قطع غيار هيونداى أتوس 98

[sherif222]

أرجوكم يا جماعة ساعدونى عندى هيونداى أتوس 98 وكل ما أحتاج قطعة غيار أدوخ عليها حتى عند المتخصصين فى الكورى فمثلا احتجت قربة مية المساحات لانها باظت كل ما أحط فيها مية ألاقيها اتسربت ومحتاج سلك كبوت لانه فالت من اليد اللى بتشده .. دول على سبيل المثال .. امال الواحد لو احتاج حاجة كبيرة حيعمل ايه ..أرجوكم ساعدونى ودلونى على محلات قطع غيار يكون عندها حاجات الأتوس (على فكرة أنا ساكن فى حدائق المعادى ) .. وحاسس ان أنا الوحيد اللى عندى الأتوس دى فى الدنيا

[mohamedgo1]

وانا بردو شرحو

[ahmed106]

السلام عليكم ورحمة الله وبركاته
الحمد لله اشتريت سيارة اتوس موديل 2000
تعبت شوية في قطع الغيار بس موجودة في التوفيقية عند واحد اسمه جورج عنده كل قطع الغيار الخارجية والداخلية الخاصة بها
وموجودة عند نافع بردوة في شارع دمشق وفي شارع دمش في كذا واحد عنده قطع الغيار بتاعتها
وكمان بالنسبة للي في حدائق القبة زي حالاتي في واحد اسمه هاني شخلول في أول شارع سكة الوايلى عند كل قطع الغيار بتاعة الميكانيكا بتاعتها
ووللتواصل ده رقم الموبايل بتاعي 0123527415 وياريت اتعرف على اصدقاء عندهم اتوس علشان نكلم بعض ونشوف هنعمل ايه في العربية اللي معانا دي

[hany626]

لو عاوز حاجات أصلية ليها استعمال كوريا ممكن اجيبهالك من بورسعيد .. لكن طبعاً فى حاجات منصحكش انك تجيبها استيراد وعموما شوف اللى انت عايزه وان شاء الله أقدر افيدك وربنا يصلح الاحوال

[Ahmed_BYD_F0]

يعنى معنى كده ان قطع الغيار موجودة لكن ايه اخبار اسعار قطع الغيار يعنى بتكون فى حدود كام

[ahmed106]

بالنسبة لأسعار قطع الغيار انا غير ت فيها حبة حاجات
1- سير كاتينة 125
2- سير دينامو وتكييف 50 الاثنيتن مش فاكر انهي عشرين وانهي تلاثين
3- الاكرة الامامية والخلفية الواحد ة 35 جنيه
4- غطاء قربة 25 جنيه
والأماكن زي ما قولت ليكم عند جورج في التوفيقية وعند نافع في شارع دمشق
وجبت ماكينة الاستوب بتاعة العربية السوزكوي ركبت عندي بعد تعديل بسيط من الكهربائي 10 جنيه

[mohamedgo1]

السلام عليكم ورحمة الله وبركاته
انا برضو عندى اتوس 98 وفعلا اغلبية حاجاتها عند جورج

[ahmed106]

في ناس كتير اتصلت بيا علشان حاجات في العربية محدش ضاف حاجة جديدة يا جماعة لوسمحتو عايزين نعرف اسعار الحاجات اللي بنشتريها علشان كله يبقى عند خبرة في الموضوع

[ahmed106]

يا ترى حد من الجماعة بتوع الاتوس غير الاكصدام الأمامي والخلفي علشان مكسورين عندى وعايز اغيرهم يا ريت حد لو غيرهم يحط الرد وبالمناسبة عندي مشكلة مع المساحات يا ريت حد يساعدنا في الموضوع ده

[mohamedgo1]

وانا كمان عايز اعرف ثمن الاكصدامات عشان ناوى اشد العربيه

[mohamedgo1]

الثلاثاء 14 ذو القعدة 1432

[ahmed106]

السلام عليكم يا جماعة هو مفيش حد بيحط اسعار غيرى ولا ايه اهوه كله بثوابه عايز نرفع قدر الموضوع ده علشان ينفعنا كلنا
المهم يا جماعة انا غيرت الريداتير
ثمنه 400 عند جورج
وحطيت مياه خضراء موبيل 60 جنيه
وعندى مشكلة في المرايات ومشكلة في المساحات ياريت حد يساعدنا وياريت حد يكون عرف ثمن الاكصدمات
وسألت عن جورج على المرايات
في صينيى 150
كوري 200
والفوانيس الامامية 175 جنيه صيني

[ahmed106]

في ايه يا جماعة الزيارة خفيفة ليه على الموضوع ده برجاء الاهتمام حتى لا يتم غلقة من قبل الإدارة
وياريت حد يفيدني في المساعدين علشان سمعت حكة غريبة امبارح في العربية
لو حد غيرهم يكتب لينا على الانواع والأسعار
وله جزيل الشكر والتقدير

[ahmed106]

كل عام والجميع بخير وسلام بمناسبة عيد الاضحى المبارك وبالاخص مالكي السيارات الاتوس

[ahmed106]

انا غيرت الردياتير من عند جورج في التوفيقية 400 جنيه
المراية الامامية 150 الشكل الجدبد
وسألت على السربنتبنة بتاعت التكييف 425 جنيه
لو سمحتوا يا جماعة عايزين نشارك في الموضوع مع بعض