هيونداي اكسنت موديل 2001

[modey_qa]

العربيه: هيونداي اكسنت
موديل:2001 1300cc
الحاله العامه للعربيه: جيد جدا
الرخصه: ساريه ل 2010
اللون: اسود
كيلو مترات: 120 الف
حالة الصاج: جيد جدا
الدهان الخارجي: لسه جديد من3 شهور
دواخل: فابريقه
كاوتشات: بقالهم شهرين بس
كام يد: ثاني يد
تكيف +هاف باور

مطلوب كام 41000
البيانات دي بمنتهي الامانه ولاي معلومه لاي حد جاد في الشراء ده رقم موبايلي 0106477358

[askoda]

I'm sorry to tell you that this price is over estimated

this car can barely get 38 in this time

[modey_qa]

I'm sorry to tell you that this price is over estimated

this car can barely get 38 in this time

طبعا ده رايك واحترمه لكن انا شايف ان ده سعر العربيه الطبيعي جدا والموضوع مش موضوع تقيم وتوقعات
كل الناس الطبيعيه بتبيع العربيه دي حوالين الرينج ده حسب موديل العربيه وحالتها

وبعدين يا جماعه كلمة كساد مش معناها ان الاسعار تعلي او تقل انما معناها ان حركة البيع والشراء بتقل
وبما ان اسعار العربيات الجديده ما اتغيرتش يبقي طيبعي ان اسعار المستعمل ماتتغيرش
مش كده ولا ايه

[mxz911]

لا حضرتك معظم اسعار العربيات نزلت سواء مستعمل او جديده

شوف شركه فيات نزلت فى فيات لينا 10 الاف جنيه وفى جراند بونتو 7 الاف جنيه تقريبا وفى كذا موديل نزلت ف سعرهم جامد

فلما حضرتك عاوز تبيع الاكسنت يبقى اخرها فعلا 38 الف ده لو حالتها نظيفه جدا

والله يرحم ايام ما كانت ب 25 الف ومحدش بيبصلها !!!!

[mando_07]

5als ya gama3a ben elshary w elbaye3 yft7allah 3'er kda hwa kateb anha power (msh 3aref y3ny eh half power elsra7a?) w new tires y3ny momken t3ml fe 7dood 39

[ALIHUSSIEN]

اوتو ولا عادة

[modey_qa]

العربيه مانويل

[aly_hosny]

لو تخلص على 35 انا جاهز

[tamer51177]

لو تخلص على 35 انا جاهز

وَلَا تَبْخَسُوا النَّاسَ أَشْيَاءهُمْ . صدق الله العظيم
اللي عاجبه السعر يشتري ياجماعة أو يفاصل في نفس الرنج لكن كده حرام وصاحب العربية هايتضايق جدا

[modey_qa]

شكرا يا استاذ تامر علي المداخله
وبصراحه انا مش متضايق وعموما انا هاحتفظ بيها لاني حرام اخسر فيها بالمنظر ده
بس عندي ملاحظه ياريت المسئولين عن المنتدي ياخدوا بالهم منها وهي ان انا حاسس
اني في تجار بدائوا يدخلوا في المنتدي
واول ما حد يعرض عربيته تلاقي ناس عماله تنزل في السعر وخلاص وحتي ما تحسش انهم ناويين يشتروا بجديه
يعني الفصال المنطقي يبقي في الف الفين تلاته انما هما بينزلوا بالسبع والتمن تلاف وفي بعض منهم بيتكلموا في
منتهي السوقيه زي الاخ اللي داخل يقولي الله يرحم لما الاكسنت كانت ب25 الف
عموما عادي ونصيحه لاي حد بيعرض عربيته هنا انه يفرق بين التجار والناس المحترمه اللي عايزه تشتري بما يرضي الله

[aly_hosny]

مش معنى انك مش عايش في السوق يبقى احنا ال غلط
انزل السوق وشوف الاسعار
لانوس 2000 كانت ب 33
فبلاش الكلام ده بقى وعموما ربنا يسامحك
وخليها تصدي وموديلها يعدي

[modey_qa]

ده معناه انك عايش في السوق
وبرضه في الاخر انا مش زعلان من رأيك بس في طريقه محترمه في الكلام مش كده ولا ايه
وزي ما بقول ان في تجار بيحاولوا يستغلوا الظروف دي سواء في الاسواق او هنا في المنتدي من باب الاستغلال والذمم المخرومه
وعموما تصدي تعفن انت حارق دمك ليه؟؟

علي فكره الموضوع مغلق

شكرا

[بحري]

ياريت الإخوة الأفاضل تراعي حقوق الإخوة ولاتسبب حرج للأخ صاحب الإعلان لاسيما وأن المبلغ الذي طلبه ليس مبالغا فيه إلى الحد الذي يجعله عرضة للتهكم والسخرية

ويا أستاذ مودي روق دمك وإنت لازم تتعود على الأساليب دي لأن صوابعك مش زي بعضها
وخد بنصيحتي اسمع من هنا وطلع من هنا
ولو انت مش مستعجل في بيع العربية يبقى لازم تطول بالك شوية لأنك حتسمع حاجات كتيرة تعكننك

بالنسبة للعربية فربنا يوفقك في بيعها

أنا لسه شاري واحدة أكسنت كاملة أوتوماتيك موديل 99 عاملة 135 ألف كم بـ35 ألف ونصف وحالتها ممتازة ولكن تحتاج إلى وش نضافة من بره
فعلى كده يكون السعر المناسب لعربية 38-39 وما أظنش ده سعر بعيد كتير عن اللي انت طالبه
وعلى فكرة في المستعمل اللي بيفكر يكسر الأربعين بيدور على لانوس مثلا مش هيونداي
فلو حد كلمك في الرينج ده يبقى شئ كويس
ولو إنت شايف العربية تستاهل أكثر من كده وده وارد طبعا حسب الحالة، يبقى تصبر على العربية شوية وتبعد عن التجار
بالتوفيق لكل خير