ارجو المساعدة في تسعير النترا 2007

[ahmedkhl]

النترا 2007 GLS
موديل متميز و به الكماليات الاتية
1-اتوماتيك
2- ABS
3- Driver Air Bag
4- جنوط الومنيوم قياس 16 بوصة
5- العجل 16*205
6- مسند بالكونسول به درج للفتح علي مرحلتين
7- جراب نظارة بالسقف و 2 مصباح للقراءة
8- الشماسات بها مصابيح تضي عند فتحها
9- كاسيت اصلي من هيونداي مع وصلة Aux مدمجة في كنسول السيارة
10- مرايات كهربائية
11- تحكم في الكاسيت من طارة الدركسيون
12- حساسات باركنج سينسور في مراية الصالون
13-فرش جلد
14- طقم نواكل داخلية كاملة اصلية
15- تكييف تاتش و اتوماتيك
16- فوانيس شبورة
17- جميع كماليات السيارة الخارجية بنفس لون السيارة
فابريكة داخلي و خارجي عاملة حوالي 45000 ك متر
استبن السيارة جديد و لم يستعمل و لا يوجد بالسيارة خدش واحد

عاوز اعرف تسوي كام في السوق علي هذة الحالة
ارجو من السادة الاعضاء
الجدية و لا داعي للتعليق لمجرد التعليق

[Ahmad Allawy]

شوف يا باشا سعرها كام دلوقتي زيرو..
بيتهيألي في حدود 110 الف جنيه..
مهي ماشية 45 الف كم علي كلام سعاتك..
بيتهيألي ان سعرها دلوقتي هيبقي في حدود 85-90 الف حسب حالة السوق..
طبعا ده سعر تقريبي.. يعني ممكن تكون تجيب اكتر او اقل.. بس انا حسبتها بالمقارنة بالجديد..
و ربنا يوفقك ف البيع باذن الله..

[ahmedkhl]

الاخ العزيز

لا يوجد مثلها الان جديد
الي موجود بها فتحة سقف 118000

بدون اير باج
بدون Abs

[Ahmad Allawy]

والله انا مش عارف..
انا دورت علي كونتاكت.. لقيت اعلي فئة فيها اللي فيها فتحة سقف دي ب112 الف.. و مش مكتوب فيها اير باج و ايه بي اس ولا لأ..
انا توقعت ان دي اللي فيها كل حاجة..
عموما.. اسأل و شوف تمنها كام اخت عربيتك بالظبط.. و نقص منها 20-25 الف جنيه و شوف هتبقي كام..

و انا اسف لو السعر اللي قولته مكانش دقيق قوي.. لكن اهو مجرد تقييم مبدئي..

[ahmedkhl]

عموما اشكرك لسرعة الاستجابة

[sasam6]

80 الف تبقى لوقطة
بالتوفيق إن شاء الله

[lordnykon]

80 الف تبقى لوقطة
بالتوفيق إن شاء الله

ممكن اعرف حضرتك اتكلمت على اساس ايه علشان انا كمان عوز اعرف عربية بالمواصفات دى سعرها كام ؟؟؟؟؟
أرجو لصاحب العربية التوفيق فى البيع....

[AELASHRY]

Max 82,000
..............................

[د.محمود صلاح]

أعتقد انه مناسب لها 95 الف لأن هذه سعرها كان 124 الف تقريبا فلو نزلت كل سنة 15 الف يبقى كده كويس ... والله اعلم بس نصيحة ماتفرطش فيها الا لو عندك ظروف ومحتاج الفلوس

[hamadaeeisa]

هى فعلا السياره دى تساوى حاليا من 85 الى 90 الف وده تقييم مضبوط جدا لان السياره اللى ب 124 الف وبها فتحه سقف دى خليجى مش غبور ومواصفاتها مختلفه تماما عن عربيتك الا انه فى الشراء دائما مايفضل المشترى ( فى حاله الهيونداى فقط وليس اليابانى ) غالبا مايفضل السياره المشتراه عن طريق غبور زى عربيتك وذلك لظروف الصيانه وخلافه لكن المسأله بتتحسب ازاى تتحسب انه فى سنه 2007 كانت العربيه دى بكا تحديدا كنت حضرتك شاريها ب 114000 جنيه تصل الى 124000 لاعلى فئه فى الالنترا من غبور وبتخفيض استعمال 45000 كيلو وسنتان خدمه وتعليق نمر بما يساوى فى حدود 20000 جنيه يصبح ثمن السيارلاه فى حدود ال85 الى 90 الف جنيه وربنا يوفقك وتبيعها ان شالله ب 100000 جنيه

[ahmedkhl]

شكرا لكل من شارك في الموضوع
صرفت نظر عن البيع في الوقت الحالي عملا بالنصيحة و جزاكم الله خيرا

[AELASHRY]

ربنا يوفقك لما فيه الخير ان شاء الله

[big big]

انا اعتقد ان اخرها وكويس عليها 95000 عشان العربية دية سعرها نزل

[MEZAONLY]

from 85000 to 90000

[ahmed_atik]

لو لونها أسود حاشتريها منك النهاردة ب 90 ألف