للبيع بيجو 405 لدواعى سفرى

[the-hero]

السلام عليكم ورحمه الله وبركاته
فى ظروف ركود اسواق السيارات وانخفاض الاسعار وكل المعروض فى السوق حالات ليست بالجيده
ونظرا لتضارب الاسعار والاقاويل
عاوز أستشيركم ياتري عربيتى تساوى كام بما يرضي الله بعيدا عن الغش والتلاعب لأنى مضطر ابيعها لظرف سفر خارج مصر

هى مو 95 اللون فرانى. كربراتير1600 سي سي وارد فرنسا كانت بتاعت واحد كل شغله فى فرنسا وكان جيبها معاه من هناك بالنسبة للحالة فهى مختلفة تمام عن أى 405 هنا سواء فى العفشة أو فى الصالون
حالة الماتور تعتبر جيدة جدا يعنى 80% ومش محتاج اى مصاريف
فيها سخان حرارة اوتوماتيك بالكربراتير وكمان ريداتير عريض 3 ماسورة والعفشة بالكامل زى عفشة البرستيج
لكن بطنابير خافية مش سكاكين
حالة الصاج فبريكة من جوه وبرة لسه مجددة لكن فيها بعض الخرابيش من جراء المخربين من أبناء الوطن الغالى
لكن مع عمليه تلميع هتختفى
الأبواب مدعمة وكذالك السقف بخوص حديد
كل الازاز بالحالة الاصلية
أربع جنوط بيجو أصلى ألومنيوم 14 + الأستب أصلى
باور+سنتر+تكييف
أزاز كهربا امامى فقط
عدادات بأربي ام
كنصول كبير برستيج
دواسة جلد
التحكم فى وضع الدريكسيون
تحريك مقعد السائق لأعلى واسفل
سرينة فدرالى أصلى
أكصدام برستيج بفوانيس شبورة
كاسيت اصلى بيونير بأربع سماعات بكل باب سماعة+ 2ورا+2 تويتر فى الطبلوة
طبلوة بحالة ممتازة
بجد كل حاجه فى العربية أورجينال حت الدوسات الجلد الاصلية موجودة
مرايات كهربا ملغية لكن زرايرها موجودة بس مغيرها بمانيوال عملية عنها
عربيه لا ينقصها شيء ألا طقم كاوتش للأمان فقط لكن اللى فيها مشتكوش لسه فيهم والخمسة تيوبلس مشلان
والله يا جماعة بكتب الموضوع وانا كلى حزن وأسى عشان عارف انى مستحيل ألآقى نفس الحالة
بس أن شاء الله ربنا يعوض علينا بأحسن
فياريت تقولولى رأيكم فى تسعيرها بكل جد وحيادية لأنى سمعت فيها اقوال متضاربه خالص
مع العلم ان اللى هيخدها مش هيصرف عليها
والسلام عليكم ورحمه الله وبركاتة

[Ahmad Allawy]

والله انا زعلان ليك انك تبيع العربية دي..
عشان انا عارف انت عامل فيها ايه.. و صارف عليها و محافظ عليها ازاي..
ده انت واحد من كبارات ال405 هنا ف المنتدي..
بس معلش.. كل شيء نصيب.. و ربنا يرزقك و تجيب الاحسن منها ان شاء الله..
انا لسة شايف واحدة مصري موديل 2001 ماشية 80 الف كم فقط في معرض من اسبوعين تقريبا
فبريكة برة و جوة و الراجل قالي ممكن تخلص علي 40-42 الف..
و دي كمان خلي بالك انها موديل عالي..

انا بيتهيألي هتلعب في رينج من 40-45 حسب الحالة بقي والله اعلم..
انا عارف ان الرقم ده غريب قوي عليك.. و ممكن يزعلك.. بس والله و ده للأمانة الكلام اللي لسة سامعه من الراجل بتاع المعرض..
و للأسف كنت سمعت قبل كده انها الموديل اللي قبل 2000 قابل بقي من 35 وانت طالع..!!!!
بس انا عارف عربيتك عاملة ازاي.. و حالتها ايه.. ما شاء الله عليها.. ربنا يباركلك و يبارك للي هيشتري..

عموما.. اتمني اني اكون قدرت افيدك ولو افادة بسيطة..

[M.FOUAD]

لو جابت 42 الف توكل على اللة سعر ممتاز جدا

[the-hero]

[

والله انا زعلان ليك انك تبيع العربية دي..
عشان انا عارف انت عامل فيها ايه.. و صارف عليها و محافظ عليها ازاي..
ده انت واحد من كبارات ال405 هنا ف المنتدي..
بس معلش.. كل شيء نصيب.. و ربنا يرزقك و تجيب الاحسن منها ان شاء الله..
انا لسة شايف واحدة مصري موديل 2001 ماشية 80 الف كم فقط في معرض من اسبوعين تقريبا
فبريكة برة و جوة و الراجل قالي ممكن تخلص علي 40-42 الف..
و دي كمان خلي بالك انها موديل عالي..

