إعـــــــلان

Collapse

.

,
See more
See less

نصيحه فى شراء ٢١٠٧ مصرى زيرو

Collapse
X
 
  • Filter
  • الوقت
  • Show
Clear All
new posts

  • نصيحه فى شراء ٢١٠٧ مصرى زيرو

    معروض عليا عربيه لادا ٢١٠٧ مصرى موديل ٢٠٠٨ عدادها ٣٣٥٥ كيلو يعنى العربيه زيرو فابريكه بره وجوه (محتاجه شويه سمكره وحكات بسيطه مش كتير ممكن تعمل حوالى 1000 جنيه مع رش ربع الرفرف ومن جوه الصالون زيرو) العربيه كانت مرفوعه من ٢٠٠٨ على فكره العربيه بتاعت اخو واحد صاحبى وكان لسه بيتعلم السواقه عليها وده سبب الحكات اللى فيها وبعدها سافر ومن وقتها العربيه فى الجراج السؤال المهم وياريت اللى يقدر يفيدنى او عنده فكره يرد عليا
    العربيه دى بكام تبقى كويسه مع العلم ان الزيرو بتاعها بحوالى ٦٥ الف وشكرا

  • #2
    بصراحة , خسارة الواحد يحط فلوسه في عربية تصميم سبعينات
    يعني لو عايز حاجة قطع غيارها ببلاش هات شاهين اهي ارحم شوية

    و لو اتكلمنا على اللانوس و الفيرنا فهما جنب اللادا و الشاهين عربيات فارهة , قطع غيارهم اغلى شوية طبعا , لكن بصراحة الفرق شاسع
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

    Comment


    • #3
      تعملها من ٢٨لحد ٣٢الف وانت و شطارتك
      بص نصيحه خليك في اكسيل او فليشيا انعم و اريح

      Comment


      • #4
        انصح حضرتك لوجة الله بلاش
        انا امتلكت العربية دى 3 سنوات ولمدة 160 الف كيلو طبعا من الزيرو لانها كانت بتاعت شركة
        مشاكل لا حصر لها
        (التكييف كانه مروحة فى افضل حالاته- طرمبة مياة معيبة يجب تغيررها منذ البداية-صاج خفيف جدا مثل الصفيح ودا طبعا محدش يتخيلها الكل متوقع انها تخش فى قطر تعوره لكن المصرى صاجها اضعف من اللانوس مثلا والله مكيروباص تيوتا دخل فيا من الشنطة هوا فانوسه اتكسر وانا الشنطة اتعجنت وطالت فردة الشاسية الخلفية متخيل- تقفيل ولا اسوأ -غيرت دينامو ومارش على 50 الف كل قطع الغيار من اسوا ما أنتجته الصناعة-الكاوتش كان راكب فيها قديم جدا وماركه بولندى تقريبا مش معروفة كل شوية يتخرم لدرجة الفردة الواحدة فيها اكتر من 20 لحام واتغير على 40 الف بالمحايلة -سخونة شديدة وبيغيروا الريدياتير بتاعها لواحد اكبر -مساحة رؤيا ضعيفة جدا من الامام حتى مراية الصالون ولا ليها لازمة-طبعا فى نهاية 160 الف كيلو الماتور اكل زيت وعمل عامرة والكرونا باظت مع انى الحمد لله استخدامى جيد جدا ومبحرقش عليها)
        المزايا
        (شكل لية هيبة طبعا شكل فقط - لو حتسافر بيها حتبقى مطمئن لانها غير ملفتة بالمرة للسارقين وقطاع الطرق بيدعوا للراكبها يوصل-قطع غيار رخيصة نسبيا بس منها مضروب كتير وغير معمرة)
        وصلى استخارة وربنا يوفقك

        Comment


        • #5
          أظن بعد كل اللي إتقال ده ..وبالتمن اللي هو من تمانية وعشرين لإتنين وتلاتين ..أقدر أقولك ..شوف إكسيل حاله واقفه على حيلها أحسن
          [SIGPIC][/SIGPIC]--------

          m_m_sh_a سابقا

          Comment


          • #6
            نصيحة بلاش لادا
            وحاول تزود وتجيب حاجة افضل

            Comment


            • #7
              عربية ممتازة في الطرق المكسرة وللسواقة في شوارع القاهرة مع بلطجية الميكروباصات - هي متعبة شوية في سواقتها لكنها عملية جدا - سعرها يكون في حدود 30 الف

              لو مشاويرك في طرق نضيفة ومسافات طويلة ممكن تجيب هيونداي -

              Comment

              Working...
              X