رجاء المساعده فى تسعير نوبيرا sx2008

[speed3001]

[3mr=backgrounds/16.gif]
السلام عليكم ورحمة الله وبراكاته
كل عام وانتم بخير
انا الحمدلله معايا نوبيرا 2008 كنت شاريعا زيرو يعني اول يد
العربيه عامله 25 الف كيلو
بالنسبه للعفشه تم تغير طقم مساعدين امامي باركة مونارو
علبة الشكمان فيها خبطه بس بسيطه
العربيه من الداخل فبريكه ومتركبلها كسوه حلد اسود
بالنسبه للعربيه من الخارج تم رش الشنطه من فوق باجود انواع البويه والخامات يعني الي يشفها حتى لو وقف جمبها سنه موش هيعرف ان الشنطه مرشوشه
بالنسبه للكماليات او مزايا العربيه (زينون الماني ماركة بوش 8000k) cd player
صيانة السياره بالكامل فى التوكيل انتهاء ترخيص 2011
السياره فيها بعض الحكات وخبطه بسيطه فى الرفروف اليمين اماي تترد على البارد
المحرك مزود بفلتر سبور والفتر الاصلي موجود لو عاوز تركبه عادي يعني
اقصى سرعة مشيت عليها هى 198 كيلو/الساعه بعدين كنيت عشان خفت شويه من الطريق

دا كل حاجه عن العربيه سعدوني فى معرفة سعر مناسب للبيع

وشكرا

[ahmed_gouda]

من قال لا اعلم فقد افتي

كل سنه وانت طيب

وان شاء الله تلاقي بيعه بالسعر اللي يرضيك

[ahmed_2009]

هى مانيوال و لا اوتوماتك

[hanycapoo]

باشا كل سنة وانت طيب لو عايز تبدل انا معايا لانوس 2004 فابريقة دواخل وبرة رشة حزام نضافة وماشية 80 الف كيلو جميع الكماليات لون نبيتى رخصة سنة لو كدة كلمنى على الخاص وانا ابعتللك رقمى ونتكلم فى السعر

[speed3001]

السياره manual
ربنا يباركلك فى اللانوس ويديك خرها ويكفيك شرها

بس انا بحب العربيات الي تقريبا عريضه زي النوبيرا بحكم اني غاوي سرعه وبهتم بالتفاصيل البسيطه اوي

العربيه بدون جنوط اسبور يعني جنوط حديد عاديه ودا لاني موش بثق فى الجنوط الاسبور بسبب مشاكلها يعني ممكن يتشرخ او ينكسر وكدا الطقم كله باظ

ان شاء الله بعد العيد هغير الكوتش بمقاس اعرض واحتمال استور جنوط bbs or oz بس جنوط سباق يعني يستحملوا عن الموجود محلي وتركيب استريت جلو استورم اديشن

ومستني منكم السعر المعقول لعربيه جميله زي دي

[speed3001]

دي صور للعربيه

[waleedrahmy]

في حدود64ألف جم

[waleedrahmy]

هو سيادتك من طنطا ولا من المنصورة

[bondjames]

أنا من شهر شارى واحدة ب67 الف عاملة 13500 كم

[waleedraafat]

انا كنت في السوق بتاع العاشر منذ عدة اسابيع
نوبيرا 2005 عاملة حوالي 60 الف كلم مطلوب 57 الف وراشة الجانبين
نوبيرا 2008 فابريقة كاملة عاملة 20 الف كلم مطلوب 68 الف جنية
احد اصدقائي اشتري واحدة سليمة اوتوماتيك 2005 عاملة 57الف كلم ب 55 الف جنيه بس من واحد صاحبة تاني كان طالب فيها 59 الف جنيه

احد اصدقائي كان بيحاول يشتري 2005 كان مطلوب فيها 53 الف جنيه بس راشة برة ، وواحدة تانية 2007 كان مطلوب فيها 65 الف جنيه

ارجو اني اكون قدرت اسعادك في التقييم واتخاذ القرار مع ملاحظة ان الاسعار باعلاه اسعار البائع ولا اعلم اسعار البيع الحقيقة التي تمت

[Michael_Lanos]

انا شايف 65 الف حلو عليها

[speed3001]

اشكركم على ردودكم ومساعدتكم
تخيلوا امبارح اتصلت بمعرض عشان ادخل النوبيرا فى لانسر او كورولا 2008 المهم يقولي النوبيرا اشتريها ب 58000 الف هههههههههههههههههههههههههههههههههههههههه
ينهار على الانتهاز والاستعباط دي 2008 وزي الفل
دا لو سعرها هيكون كدا والله ما انا بيعها ليه يعني اخسر فى عربيه 18 الف ليه يعني وهى ماشيه زي الفل الحمدلله رب العالمين

احب اعرف رايكم فى السعر الي عرضه التاجر مع العلم ان العربيه الي هخدها موش هينزل سعرها

صدق الي قال خلـــــــــــــــــيها تصدي ومديلــــــــــــــــها يعدي

[samirayad]

احب اعرف رايكم فى السعر الي عرضه التاجر مع العلم ان العربيه الي هخدها موش هينزل سعرها

حد يسمع كلام تاجر
خللى عربيتك معاك طالما مريحاك

[waleedraafat]

انت زعلان اوي، انا معايا واحدة 2008 زيك برضه

عملت عبيط وسالت تاجر علي تمنها ، قعد يقولي من الاخر عايز فيها كام وكده قمت سقت في الهبل وفهمته اني ما اعرفش قيمتها راح قايل لي العربيات دي اخرها 45الي 48 الف جنيه للسليم منها

[speed3001]

انا موش عارف ليه الناس دي بتعمل كدا
دا الواحد هلك وطلع عينه عشان يجبها بس الحمدلله على كل حال

انا كنت بفكر اني ابعها واجيب حاجه يباني تويوتا او لانسر بس استحاله ابعها بالخساره دي مع ان العربيه كويسه والحمدلله بس بجد بدأت اخاف منها
يعني كنت مسافر بيها وماشي على 190 لقيت فجأه ميه خضرا طلعت على الزجاج وقفت عالطول وبصيت لقيت القربه بتاعت الميه رشه ميه انا قلت بس العربيه حصلها حاجه بس وقفت بتاع ربع ساعه كدا وجبت ميه غسلت القربه والطرطشه الي عملتها وطبعا بتابعها اشوف التسريب دا حصل منين بس الحمدلله ملقتش اي حاجه انا هعمل موضوع عن النقطه دي عشان الناس الي فهامه برده تساعدنا

العربيه عادت لطبيعتها جدا ودا لاني بطلت اجيب اكتر من 170 يمكن الضغط الزياده فوق ال 170 عمل المشكله دي


بس نرجع للموضوع الاساسي الي هوه سعر النوبيرا والله انا فكرت جدا وقلت لو مجبتش 65 والله ما انا بيعها حرام بجد ابقى صارف عليها وفرش وزينون ونظافه وغيره وغيره واخسر فيها لما ابعها لا ارجع واقول
فعلا الي قال خليها تصدي ومديلها يعدي دا استاذ