعار فى الارض والكل يطلع لك
الموديل ده فيه 100 عيب.
ولو حبيت تشترى نفس الموديل تلاقى اسعار فى السما ..
و100 ميزه!!!!!!!!وده مش من التجار بس ده حتى من المعارف
ده حال المصريين

[mohamed_rhem]

طيب حضرتك ليه مفكرتش تجيب جديد او كسر زيرو في بعض التوكيلات زي رينو وفور وبي ام بتبيع كسر زيرو بالضمان

[tito29]

المصريين كده
لازم الفهلوة و النصاحة و النصب و لازم نخلق المشكلة علشان نعرف نستغل الزبون بأسواء طريقة في الدنيا
ربنا يصلح الحال

نصيحة أبعد تماما عن سوق العاشر ده خالص و خليهم كلهم تجار في بعض ينصبوا و يستغلوا في بعض لحد لما يفلسوا كلهم و يبطلوا الشغلانة دي
عارف نظرية القطيع؟ لما واحد يفتح محل موبيلات يقوم كل الناس تفتح موبيلات زيه و المنافسة في الأخر تخسرهم كلهم؟
هو ده شعبنا المسكين. أللي أنا برضه جزء منه بس بأواجه المواقف دي بالأستغناء يعني لما أحس أنه سوف يتم أستغلالي أصرف نظر فورا عن الحاجة دي لغاية أما يأذن ربنا و ألاقيها بصورة ترضي ربنا.

[El Prince]

بالاسعار دى الواحد يدفع مقدم عربية زيرو ويقسط الباقى. والاسم راكب عربية زيرو وعارف كل مسمار فيها .
رائيكو اية؟

+ 11111111111110 هو ده الكلام المظبوط

[طارق _عبد السلام]

مع هبل تجار العربيات ده يبقى الزيرو يكسب

هتشترى عربيه جديده وتفرمها خمس سنين وبعدين تبيعها باكثر من ثمن شراءها زيرو

هتسمع الكلام ده فى التويوتا والكيا وبعض الماركات

قمه الاستهبال والاستفزاز والتاجر لازم يبقى كذاب ويطير السعر وحظه بقى لما يقع فى زبون بيلف على عربيه من فتره طويله دا بيكون خلاص زهق واستسلم وبيشيل الليله كلها

[mokem]

طيب حضرتك ليه مفكرتش تجيب جديد او كسر زيرو في بعض التوكيلات زي رينو وفور وبي ام بتبيع كسر زيرو بالضمان

ممكن عنوان توكيل فورد

[Molham]

أنا رأيي ان الزيرو مفيش احسن وفرق مش كبير يعنى لو بصيت لفيرنا 2013 يقولك كسر زيرو وعايز 75 الف فيها وزود انت كمان 3 عقد مسجل ورخصة مع انك ممكن تجيبها زيرو موديل السنة 82 الف وباسمك وانت اول واحد راكبها .واخواتنا هنا بيقولوا مفيش حد عربية مريحاه وبيبعها الا نادرا جدا جدا جدا

[VANTROY]

انا نزلت مرة واحدة فقط السوق دا ...
السمه الرئيسيه للبيع هناك هى " الدهلكة "

اغلب اللى فى السوق ان لم يكن كلهم تجار .... وحتى عربياتهم مشكوك فى امرها

معلش العربيه النضيفه مش بتقعد تاخد تنت فى السوق تحت الشمس

يبقى علشان تروح السوق لازم تكون
1 تاجر وحابب تعملك مصلحة
2 زبون ومعاك عربيه تعبانه وعايز تخلص منها