انا بيتهيألي هتلعب في رينج من 40-45 حسب الحالة بقي والله اعلم..
انا عارف ان الرقم ده غريب قوي عليك.. و ممكن يزعلك.. بس والله و ده للأمانة الكلام اللي لسة سامعه من الراجل بتاع المعرض..
و للأسف كنت سمعت قبل كده انها الموديل اللي قبل 2000 قابل بقي من 35 وانت طالع..!!!!
بس انا عارف عربيتك عاملة ازاي.. و حالتها ايه.. ما شاء الله عليها.. ربنا يباركلك و يبارك للي هيشتري..

عموما.. اتمني اني اكون قدرت افيدك ولو افادة بسيطة..

احمد باشا أزيك ياراجل يا محترم ليك وحشة
ياباشا انا عارف ان السوق نايم اليومين دول بس ارجع واقول اى عربية حالتها جيدة جدا برضة سعرها عالى ليه لأن كل المعروض فى كل المركات اغلبيته مستهلاك وحالات متوسطة لأن اللى بيبيع عاوز يحسن وخايف ومش واثق فى العربية اللى معاه وده اللى لقيته فى سوق الجمعة واغلبية الأسواق الحالة الجيدة أكيد مرتفعة
وبالنسبة لعربيتى انا الفترة اللى فاتت خلصت فى كذا وحده لحبيبنا والمعروض منها قليل ومستهلك جدا مفيش ولا عربيه فى السوق عجبتنى كله مطحون شغل ولقيت 5 عربيات وأسعار من 38 ال 50 الف
وعربيتى اتحط فيها 42 الف من تاجر وانا لو مجبتش ال 45 مش بايع وهرفعها فى الجراش وده بينى وبينك اللى بتمناه برضة ديه عشرة يار اجل
والف شكر على مرورك يا بو حميد

لو جابت 42 الف توكل على اللة سعر ممتاز جدا

بص لو حسبتها كدا اكيد تخسر ليه لأنى مش هلاقى أبدا أبدا عربيه زيها فى النوع ولا الحالة ديه واحتمال انى ممكن ارجع اجيب 405 تانى كبير وسعتها هندم جدا جدا . فهخليها احسن

[nabaster]

يااااااااااااه يا احمد

انتا كمان هتبيع عربيتك؟؟؟

هيا شوطه في منتدي بيجو ولا ايه؟؟

انا انهارده كنت عند الميكانيكي ولاقيت الحاج بيقوله عايزين ان شاء الله زبون للعربيه انا كنت عارف انه ناوي بس معرفش انه ناوي بالسرعه دي

يا عم ده احنا مولودين وعايشين ونايمين في العربيات دي وانا ان شاء الله ناوي اكره اي زبون يجي فيها

نصيحه يا احمد لو تقدر ترفعها وقت سفرك سنه ولا حتي اتنين ارفعها ومتبعهاش

ولو ناوي تبيع والنيه لله يعني في مثل بيقول ساعة الكاش .......

يعني الي ناوي يبيع بـ 45 ساعة الكاش الزبون يقولك 42 كلمه منك والف فوق الف تحت هتلاقيه وصلت 43 او 44 وقتها اتوكل علي الله وبارك للي هياخدها

وان شاء الله ترجع تشتري الـ 406 الي نفسك فيها

كده كده وبيني وبينك الواحد لازم يتطور ومش هيفضل طول عمره في العربيه هيا هيا

صلي استخاره والي فيه الخير يقدمه ربنا

A.Yakout

[Nour_Peugeot]

هتجيب رينج 40 ال 43 يا احمد بس يا احمد لو جبيتلك في الرينج ده بيع و ربنا هيرزقك بالاحسن منها و تجيب 406 زي ما احمد بيقول

[the-hero]

لا بجد هى قفلت معايا بقي وانا بتلكك لنفسي
يا 45 الف يا بلاش
وهرفعها واللى يحصل يحصل

[the-hero]

كده كده وبيني وبينك الواحد لازم يتطور ومش هيفضل طول عمره في العربيه هيا هيا



a.yakout

ابو حميد ليك وحشة والله

الف شكر لمرورك عالموضوع
يا سلام لو تحدث وتفضل العربية القديمة
505- 405 -406
وكمان حتة 205 على حتة 307
تبقي تمام خالص
ده على فكرة طموح مش طمع